Тэлерын
| Тэлерын | |
|---|---|
| Катэгорыя | выдуманая мова і Эльфійскія мовы |
| Моўныя коды | |
| ISO 639-1 | — |
| ISO 639-2 | — |
| ISO 639-3 | — |
| Штучныя мовы | |
Тэлерын — штучная мова, створаная Дж. Р. Р. Толкінам — адна са шматлікіх выдуманых моў створанага ім сусвету — Серадзем’я.
Тэлерын паходзіць ад агульнага тэлерына, першапачатковай мовы эльфаў-тэлеры ці ліндар. Пад час Вялікага паходу ў ёй з’явілася шмат адрозненняў ад агульнаэльфійскай мовы, якая сама паходзіла ад протаэльфійскай, першапачатковай мовы ўсіх квэндзі.
Ад агульнага тэлерына паходзяць як мовы тэлеры Валінора, сіндарын, так і мовы нандар.
Мова тэлеры адчула моцны ўплыў квэнья, і яны вельмі блізкія паводле граматычнай структуры. У тэлерыне адбылася замена гука /*kw/ на /p/; у рэальным свеце таксама адбылася падобная змена — у брытскіх мовах, уключаючы валійскую, якая была асновай для стварэння сіндарына.
Тэлерын — мова тых эльфаў-тэлеры, якія дасягнулі Бессмяротных Земляў. Таксама тэлерын часта называюць ліндаламбэ (мова ліндар).
Тэлерын можна разглядаць як дыялект квэнья, але самі носьбіты квэнья лічаць яе самастойнай мовай. Тэлерын была самай кансерватыўнай мовай з усіх эльфійскіх і, адпаведна, самай блізкай да агульнага тэлерына (ад якой паходзілі сіндарын і нандарын), і бліжэй да протаэльфійскай, чым іншыя, больш познія эльфійскія мовы.
Гл. таксама
[правіць | правіць зыходнік]Спасылкі
[правіць | правіць зыходнік]- Telerin — the language of the Sea-elves(недаступная спасылка)