Сцвіга

З пляцоўкі Вікіпедыя
(Пасля перасылкі з Рака Сцвіга)
Jump to navigation Jump to search
Сцвіга
бел.: Сцвіга, укр.: Ствига
Stwiga waska pod Dzierzynskiem.jpg
Вышыня вытоку 188 м
Вышыня вусця 120 м
Даўжыня 178 км
Вадазбор 5300 км²

Сцвіга — рака ў Ровенскай вобласці Украіны і ў Столінскім і Жыткавіцкім раёнах Беларусі, правы прыток Прыпяці.

Даўжыня 178 км, у т.л. у межах Беларусі 112 км. Вадазбор 5,3 тыс. км², у т.л. у межах Беларусі 4,3 тыс. км². Сярэднегадавы расход вады ў вусці 21,6 м³/с. Агульнае падзенне ракі 68,3 м. Сярэдні нахіл воднай паверхні 0,4 .

Асноўныя прытокі[правіць | правіць зыходнік]

Справа: ручай Плаў, канал Бычок, Глушэц. Злева: Маства.

Агульнае[правіць | правіць зыходнік]

Пачынаецца ў Ракітнаўскім раёне Ровенскай вобласці на вышыні 188 м над узроўнем мора, вусце за 2 км на паўночны ўсход ад в. Пагост Жыткавіцкага раёна. Цячэ ў межах Прыпяцкай нізіны (па Жытомірскім Палессі на Украіне і Прыпяцкім Палессі на Беларусі).

Даліна ў вярхоўі трапецападобная (шырыня 0,5—1 км), ніжэй невыразная, зліваецца з прылеглай мясцовасцю. Пойма двухбаковая, шырыня ў вярхоўі і сярэднім цячэнні 80—200 м, ніжэй 0,6—1,2 км.

Рэчышча свабодна меандруе, моцназвілістае, разгалінаванае, трапляюцца пясчаныя астравы, якія затапляюцца ў разводдзе; у вярхоўі — каналізаванае, шырыня ў ніжнім цячэнні 20—30 м. У сярэднім цячэнні працякае праз возера Гуска.

Крыніцы[правіць | правіць зыходнік]

  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
  • Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.