Горад Кобрын

Горад Кобрын Сцяг Герб Каардынаты 52.216667, 24.3552°13′00″ пн. ш. 24°21′00″ у. д.52.216667° пн. ш. 24.35° у. д.    Краіна Беларусь Вобласць Брэсцкая Першае згадванне 1287 Насельніцтва 51 300 чалавек (2009) Часавы пояс UTC+3 Тэлефонны код +375 1642 Паштовы індэкс 225301—225306, 225860 Кобрын Кобрын

Кобрын на Вікісховішчы

Кобрын — горад у Брэсцкай вобласці Беларусі, адміністрацыйны цэнтр Кобрынскага раёна, на сутоках р. Мухавец і Дняпроўска-Бугскага канала. У 52 км ад Брэста. Чыгуначная станцыя на лініі Брэст—Гомель. Вузел аўтадарог на Мінск, Брэст, Пінск, Ковель, Маларыту. Насельніцтва 50,5 тыс. чал. (2006).

Гісторыя

Упершыню згадваецца ў Іпацьеўскім летапісе каля 1287 у складзе Уладзімір-Валынскага княства. З першай паловы 14 ст. у складзе ВКЛ, у 1404—1519 гг. цэнтр Кобрынскага княства. Належаў Раману Ратненскому, каралевам Боне Сфорцы, Ганне Ягелонке, Канстанцыі Аўстрыячцы.

Калі ў 1586 г. Кобрын атрымала каралева-ўдава Ганна Ягелонка, дачка Боны Сфорцы і Жыгімонта Старога, актыўная ў палітычных і гаспадарчых справах, то каб стымуляваць развіццё рамёстваў і гандлю, павялічыць даходнасць гарадской гаспадаркі, каралева надала Кобрыну магдэбургскае права. У 1589 Ганна Ягелонка асабіста прыбыла ў горад і ўрачыста ўручыла жыхарам прывілей, падпісаны нядаўна абраным каралём Жыгімонтам ІІІ Вазай (1587—1632). 10 снежня 1589 года Кобрын атрымаў герб «у сярэбраным полі выява дзвюх жаночых постацей, на руках у адной дзіця». Кобрын меў магдэбургскае права да 1766.

У XVI—XVIII ст. цэнтр Кобрынскай эканоміі. З 1801 павятовы горад. Падчас вайны 1812 г. каля Кобрына 27 ліпеня 1812 адбыўся г.зв. Кобрынскі бой. З 1921 у складзе Польшчы, з 1939 у БССР, з 1940 — цэнтр раёна.

Эканоміка

Прадпрыемствы машынабудаўнічай, харчовы, лёгкай, будаўнічых матэрыялаў прамысловасці. Гасцініцы «Беларусь», «Сувораў». Кобрын — цэнтр турызму нацыянальнага значэнні.

Культура

• Кобрынскі ваенна-гістарычны музей імя А. В. Суворава.

Выдатныя мясціны

Будынак былой сінагогі ў Кобрыне.
Мастак А. Наліваеў.

• Кобрынская Мікалаеўская царква
• Кобрынская Пятра-Паўлаўская царква
• Кобрынскі касцёл Ушэсці Найсвяцейшай Панны Марыі
• Кобрынскі Аляксандра-Неўскі сабор
• Кобрынскі Спаскі манастыр (1497)
• Кобрынскі сядзібны дом
• Кобрынская сінагога (2-я пал. 19 ст.)
• Паштовая станцыя (1846)
• Дняпроўска-Бугскі канал
• Парк імя Суворава

Выбітныя ўраджэнцы і жыхары

• Оскар Зарыскі
• Алег Анатолевіч Стральчонак, беларускі вучоны ў галіне біяарганічнай хіміі

Гл. таксама

• Кобрынскі замак

У Сеціве

• Асноўныя даты гісторыі горада Кобрына i iнш.