Салонін

Публій Ліцыній Карнелій Салонін Валярыян
лац.: Publius Licinius Cornelius Saloninus Valerianus
Партрэт Салоніна на манеце
Рымскі імператар 260 год
Сумесна з	Галіен
Нараджэнне	242(0242) Калонія Агрыпіна[d], Ніжняя Германія, Старажытны Рым
Смерць	260(0260) Кёльн
Род	Valerian dynasty[d]
Бацька	Галіен
Маці	Салоніна
Дзейнасць	манарх
Медыяфайлы на Вікісховішчы

Публій Ліцыній Карнелій Салонін Валярыян (лац.: Publius Licinius Cornelius Saloninus Valerianus; 242 — 12 красавіка 260) — рымскі імператар і суправіцель Галіена ў 260 годзе.

Біяграфія

Салонін нарадзіўся каля 242 года. Ён быў малодшым сынам імператара Галіена і Карнеліі Салоніны з Віфініі.

У 258 годзе, пасля смерці старэйшага сына Галіена Валярыяна, тытул цэзара перайшоў да юнага Салоніна. Праз два гады, у 260 годзе з дапамогай свайго настаўніка Сільвана і гальскага палкаводца Постума Салонін атрымаў званне Аўгуста і камандуючага легіёнамі па ўсёй рэйнскай мяжы. Але ў адсутнасць Галіена, які душыў незлічоныя паўстанні на Усходзе і знаходзіўся ўвесь час там, намінальная ўлада фактычна прыналежала Салоніну, але палітычныя справы вырашаў па ўсёй бачнасці Сільван. Гэта становішча спраў аказалася фатальным для іх абодвух.

Пасля сваркі Сільвана і Постума апошні сабраў свае атрады і абсадзіў іх у Кёльне. Пасля захопу горада Салонін быў схоплены і забіты разам з Сільванам. Потым Постум абвясціў сябе імператарам так званай Гальскай імперыі.

Літаратура

• Аврелий Виктор. О цезарях. 33. 8.
• Евтропий. Бревиарий от основания Города. 9. 9.
• Зосима. Новая история. 1. 38. 2.
• Иоанн Зонара. Хроника. 12. 24. 10-12.
• Салонін (англ.). — у Smith's Dictionary of Greek and Roman Biography and Mythology.