Ніжні замак (Полацк)

З пляцоўкі Вікіпедыя
(Пасля перасылкі з Ніжні замак, Полацк)
Jump to navigation Jump to search
Замкі Полацка 17 стагоддзя. Ніжні замак злева

Ніжні, або Стралецкі замак — колішні замак у Полацку.

Апісанне[правіць | правіць зыходнік]

Уяўляў сабою земляны насып (г.зв. «вал Івана Грознага») даўжынёй 600 м, вышынёй 10 м, шырынёй асновы да 30 м, абнесены па перыметры рубленай сцяной. Плошча замка — каля 6 га.

Гісторыя[правіць | правіць зыходнік]

Ніжні замак пабудаваны па загаду рускага цара Івана IV пасля ўзяцця Полацка яго войскамі ў 1563 годзе ходам Лівонскай вайны. Насыпалі вал палачане на працягу двух гадоў пад кіраўніцтвам баярына Шуйскага і ваявод Зайцава і Шчокіна. Ніжні замак на планах XVI ст. меў 8 вежаў, у цэнтры замка стаяла вежа тыпу данжон. У XVII ст. вежы і рубленыя сцены замянілі на просты тын.

Замак не меў вялікага абарончага значэння, бо быў пабудаваны без уліку законаў фартыфікацыі, без уліку актыўнага развіцця ваеннай тэхнікі ў XVIXVII ст., у ім жылі стральцы рускага гарнізона пад камандаваннем князёў Шуйскага і братоў Сярэбраных (таму замак называўся яшчэ і Стралецкай слабадой).

Панарама Полацка з вала Ніжняга замка, 1914 год.

Абарончую функцыю Ніжні замак страчвае ў пачатку XVIII ст. і з таго часу становіцца месцам жыхарства маргінальнай часткі насельніцтва Полацка[1].

Сучаснасць[правіць | правіць зыходнік]

Драўляныя канструкцыі замка не захаваліся. Вал замка захаваўся часткова — на працягу 400 м, у цэнтры праезд больш позняга перыяду. Сваёй формай, зялёнымі насаджэннямі ён досыць арганічна ўпісваецца ў ландшафт горада. У 1960-я гады ў унутраныя схілы валоў былі прыстасаваны пад трыбуны стадыёна «Спартак», які размяшчаўся на тэрыторыі самога замка.

Зноскі

Літаратура[правіць | правіць зыходнік]

Спасылкі[правіць | правіць зыходнік]