Бургундскі ўніверсітэт

Бургундскі ўніверсітэт
Université de Bourgogne
Арыгінальная назва	Université de Bourgogne
Заснаваны	1722
Тып	дзяржаўны ўніверсітэт
Прэзідэнт	Alain Bonnin
Студэнты	27 400
Бакалаўрыят	16 800
Магістратура	9 400
Дактарантура	1 200
Размяшчэнне	Дыжон
Сайт	www.u-bourgogne.fr
Медыяфайлы на Вікісховішчы

Бургундскі ўніверсітэт (фр.: Université de Bourgogne) — французская дзяржаўная вышэйшая навучальная ўстанова са статусам універсітэта з сядзібай у горадзе Дыжон.

Гісторыя

У 1722 годзе ўказам Людовіка XV у Дыжоне адкрываецца ўніверсітэт. Першапачаткова планавалася адкрыць 4 факультэты, але ўніверсітэт Безансона, які знаходзіўся паблізу, быў супраць адкрыцця новага ўніверсітэта. Кароль пайшоў на кампраміс і ў Дыжоне адкрыўся ўніверсітэт, але меў усяго адзін факультэт права. У часы Вялікай французскай рэвалюцыі ўніверсітэт зачынены ўказам Нацыянальнага канвента ў 1792 годзе і зноў адкрываецца пры кіраванні Напалеона ў 1806 годзе. Ва ўніверсітэце адкрываюцца ў гэты час два новыя факультэты: медыцыны і дакладных навук. У 1970-х гадах eніверсітэт цалкам рэфармуецца.

Структура

У склад універсітэта ўваходзіць 10 факультэтаў, 10 інстытутаў і вышэйшая школа інжынераў.

Факультэты:

• Факультэт права і палітычных навук.
• Факультэт моў і камунікацый.
• Факультэт філалогіі і філасофіі.
• Факультэт медыцыны.
• Факультэт эканомікі і кіравання.
• Факультэт навук і тэхнікі.
• Факультэт гуманітарных навук.
• Факультэт фармацэўтыкі і фармацэўтычнай біялогіі.
• Факультэт навакольнага асяроддзя, зямлі і жыцця.
• Факультэт фізічнай культуры і спорту.

Інстытуты:

• Вышэйшы інстытут аўтамабіляў і транспарту.
• Інстытут адміністравання прадпрыемстваў.
• Інстытут па падрыхтоўцы дзяржаўных служачых.
• Інстытут вінаробства.
• Універсітэцкі інстытут па падрыхтоўцы прафесараў.
• Універсітэцкі інстытут тэхналогіі Дыжон-Асера.
• Універсітэцкі інстытут тэхналогіі Шалон-сюр-Сон.
• Універсітэцкі інстытут тэхналогіі Крэз.
• Прафесійны ўніверсітэцкі інстытут дакументацый прадпрыемстваў, выяў і сувязяў.
• Прафесійны ўніверсітэцкі інстытут кіравання ў адукацыйным, культурным і адукацыйна-падрыхтоўчым асяроддзі.