Наргіз Махамадзі
Наргіз Махамадзі | |
---|---|
перс.: نرگس محمدی | |
Род дзейнасці | праваабаронца, журналістка |
Дата нараджэння | 21 красавіка 1972[1] (52 гады) |
Месца нараджэння | |
Грамадзянства | |
Веравызнанне | іслам[2] |
Муж | Taghi Rahmani[d] |
Месца працы | |
Альма-матар | |
Узнагароды і прэміі |
Прэмія Пера Ангера[d] (2011) Andrei Sakharov Prize[d] (2018) 100 жанчын (2022) прэмія Улафа Пальмэ[d] (2023) |
Медыяфайлы на Вікісховішчы |
Наргіз Махамадзі (перс.: نرگس محمدی; нар. 1972) — іранская праваабаронца, лаўрэат Нобелеўскай прэміі міру (2023).
Наргіз Махамадзі пачала сваю праваабарончую дзейнасць у 1990-я гады, студэнткай факультэта фізікі. Па заканчэнні ўніверсітэта працавала інжынерам, але таксама пісала аўтарскія калонкі ў некаторыя іранскія выданні.
У 2003 годзе яна пачала працаваць у Тэгеранскім цэнтры абароны правоў чалавека, заснаваным іншай іранскай актывісткай, лаўрэаткай Нобелеўскай прэміі міру Шырын Эбадзі. У 2011 годзе Наргіз Махамадзі была ўпершыню арыштаваная і прысуджаная да турэмнага зняволення. Праз два гады яна выйшла на волю і далучылася да кампаніі супраць смяротнага пакарання ў Іране. За гэтую дзейнасць яна зноў была арыштаваная ў 2015 годзе. У 2016 годзе прысуджаная да 16 год турэмнага зняволення. Пасля вяртання ў турму выступала супраць катаванняў і сэксуальнага гвалту, які прымяняецца да палітычных зняволеных — жанчын у іранскіх турмах. З турмы яна таксама падтрымала пратэсты 2022 года і арганізавала некалькі акцый салідарнасці сярод зняволеных, за што ўлады зрабілі яшчэ больш строгімі ўмовы яе зняволення.
6 кастрычніка 2023 года Наргіз Махамадзі ўдастоена Нобелеўскай прэміі міру за «яе барацьбу з гвалтам іранскага рэжыму і за роўныя правы і свабоды для ўсіх».
Зноскі[правіць | правіць зыходнік]
- ↑ nobelprize.org — Nobel Foundation. Праверана 6 кастрычніка 2023.
- ↑ https://www.dw.com/fa-ir/برادر-نرگس-محمدی-از-اتهامات-واهی-به-نرگس-دست-بردارید/a-53557946
- ↑ Iranian human rights activist Narges Mohammadi awarded 2023 Nobel Peace Prize — 2023. Праверана 6 кастрычніка 2023.