Пагоня (атрад)

Пагоня
Пагоня
Гады існавання	Ліпень 2014-верасень 2016
Краіна	Украіна
Тып	воінскае фарміраванне
Дыслакацыя	Украіна; Валынская вобласць;
Удзел у	Узброены канфлікт на ўсходзе Украіны, 2014

Атрад «Пагоня» (укр.: Загін «Погоня») — падраздзяленне, сфармаванае з добраахвотнікаў Беларусі, якія прымалі ўдзел ва ўзброеным канфлікце на Данбасе на баку Украіны.

Сфармаваны ў ліпені 2014 года. Трэніравальны лагер быў размешчаны на Валыні. Атрад абвясціў аб спыненні ваеннай дзейнасці ў верасні 2016 года.

Гісторыя

Гісторыя стварэння

Пасля завяршэння «Еўрамайдана» вялікая колькасць беларусаў, якія прымалі ўдзел у падзеях на Майдане Незалежнасці у Кіеве, пачала папаўняць шэрагі добраахвотніцкіх батальёнаў, у прыватнасці, «Данбаса» і «Азова». 3 чэрвеня 2014 года камандзір батальёна «Данбас» Сямён Сяменчанка у інтэрв’ю журналістам паведаміў, што ў яго падраздзяленні ваююць 15 беларусаў^[1]. Сярод іх паводле яго слоў былі і тыя, хто прыбыў з Беларусі і тыя, хто да гэтага пражываў ва Украіне.

Беларускія журналісты паведамлялі на працягу лета 2014 года пра беларусаў, якія ваююць у шэрагах «добраахвотніцкага ўкраінскага корпуса», сфармаванага «Правым сектарам» ў «Падольскай сечы», якая была сфармавана ў Хмяльніцкай вобласці, ў батальёнах «Азоў» і «Данбас»^[2]. Адносна рэальнай колькасці байцоў праўдзівых дадзеных няма, бо большасць удзельнікаў фармаванняў называліся рознымі псеўданімамі, захоўваючы ананімнасць.

Цяпер лічыцца, што пачатковая колькасць атрада «Пагоня» была 5 чалавек. Адным з арганізатараў атрада стаў ўкраінскі палітык з Валыні Ігар Гузь. Ён паведаміў журналістам, што фармаванне атрада, як баявой адзінкі пачалося ў ліпені 2014 года ў спецыяльна абсталяваным лагеры на Валыні. Зрэшты, у баявыя дзеянні, як самадастатковая адзінка падраздзяленне не ўступала. Яго байцы пасля трэніровак былі аб’яднаны ў групы па 3-7 чалавек і ўліваліся ў добраахвотніцкія батальёны і іншыя фармаванні. Такая схема была прынятая для канспірацыі, каб спецслужбы Беларусі не змаглі вылічыць удзельнікаў. Пры гэтым, па словах Гузя, КДБ Беларусі ідэнтыфікавала некаторых байцоў добраахвотніцкага атраду «Пагоня»^[3].

Мінскі журналіст Раман Якаўлеўскі ў каментары расійскаму тэлеканалу «Расія 24» адзначыў, што паводле яго дадзеных сумесныя украіна-беларускія лагеры для патрыятычнай моладзі на Валыні існавалі і ў папярэднія гады. Так што яны і маглі стаць асновай для вымуштравання лагера «Пагоні». Таксама ён не выключыў, што атрад мог папаўняцца за кошт добраахвотнікаў з арганізацыі «Малады фронт», якія ў розныя часы падвяргаліся сур’ёзным рэпрэсіям з боку беларускіх уладаў^[2].

Спыненне ваеннай дзейнасці

У верасні 2016 года атрад «Пагоня» абвясціў аб спыненні ўдзелу ў баявых дзеяннях на ўсходзе Украіны. Члены стварылі арганізацыю «Грамадскі сектар атрада „Пагоня“», якая ў першую чаргу займаецца рознабаковай дапамогай беларускім добраахвотнікам.^[4]^[5]

У сакавіку 2022 года падчас ўварвання Расіі ва Украіну «Грамадскі сектар атрада „Пагоня“» заклікаў падтрымліваць батальён імя Кастуся Каліноўскага.^[6]

26 чэрвеня 2022 года ў баях пад Лісічанскам загінуў камандзір батальёна «Волат» полка Каліноўскага Іван «Брэст».^[7] У 2015 годзе ён далучыўся да атраду «Пагоня».^[8]

Гл. таксама

Зноскі

↑ Камандзір батальёна «Данбас»: У нашым батальёне сёння 15 беларусаў
↑ ^а ^б Скромные беларуские герои-каратели Архівавана 20 снежня 2014. (руск.)
↑ Ігар Гузь: Беларускіх добраахвотнікаў у Данбасе вылічыла КДБ
↑ Атрад «Пагоня» прыпыняе вайсковую дзейнасць
↑ Атрад «Пагоня» мяняе фармат сваёй дзейнасці (нявызн.)(недаступная спасылка). Архівавана з першакрыніцы 5 мая 2017. Праверана 8 красавіка 2017.
↑ Атрад "Пагоня" не мае дачынення да стварэння "палка Пагоня"
↑ «Я паставіў на кон усё». Апошняе інтэрв’ю з Іванам «Брэстам», які загінуў каля Лісічанска
↑ За Украіну загінуў беларускі добраахвотнік Брэст

Спасылкі

[1] Камандзір батальёна «Данбас»: У нашым батальёне сёння 15 беларусаў

[:0-2] а ^б Скромные беларуские герои-каратели Архівавана 20 снежня 2014. (руск.)

[:1-3] Ігар Гузь: Беларускіх добраахвотнікаў у Данбасе вылічыла КДБ

[4] Атрад «Пагоня» прыпыняе вайсковую дзейнасць

[5] Атрад «Пагоня» мяняе фармат сваёй дзейнасці (нявызн.)(недаступная спасылка). Архівавана з першакрыніцы 5 мая 2017. Праверана 8 красавіка 2017.

[6] Атрад "Пагоня" не мае дачынення да стварэння "палка Пагоня"

[7] «Я паставіў на кон усё». Апошняе інтэрв’ю з Іванам «Брэстам», які загінуў каля Лісічанска

[8] За Украіну загінуў беларускі добраахвотнік Брэст

[1]

[2]

[3]

[4]

[5]

[6]

[7]

[8]