Тактычная група «Беларусь»
| Тактычная група «Беларусь» | |
|---|---|
 | |
| Гады існавання | са студзеня 2015 года |
| Краіна |
 Украіна |
| Уваходзіць у | ДУК "Правы сектар" |
| Удзел у | Вайна на ўсходзе Украіны |
| Знакі адрознення |
.svg){kind=small}  |
Тактычная група «Беларусь» (укр.: Тактична група «Білорусь») — група добраахвотнікаў з Беларусі, якая ўдзельнічала ва ўзброеным канфлікце на Данбасе. Прымала ўдзел у баявых дзеяннях на баку Украіны спачатку ў складзе Добраахвотніцкага Украінскага Корпуса «Правага сектара», а пасля ў складзе разнастайных фармаванняў Украінскай Добраахвотніцкай Арміі і Узброеных сілах Украіны[1].
Гісторыя[правіць | правіць зыходнік]
Тактычная група «Беларусь» была створана ў студзені 2015 года ў пасёлку Пескі Данецкай вобласці, яе фармаванне праводзілася ў прыфрантавой зоне[2]. Афіцыйна ДУК «Правы сектар» аддаў загад пра стварэнне Тактычнай групы «Беларусь» толькі ў жніўні 2015 года, але да таго часу яна ўжо дэ-факта дзейнічала восем месяцаў. Матэрыяльным забеспячэннем групы ў значнай ступені займаўся дабрачынны фонд «Валошка».
Байцы Тактычнай групы «Беларусь» прымалі ўдзел у баях за Аўдзееўку, Пескі, Валнаваху, Мар’інку[3].
10 жніўня 2015 года ў баі пад Белай Каменкай быў цяжка паранены 33-гадовы беларус Алесь Чаркашын з пазыўным «Тарас», які быў адным са стваральнікаў групы. Знаходзіўся ў коме і памёр 28 жніўня[4]. У тым жа баі быў забіты іншы стваральнік ды каардынатар групы Віталь Ціліжэнка[5].
Першапачаткова група налічвала 26 чалавек, але да 2016 года іх было ўжо больш за 30. Паводле ўнутранай дамоўленасці, дакладная колькасць групы ніколі не агучвалася, каб гэтая інфармацыя не трапіла да спецслужбаў Рэспублікі Беларусь. Вядомыя імёны і пазыўныя некаторых байцоў: грамадскі актывіст Ян Мельнікаў, былыя палітвязні Эдуард Лобаў і Васіль Парфянкоў[6], а таксама асобы з пазыўнымі: «Рустам Док»[7], «Шляхціч», «Зубр», «Ваяр», «Тур»[8]. Большую частку групы складалі добраахвотнікі, якія прытрымліваліся нацыяналістычных поглядаў.
Гл. таксама[правіць | правіць зыходнік]
- Беларусь і канфлікт на ўсходзе Украіны
- Атрад Пагоня
- Помнік беларусам, якія загінулі за Украіну
- Алесь Мікалаевіч Чаркашын
- Віталь Віктаравіч Ціліжэнка
- Васіль Парфянкоў
- Эдуард Анатолевіч Лобаў
Зноскі
- ↑ Тактычная група «Беларусь». Афіцыйны сайт
- ↑ Тактычная група «Беларусь» аб’яднае беларускіх дабраахвотнікаў ва Украіне
- ↑ Ян Мелнікау: Без вільної України не буде вільної Білорусі
- ↑ Беларус з пазыўным «Тарас», які загінуў ва Украіне, — гэта брэсцкі актывіст Алесь Чаркашын
- ↑ На Данбасе загінуў адзін са стваральнікаў беларускага атраду «Правага сэктару»
- ↑ Тактычная група «Беларусь» прызнала Парфянкова і Лобава франтавікамі
- ↑ Воевавший в АТО за Украину белорус, не получив обещанного украинского гражданства, вынужден был просить статус беженца в Польше
- ↑ Білоруських добровольців АТО взяли до елітної частини української армії
Спасылкі[правіць | правіць зыходнік]
- Сайт Тактычнай групы «Беларусь» (недаступная спасылка)
- Тактычная група «Беларусь» у Facebook
Літаратура[правіць | правіць зыходнік]
- Андреева К., Ильяш И. Белорусский Донбасс — Харьков: Фолио, 2020. — 79—83 с. — ISBN 978-966-03-9020-1.
