Торстэн Нільс Візел

З пляцоўкі Вікіпедыя
Перайсці да: рух, знайсці
Торстэн Нільс Візел
англ.: Torsten Nils Wiesel
Torsten Wiesel-7Nov2006.jpg
Торстэн Візел у 2006 годзе на фестывалі навукі ў Генуі
Дата нараджэння:

3 чэрвеня 1924(1924-06-03) (90 гадоў)

Месца нараджэння:

Упсала, Швецыя

Краіна:

Flag of Sweden.svg Швецыя

Навуковая сфера:

Нейрабіялогія

Узнагароды і прэміі


Нобелеўская прэмія Нобелеўская прэмія па фізіялогіі і медыцыне (1981)
Нацыянальны навуковы медаль ЗША (2005)

Торстэн Нільс Ві́зел (англ.: Torsten Nils Wiesel, 3 чэрвеня 1924, Упсала, Швецыя) — шведскі нейрафізіёлаг, лаўрэат Нобелеўскай прэміі па фізіялогіі і медыцыне ў 1981 годзе разам з Дэвідам Х'юбелам і Роджэрам Сперы за «за адкрыцці, якія датычацца прынцыпаў перапрацоўкі інфармацыі ў нейронных структурах».

Біяграфія[правіць | правіць зыходнік]

Торстэн Візел нарадзіўся 3 чэрвеня 1924 года ва Упсале (Швецыя). Яго бацька быў галоўным псіхіятрам і дырэктарам шпіталя Бекамберга на ўскраіне Стакгольма, але сам Візел зацікавіўся навуковай дзейнасцю толькі ў 17 гадоў. Вучыўся ў Каралінскім інстытуце ў Стакгольме. З 1954 года працаваў у гэтым універсітэце. З 1955 года ў ЗША. З 1959 года ў Гарвардзе, з 1983 года прафесар у Ракфелераўскім універсітэце, у 1991-1998 гадах — прэзідэнт Ракфелераўскага ўніверсітэта. Цяпер - ганаровы прэзідэнт універсітэта.

З'яўляецца аўтарам навуковых прац па нейрафізіялогіі органаў зроку. Разам з Д.Х.Х'юбелам вызначыў прынцыпы перапрацоўкі інфармацыі ў нейронных структурах мозга, якія ўспрымаюць вонкавыя сігналы.

Прафесар фізіялогіі (1964), нейрабіялогіі (1968).

Член Амерыканскай акадэміі навук і мастацтваў, Нацыянальнай АН ЗША, Лонданскага каралеўскага таварыства.

Візел таксама з'яўляецца членам Шведскай каралеўскай акадэміі навук, Сербскай акадэміі навук і мастацтваў, і замежным членам Індыйскай нацыянальнай акадэміі навук.

Узнагароды[правіць | правіць зыходнік]

Літаратура[правіць | правіць зыходнік]

  • Беларуская энцыклапедыя: У 18 т. Т.4: Варанецкі - Гальфстрым / Рэдкал.: Г.П.Пашкоў і інш. - Мн.: БелЭн, 1997. - 480 с.: іл.

Спасылкі[правіць | правіць зыходнік]