Эндру Віктар Шалі

Эндру Віктар Шалі
англ.: Andrew W. Schally
Дата нараджэння:	30 лістапада 1926(1926-11-30) (86 гадоў)
Месца нараджэння:	Вільня
Краіна:	ЗША
Навуковая сфера:	Эндакрыналогія
Месца працы:	Універсітэт Тулана
Вядомы як:	адкрыў сакрэцыю пептыўных гармонаў мозгу
Узнагароды і прэміі	Нобелеўская прэмія па фізіялогіі і медыцыне (1977)

Эндру Віктар Ша́лі (англ.: Andrew W. Schally; польск.: Andrzej Wiktor Schally; нар. 30 лістапада 1926, Вільня) — амерыканскі вучоны ў галіне біяхіміі. Лаўрэат Нобелеўскай прэміі па фізіялогіі і медыцыне ў 1977 годзе разам з Ражэ Гіймэнам «за адкрыцці, звязаныя з сакрэцыяй пептыўных гармонаў мозгу».

Біяграфія

Эндру Віктар Шалі нарадзіўся 30 лістапада 1926 года ў Вільні, калі горад уваходзіў у склад Польшчы (цяпер у складзе Літвы).

Скончыў Лонданскі ўніверсітэт у 1950 годзе і ўніверсітэт Мак-Гіла (1955, Канада). З 1950 года ў Лонданскім Нацыянальным інстытуце медыцынскіх даследаванняў. З 1957 года ва ўніверсітэце Бейлара (г. Х'юстан, ЗША). З 1962 года ў шпіталі Адміністрацыі ветэранаў (г. Новы Арлеан, ЗША), з 1967 года прафесар Новаарлеанскага ўніверсітэта.

Навуковыя працы па выяўленні і вывучэнні хімічнай будовы, біялагічнай актыўнасці, сінтэзе і выкарыстанні ў клініцы гіпаталамічных рылізінг-гармонаў.

Узнагароды

• 1974 - Міжнародная прэмія Гайрднера
• 1975 - Прэмія Альберта Ласкера за фундаментальныя медыцынскія даследаванні
• 1977 - Нобелеўская прэмія па фізіялогіі і медыцыне

Літаратура

• Беларуская энцыклапедыя: У 18 т. — Т.17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — 512 с.: іл.

Спасылкі

• Аўтабіяграфія на Нобелеўскім сайце