Вольфганг Амадэй Моцарт

Запыт «Моцарт» перанакіроўваецца сюды; гл. таксама іншыя значэнні.

Вольфганг Амадэй Моцарт Wolfgang Amadeus Mozart
Асноўная інфармацыя
Поўнае імя	Іаган Хрызастом Вольфганг Готліб (па-грэчаску Тэафіл, па-лацінску Амадэус, у беларускай транскрыпцыі Амадэй) Моцарт
Дата нараджэння	27 студзеня 1756(1756-01-27)
Месца нараджэння	Зальцбург, Архібіскупства Зальцбург, Аўстрыя
Дата смерці	5 снежня 1791(1791-12-05) (35 гадоў)
Месца смерці	Вена, Аўстрыя
Прафесіі	кампазітар, арганіст, скрыпач, капельмайстар, педагог
Інструменты	арган, скрыпка, клавесін, клавір
Вольфганг Амадэй Моцарт на Вікісховішчы

Вольфганг Амадэй Моцарт, поўнае імя Іага́н Хрызасто́м Во́льфганг Тэафіл Моцарт, (ням.: Joannes Chrysostomus Wolfgang Theophilus Mozart [ˈvɔlfɡaŋ amaˈdeus ˈmoːtsaʁt], 27 студзеня 1756, Зальцбург — 5 снежня 1791, Вена) — аўстрыйскі кампазітар. Выбітны прадстаўнік Венскай класічнай школы кампазіцыі. Быў таксама віртуозным скрыпачом, клавесіністам, арганістам, дырыжорам. Па сведчаннях сучаснікаў, валодаў фенаменальным музычным слыхам, памяццю і здольнасцю да імправізацыі.

Біяграфічныя звесткі

Нарадзіўся ў сям'і кампазітара і скрыпача Леапольда Моцарта, які стаў першым настаўнікам. Маці — Ганна Марыя Моцарт. Пачаў сачыняць музычныя творы з 4-5 гадоў. У 1762 разам з сястрой Марыяй Ганнай упершыню выступіў у Мюнхене і Вене, пасля чаго на працягу дзесяці гадоў адбыўся шэраг канцэртных паездак. Іграў у капэле аўстрыйскага горада Зальцбург, даваў прыватныя ўрокі.

Творчасць

Вольфганг Амадэй Моцарт быў сапраўды ўніверсальным геніем — ён пісаў выдатныя творы ва ўсіх музычных жанрах (ад танцаў да сімфоній, опер). Усяго за сваё адносна кароткае жыццё ён стварыў каля 580 твораў, сярод якіх 21 опера, 41 сімфонія, 28 канцэртаў, 20 канцэртаў, 15 месаў, 52 п'ес для аркестра, а таксама араторыі, кантаты, «Рэквіэм», вакальныя і харавыя творы і інш. Да ліку найлепшых твораў В. А. Моцарта адносяцца яго оперы «Жаніцьба Фігаро» (1786), «Дон Жуан» (1787), «Чароўная флейта» (1791). У яго музыцы лірыка і прыгажосць спалучаюцца з глыбокім драматызмам, узвышанае і паўсядзённае ўзаемазвязаны ў адзінае цэлае, а музычная драматургія заснавана на раскрыцці шматпланавых кантрастных вобразаў.

Некаторыя творы

Оперы

• «Жаніцьба Фігаро» (Le nozze di Figaro), 1786
• «Дон Жуан» (Don Giovanni), 1787
• «Чароўная флейта» (Die Zauberflöte), 1791

Іншыя творы

• «Рэквіем», 1791

Літаратура

• Культуралогія: Энцыкл. даведнік / Уклад. Э. Дубянецкі. — Мн.: БелЭн, 2003. ISBN 985-11-0277-6

Спасылкі

• На ВікіСховішчы ёсць медыяфайлы па тэме Вольфганг Амадэй Моцарт
• Поўны збор сачыненняў Моцарта (ням.)  (англ.)  (яп.) 
• Вольфганг Амадэй Моцарт: Ноты твораў на International Music Score Library Project