Аршанскі настаўніцкі інстытут

Аршанскі настаўніцкі інстытут імя Янкі Купалы (АНІ імя Янкі Купалы)
Заснаваны	1936
Тып	дзяржаўны
Краіна	СССР
Размяшчэнне	Орша, Віцебская вобласць, БССР

Арша́нскі наста́ўніцкі інстыту́т імя Янкі Купалы — навучальная ўстанова ў 1936—1955 гадах у Оршы.

Інстытут падрыхтоўваў настаўнікаў 5—7-х класаў для 7-гадовых і сярэдніх агульнаадукацыйных школ.

Гісторыя

Створаны ў 1936 годзе як Аршанскі 2-х гадавы настаўніцкі інстытут Народнага камісарыята асветы БССР.

У Вялікую Айчынную вайну знішчаны навучальны корпус, інтэрнат, абсталяванне, бібліятэка. Аднавіў дзейнасць у 1944 годзе.

У 1945 годзе прысвоена імя Янкі Купалы.

Закрыты падчас узбуйнення педагагічных вышэйшых навучальных устаноў.

Аддзяленні і кафедры

Аддзяленні:

• Фізіка-матэматычнае
• Гістарычнае
• Беларускай і рускай мовы

Кафедры:

• Беларускай і рускай мовы і літаратуры
• Педагогікі
• Псіхалогіі
• Фізікі і матэматыкі
• Марксізму-ленінізму

Вядомыя выпускнікі

• Лепешаў І. Я. — доктар філалагічных навук, ветэран Вялікай Айчыннай вайны.
• Тарасевіч Л. К. — Герой Сацыялістычнай Працы.
• Новікаў І. Р. — пісьменнік, журналіст.
• Цябут Дз. В. — партыйны і дзяржаўны дзеяч.
• Падбярозка Ф. Р. — дырэктар Усяжскай школы (1945—1973).
• Уладзімір Антонавіч Хамчаноўскі (6 жніўня 1920 — 19 снежня 1942) — Герой Савецкага Саюза.

Вядомыя выкладчыкі

• Ермакоў І. Ф. (рэктар 1945—1953) — беларускі партыйны і дзяржаўны дзеяч.
• Жураў А. Я. — гісторык, доктар гістарычных навук, загадчык кафедры гісторыі КПСС у 1948—1955 гадах.
• Лібан М. І. — гісторык рускай літаратуры.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Гл. таксама

• Беларускі дзяржаўны педагагічны ўніверсітэт імя Максіма Танка
• Мазырскі дзяржаўны педагагічны ўніверсітэт імя І. П. Шамякіна
• Полацкі педагагічны інстытут
• Маладзечанскі настаўніцкі інстытут
• Бабруйскі настаўніцкі інстытут
• Баранавіцкі настаўніцкі інстытут

Спасылкі

• Дзяржаўны архіў Рэспублікі Беларусь(недаступная спасылка)