BMW E30

BMW E30

BMW E30 на Вікісховішчы

Агульныя даныя

Вытворца:

Bayerische Motoren Werke AG

Выпуск:

1982—1994 выпушчана 2 339 520 штук.

Зборка:

ФРГ

Дызайн

Тып(ы) кузавы:

2‑дзв. седан (4‑месн.) 4‑дзв. седан (5‑месн.) 2‑дзв. кабрыялет (4‑месн.) 5‑дзв. універсал (5‑месн.)

Рухавікі

• Бензін:
• 1.6-1.8 л M10 4-цыл.
• 1.6-1.8 л M40 4-цыл.
• 1.8 л M42 4-цыл.
• 2.0-2.5 л S14 4-цыл.
• 2.0-2.7 л M20 6-цыл.
• 3.2 л M30 6-цыл.
• Дызель:
• 2.4 л M21 6-цыл.

Трансмісія

4-ст МКПП, 3-ст АКПП

Характарыстыкі

Масава-габарытныя

Даўжыня:

4325 мм

Шырыня:

1645 мм

Вышыня:

1380 мм

Клірэнс:

125 мм

Колавая база:

2570 мм

Маса:

1100 — 1350 кг

На рынку

Папярэднік Папярэднік BMW E21

Пераемнік Пераемнік BMW E36

Звязаныя:

BMW Z1, BMW M3

Падобныя мадэлі:

BMW E28, BMW E32, BMW E34

Сегмент:

D-сегмент

Іншае

Аб'ём бака:

55 — 63 л

BMW E30 — кампактны аўтамабіль кампаніі BMW. Быў другой мадэллю «трэцяй серыі», змяніўшы на канвееры BMW E21 у 1982 годзе і быў заменены на BMW E36 у 1993 годзе. Кабрыялеты E30 працягвалі выпускаць да 1993 года, універсалы — да 1994 года.

Гісторыя

E30 3-й серыі быў выраблены ў кузавах шасці тыпаў: 4-х дзверны седан, 2-х дзверны седан (часта блытаюць з "купэ"), 5-ці дзверны ўніверсал (па класіфікацыі БМВ — «турынг») і кабрыялет. Быў таксама даступны кабрыялет «Баур».

Аўтамабілі былі абсталяваныя шэрагам радных 4-цыліндравых (BMW M10, M40 BMW і BMW M42) і радных 6-цыліндравых (BMW M20 і M21 BMW) рухавікоў, як з бензінавым, так і з дызельным палівам. Круцільны момант для рухавікоў складае ад 140 Н·м (100 фунтаў·футаў) для 1,8 л (1766 куб. см) 4-цыліндравага рухавіка, да 230 Н·м (170 фунтаў·футаў) для 2,7 л (2693 куб см.) 6-цыліндравага бензінавага рухавіка.

Усе рухавікі, акрамя механічных каробак перадач, абсталёўвалі таксама 4-дыяпазоными аўтаматычнымі гідрамеханічнымі трансмісіямі. Такія аўтамабілі ў большасці сваёй былі папулярныя ў ЗША і Вялікабрытаніі. Спартыўная накіраванасць BMW 3-й серыі, перш за ўсё — на маладых забяспечаных людзей, была відавочная. У аўтамабілі BMW 3-й серыі ўсталёўваліся і 6-цыліндравыя рухавікі, якія па сваёй магутнасці маглі спаборнічаць з мадэлямі больш старэйшага класа.

Аб'ём багажніка седана складае 425 літраў, у той час як у ўніверсала ён вар’іруецца ад 370 да 1125 літраў. Грузападымальнасць складае 500 кг.

У 1983 годзе ў Германіі цана на BMW 316 у 2-дзвярным кузаве складала 20 700 DM, а ў 1986 тая ж машына каштавала ўжо 22 550 DM.

Мадэлі

• Еўропа
  • 1984—1987 316 — 1.8 л M10B18 I4, 90 к.с. (66 кВТ)
  • 1988—1993 316i — 1.6 л M40B16 I4, 102 к.с. (73 кВт)
  • 1987—1988 316i — 1.8 л M10B18Kat I4, 102 к.с. (75 кВт)
  • 1985—1987 318i — 1.8 л M10B18Kat I4, 102 к.с. (75 кВт)
  • 1984—1987 318i — 1.8 л M10B18 I4, 105 к.с. (77 кВт)
  • 1987—1991 318i — 1.8 л M40B18 I4, 115 к.с. (85 кВт)
  • 1989—1991 318is — 1.8 л M42B18 I4, 136 к.с. (100 кВт)
  • 1984—1985 320i — 2.0 л M20B20 I6, 125 к.с. (92 кВт)
  • 1985—1991 320i — 2.0 л M20B20 I6, 129 к.с. (95 кВт)
  • 1988—1990 320is — 2.0 л S14B20 I4, 192 к.с. (141 кВт)
  • 1984—1986 323i — 2.3 л M20B23 I6, 150 к.с. (110 кВт)
  • 1984—1991 325i — 2.5 л M20B25 I6, 170 к.с. (125 кВт)
  • 1987—1991 325iX — 2.5 л M20B25 I6, 170 к.с. (125 кВт)
  • 1986—1988 M3 — 2.3 л S14B23 I4, 205 к.с. (147 кВт)
  • 1989—1991 M3 Evo — 2.3 л S14B23 I4, 215 к.с. (158 кВт)
  • 1991—1991 M3 Evo II — 2.5 л S14B25 I4, 238 к.с. (175 кВт)
  • 1985—1991 324d — 2.4 л M21B24 I6, 86 к.с. (63 кВт)
  • 1987—1991 324td — 2.4 л M21B24 I6, 115 к.с. (85 кВт)
• Іншыя рынкі
  • 1984—1985 318i — 1.8 л M10B18 I4, 101 к.с. (75 кВт) — Паўночная Амерыка
  • 1991 318iS — 1.8 л M42B18 I4, 136 к.с. (100 кВт) — Паўночная Амерыка
  • 1984—1991 325e — 2.7 л M20B27 I6, 122 к.с. (90 кВт) — Паўночная Амерыка
  • 1986 325es — 2.7 л M20B27 I6, 129 к.с. (90 кВт) — Паўночная Амерыка
  • 1987—1991 325i/is — 2.5 л M20B25 I6, 170 к.с. (125 кВт) — Паўночная Амерыка
  • 1988—1991 325ix — 2.5 л M20B25 I6, 170 к.с. (125 кВт) — Паўночная Амерыка
  • 1988—1991 M3 — 2.3 л S14B23 I4, 195 к.с. (143 кВт) — Паўночная Амерыка
  • 1985—1987 333i — 3.2 л M30B32 I6, 197 к.с. (145 кВт) — Паўднёвая Афрыка

324d, 324td

У 1985 годзе з’явілася 324d, якая стала першай «тройкай» з дызельным рухавіком (першым BMW з дызелем была 524td).

М21 — радны шасціцыліндравы дызельны рухавік. Аб’ём — 2,4 літра, магутнасць — 86 к.с. Яго асновай стаў бензінавы шасціцыліндравы рухавік М20, але дызель, распрацаваны і выраблены кампаніяй Steyr (Аўстрыя), быў узмоцнены ў шматлікіх кампанентах.

Базавая цана BMW 324d пры выхадзе на рынак — 27 450 марак. У канцы жніўня 1987 года яна складала ўжо 30 600 марак. У мадэльным шэрагу 324d была паміж 318i і 320i.

Было пабудавана 76 056 асобнікаў 324d і каля 29 000 324td.

325iX

BMW 325iX Touring (1987–1991)

Паўнапрывадны 325iX вырабляўся з 1987 па 1991 год.

Версія была даступная ў кузавах седан і ўніверсал «Touring». Аўтамабілі абсталёўваліся радным шасціцыліндравым рухавіком M20B25 аб'ёмам 2,5 л магутнасцю 125 кВт (171 к.с.).

Цягу паміж восямі размяркоўваў несіметрычны (37:63) планетарны дыферэнцыял. Ён і дыферэнцыял задняга моста маглі да 90% блакавацца вязкаснымі муфтамі. Ад міжвосевага дыферэнцыяла на прывадны вал пярэдняга моста магутнасць перадаваў зубчасты ланцуг. Раздатачная скрынка мадэлі A 95 пастаўлялася кампаніяй ZF.

325iX Elektro-Antrieb

На базе 325iX быў пабудаваны электрамабіль, які замест бензінавага рухавіка меў электрарухавік пастаяннага току магутнасцю 17 кВт (пікавай — 22 кВт) і натрый-серныя (NaS) акумулятары фірмы ABB (Asea Brown Boveri). Батарэі ёмістасцю 22 кВт·г пры вазе 265 кг забяспечвалі прабег 150 км ва ўмовах гарадскога руху, але іх кампаненты былі больш таксічнымі і вогненебяспечнымі. Таксама ў адрозненне ад серыйнага 325iX меў толькі пярэдні прывад. Электрарухавік дазваляў дасягаць хуткасці 100 км/г і разганяцца да 50 км/г за дзевяць секунд.

У 1987–1990 гг. былі пабудаваныя восем тэставых машын.

333i

На рынку Паўднёва-Афрыканскай Рэспублікі BMW M3 не прапаноўвалася. Замест яе BMW South Africa прадставіла створаную ў супрацоўніцтве з Alpina мадэль 333i. На яе ўсталёўвалі 3,2-літровы радны шасціцыліндравы рухавік ад BMW 733i і пяціступеньчатую каробку перадач. Максімальная магутнасць складала 145 кВт пры 5500 аб/хв, круцільны момант — 285 Н·м пры 4300 аб/хв.

З 1985 да 1987 года было зроблена каля 200 адзінак.

M3

BMW M3 E30

М3 была ўпершыню прадстаўлена на платформе Е30. За аснову быў узяты 2-х дзверны седан. Дэбют адбыўся на Франкфурцкім аўтасалоне 1985 года, а ўвесну 1986 года прайшла журналісцкая прэзентацыя.

Аўтамабіль быў абсталяваны высока-абаротным 4-цыліндравым рухавіком BMW S14, зробленым на аснове расточанага чыгуннага блока ад мадэлі 318i са скарочанай на траціну алюмініевай чатырохклапаннай галоўкай ад шасціцыліндравага рухавіка мадэлі М1. З аб'ёма 2,3 л у дарожным варыянце здымалася 195 к.с. пры 5500 аб/хв — з улікам каталітычнага нейтралізатара, у гоначнай канфігурацыі матор развіваў 300-360 к.с., раскручваючыся да 10000 аб/хв. Каробка перадач з «гоначнай» схемай ўключэння была ўзятая ад «старэйшых» спартыўных BMW. Таксама былі ўжытыя задні самаблакіраваны дыферэнцыял, змененая геаметрыя падвескі, новыя спружыны і амартызатары. У 1987 годзе на МЗ пачалі ставіць амартызатары з рэгуляваным супорам. Кузаў М3 Е30 — больш шырокі і доўгі адносна базавай версіі: пашыраныя крылы і аэрадынамічнае абважванне, якое ўключала накладку на крышку багажніка і антыкрыло. Пад'ёмная сіла знізілася, а Cx складаў 0,35. Лёгкая (1200 кг) машына разганялася да 100 км/г за 6,9 с і набірала 230 км/г.

У красавіку 1988 года з'явілася першая спецверсія МЗ Evolution з рухавіком, фарсіраваным да 220 к.с. Усяго было выпушчана 500 адз. У тым жа годзе быў прадстаўлены кабрыялет BMW МЗ, выпушчаны ў колькасці 768 штук.

У 1989 году магутнасць базавага матора павялічылі да 215 к.с., а ў сакавіку 1990 года з'явілася найбольш магутная дарожная версія МЗ Sport Evolution — рухавік аб'ёмам 2,5 л развіваў 238 к.с. і разганяў лёгкае купэ да 250 км/г.

• 
  Выгляд ззаду M3
• 
  BMW M3 Evolution II (1988–1990)
• 
  BMW M3 Sport Evolution (1990)
• 
  M3 Кабрыялет

Літаратура

• Было все «по-честному» // Off-Road Drive : часопіс. — 2011. — № 2. (руск.)
• M3: детство, отрочество, юность // Авторевю : часопіс. — 2007. — № 15 (385). — С. 23. (руск.)

Гл. таксама

• На Вікісховішчы ёсць медыяфайлы па тэме BMW E30
• Пашыраная версія пярэдняй падвескі і хадавая частка ад Е30 325i былі выкарыстаны ў BMW Z1.