Савет выратавання Анбара
| Савет выратавання Анбара | |
|---|---|
| مجلس إنقاذ الأنبار | |
| З'яўляецца часткай | Сыны Ірака |
| Рэлігійная прыналежнасць | іслам (сунізм) |
| Лідары | Абдул Абу Рышаві †, Ахмед Абу Рыша |
| Актыўная ў | Аль-Анбар, Ірак |
| Расфарміравана | 2014 |
| Саюзнікі |
 Міжнародныя кааліцыйныя сілы ў Іраку Ірак Баас.png){kind=small} Ісламская армія ў Іраку |
| Праціўнікі |
 Аль-Каіда Ісламская дзяржава Ірак |
| Удзел у канфліктах | Іракская вайна, Канфлікт паміж Ісламскай арміяй і Аль-Каідай, Грамадзянская вайна ў Іраку |
Савет выратавання Анбара (араб. مجلس إنقاذ الأنبار majlis inqadh al-Anbār) — кааліцыя апалчэнняў арабскіх плямён перыяду Іракскай вайны ў правінцыі Аль-Анбар. Створана былымі баасістамі і нацыяналістамі для барацьбы з Аль-Каідай і іншымі звязанымі з ёй тэрарыстычнымі групоўкамі, ад дзеянняў якіх пакутавала мясцовае насельніцтва. Характэрнай асаблівасцю арганізацыі з’яўляецца тое, што яна супрацоўнічала як з войскамі і саюзнікамі міжнароднай кааліцыі, так і з умераным крылом паўстанцкага руху.
Гісторыя[правіць | правіць зыходнік]
У вытокаў Савета выратавання Анбара стаіць асабістая трагедыя Абдула аль-Рышаві, шэйха аднаго з плямён, чый бацька і трое братоў былі забіты байцамі Аль-Каіды[1]. У верасні 2006 года ён аб’яднаўся з іншымі пацярпелымі ад баевікоў, стварыўшы мясцовыя сілы самаабароны. Байцы аль-Рышаві тут жа падтрымалі «Ісламскую армію ў Іраку» ў яе канфлікце з радыкаламі[2].
Хадзілі чуткі, што шэйх і некаторыя іншыя члены СВА сімпатызуюць і нават дапамагаюць астатняму руху паўстанцаў[1], але пры гэтым удзельнічаюць у некаторых контрпартызанскіх аперацыях арміі ЗША і ўрада. Яны нават атрымалі аўтамабілі, зброю і боепрыпасы ад іракскіх і амерыканскіх сіл для барацьбы супраць радыкальных ісламістаў[3].
У сакавіку 2007 года Савет налічваў 41 племя з правінцыі Анбар. Гэта прывяло да рэзкага скарачэння гвалту ў правінцыі і вымусіла многіх баевікоў «Аль-Каіды» бегчы ў іншыя рэгіёны Ірака[4]. Аднак групоўка пачала рыхтавацца да адказных дзеянняў. Ужо 25 чэрвеня быў забіты Фазаль Аль-Гаўд, губернатар Анбара і член Савета[5][6]. 13 верасня лідар СВА аль-Рышаві разам з двума сваімі целаахоўнікамі загінуў ад выбуха прыдарожнай бомбай каля свайго дома ў Эр-Рамадзі[7].
У 2010 годзе Ісламская дзяржава пачала кампанію забойстваў суніцкіх племянных лідараў і праўрадавых рухаў у Аль-Анбар. Перастрэлкі і забойствы былі задакументаваны ў відэазапісах ІД пад назвай «Звон мячоў»[8]. Ужо на 2014 год гэта прывяло да таго, што фактычна арганізацыя была знішчана[9].
Склад[правіць | правіць зыходнік]
У кааліцыю першапачаткова ўвайшло 30 буйных суніцкіх плямёнаў правінцыі[2]. Пасля гэтая колькасць ўзрасла да 41[1]. Фактычна групоўка ўваходзіла ў склад арганізацыі «Сыны Ірака», якая ўяўляла з сябе некалькі анбарскскіх апалчэнняў, што падтрымлівалі замежныя сілы і створаны імі новы ўрад краіны[10].
Вышэйшае кіраўніцтва[правіць | правіць зыходнік]
- Шэйх Абдул Сатар Бузай Аль-Рышаві (лідар у 2006—2007)
- Шэйх Ахмед Абу Рыша[11] (лідар у 2007—2014)
- Фазаль Аль-Гаўд
Гл. таксама[правіць | правіць зыходнік]
Зноскі[правіць | правіць зыходнік]
- ↑ а б в "Sunni Sheiks Join Fight Vs. Insurgency". The Washington Post. March 25, 2007. Праверана May 10, 2007.
- ↑ а б The ISIS Threat: The Rise of the Islamic State and their Dangerous Potential. Providence Research (25 верасня 2014).
- ↑ "U.S. arming some Sunni groups to fight Al Qaeda". International Herald Tribune. June 11, 2007. Архівавана з арыгінала September 14, 2007. Праверана September 13, 2007.
- ↑ Sunni Sheiks Join Fight Vs. Insurgency, The Washington Post, March 25, 2007
- ↑ McClatchy Newspaper Service: A U.S. ally in Iraq is murdered
- ↑ Washington Post:Baghdad Blast Targets Sunni Tribal Leaders (Accessed September 14, 2007)
- ↑ "Iraqi insurgents kill key US ally". BBC News. September 13, 2007. Архівавана з арыгінала October 21, 2007. Праверана September 13, 2007.
- ↑ Ignatius, David (October 2015). "How ISIS Spread in the Middle East". The Atlantic. Праверана 29 October 2015.
- ↑ Ignatius, David (November 20, 2014). "Stopping an Awakening in Iraq before it can start". Washington Post. Праверана 29 October 2015.
- ↑ "Iraq pledges to disband Sunni volunteer militias". The Statesman. Архівавана з арыгінала September 11, 2012. Праверана January 14, 2008.
{{cite news}}: Невядомы параметр|deadurl=ігнараваны (прапануецца|url-status=) (даведка); Пададзена больш чым адно значэнне|archivedate=і|archive-date=specified (даведка); Пададзена больш чым адно значэнне|archiveurl=і|archive-url=specified (даведка) Архіўная копія(недаступная спасылка). Архівавана з першакрыніцы 11 верасня 2012. Праверана 24 кастрычніка 2020.Архіўная копія(недаступная спасылка). Архівавана з першакрыніцы 11 верасня 2012. Праверана 24 кастрычніка 2020. - ↑ "Sunni Sheik Who Backed U.S. in Iraq Is Killed". The New York Times. September 14, 2007. Архівавана з арыгінала November 29, 2014. Праверана September 14, 2007.
