Квінціл

Марк Аўрэлій Клаўдзій Квінціл
лац.: Marcus Aurelius Claudius Quintillus
Антанініян Квінціла з яго выявай
рымскі імператар студзень 270 — кастрычнік 270
Папярэднік	Клаўдзій II
Пераемнік	Аўрэліян
Нараджэнне	212 Сірмій, Ніжняя Панонія[d], Старажытны Рым
Смерць	270 ці кастрычнік 270 Аквілея, regional decentralization entity of Udine[d], Фрыулі-Венецыя-Джулія, Італія
Жонка	невядома
Дзеці	невядома і невядома
Грамадзянства	Старажытны Рым
Веравызнанне	Старажытнарымская рэлігія
Медыяфайлы на Вікісховішчы

Марк Аўрэлій Клаўдзій Квінціл (лац.: Marcus Aurelius Claudius Quintillus) — рымскі імператар у 270 годзе.

Квінціл быў братам імператара Клаўдзія II Гоцкага. Імаверна, паходзіў з Ілірыка. У кіраванне свайго брата ён камандаваў італійскімі войскамі блізу Аквілеі, а таксама імаверна быў пракуратарам Сардзініі.

Пасля смерці Клаўдзія ў 270 годзе Квінціл быў абвешчаны Аўгустам легіянерамі і сенатам. Па яго просьбе абагавілі яго брата. Аднак неўзабаве легіёны пакінулі Квінціла і перайшлі на бок Аўрэліяна. Паводле адной версіі, Квінціл скончыў жыццё самагубствам, ускрыўшы сабе вены, паводле другой — быў забіты ў Аквілеі, а паводле трэцяй — памёр сваёй смерцю. У розных крыніцах паказваецца розная працягласць яго кіравання. У «Гісторыі Аўгустаў» гаворыцца, што Квінціл праваладарыў усяго 17 дзён. У Зосіма тэрмін кіравання Квінціла больш працяглы. Як бы там ні было, за час свайго кіравання Квінціл паспеў выпусціць шматлікі тыраж манет, што робіць дапушчэнне пра тэрмін яго валадарання ў некалькі месяцаў найболей імаверным.

Літаратура

• Banchich, Thomas, «Quintillus (270 A.D)», De Imperatoribus Romanis Архівавана 22 верасня 2022.
• Jones A. H. M. M. Aur. Claudius Quintillus 1 // Prosopography of the Later Roman Empire / A. H. M. Jones, J. R. Martindale, J. Morris. — Cambridge University Press, 1971. — Vol. I: A.D. 260–395. — P. 759. — ISBN 0-521-07233-6 [2001 reprint].