Мыс Дзяжнёва

Мыс Дзяжнёва
Від на Берынгаў праліў са спадарожніка. Мыс Дзяжнёва злева.
66°04′45″ пн. ш. 169°39′07″ з. д.
Акваторыя	Ціхі акіян
Краіна	Расія
Суб'ект	Чукоцкая аўтаномная акруга
Аўдыё, фота і відэа на Вікісховішчы

Мыс Дзяжнёва — крайні ўсходні пункт Чукоцкага паўвострава і, адпаведна, крайні ўсходні мацерыковы пункт Расіі і ўсёй Еўразіі. Ізаляваны плоскавяршынны горны масіў вышынёй да 741 м, які стромка абрываецца да мора. Знаходзіцца ў Берынгавым праліве, які злучае Паўночны Ледавіты акіян (Чукоцкае мора) з Ціхім акіянам (Берынгава мора). Ад мыса Дзяжнёва да мыса Прынца Уэльскага (Аляска) — крайняга заходняга мацерыковага пункта Паўночнай Амерыкі — 86 км, а да касы, што размешчана побач, менш 82 км.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8.

Спасылкі

• Дежнева мыс // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.