Марсава поле (Санкт-Пецярбург)

З пляцоўкі Вікіпедыя
Jump to navigation Jump to search
Марсава поле

Марсава поле (руск.: Ма́рсово по́ле; да пачатку 19 стагоддзя Праменад, Пацешнае поле, Царыцын луг, у 1918-40 гадах плошча Ахвяр Рэвалюцыі) — плошча Санкт-Пецярбурга паміж вуліцай Міліённай, набярэжнай Лябяжжага канала і набярэжнай ракі Мойкі. Названа ў гонар старажытнарымскага бога вайны Марса. Узнікла на асушаным балоце паблізу Летняга сада ў 1-й палове 18 стагоддзя як месца прагулак, феерверкаў («пацешных агнёў»), ваенных парадаў (адсюль назва). У 2-й палове 18 стагоддзя ў ансамбль Марсавага поля ўвайшлі Мармуровы палац, дом Салтыкова, будынак Галоўнай аптэкі на Міліённай вуліцы. У 1797—1800 гадах пабудаваны Інжынерны замак. У 1799 годзе на беразе ракі Мойкі ўсталяваны абеліск «Перамогам Румянцава» (у 1818 годзе перанесены на Васільеўскі востраў), у 1801 годзе — помнік А. В. Сувораву (цяпер на Сувораўская плошчы). У 1817-21 гадах былы будынак Ламбарда (арх. Ю. М. Фельтэн) перабудаваны пад казармы Паўлаўскага палка (арх. В. П. Стасаў). У 1823 годзе пабудаваны дом Адаміні.

Літаратура[правіць | правіць зыходнік]

  • Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1