Журавіцкі раён — адміністрацыйна-тэрытарыяльная адзінка ў БССР у 1924—1931 і 1935—1956 гадах. Утвораны 17 ліпеня1924 года ў Магілёўскай акрузе (да 26 ліпеня 1930 года), з 20 лютага 1938 года ў Гомельскай вобласці. Цэнтр — в. Журавічы. Падзяляўся на 11 сельсаветаў. Плошча 635 км², насельніцтва 33755 чалавек (1935); 189 населеных пунктаў. Скасаваны 8 ліпеня 1931 года, яго тэрыторыя перададзена ў Быхаўскі, Кармянскі, Прапойскі і Рагачоўскі раёны. 5 красавіка 1935 года Доўскі раён перайменаваны ў Журавіцкі раён. З 26 мая 1935 года падзяляўся на 14 сельсаветаў. Скасаваны 17 снежня 1956 года, тэрыторыя далучана да Быхаўскага і Рагачоўскага раёнаў.