Магілёўскі абласны тэатр лялек

Магілёўскі абласны тэатр лялек
Заснаваны	1976
Сайт	teatrkukol.by
Медыяфайлы на Вікісховішчы

Магілёўскі абласны тэатр лялек — тэатр лялек у Магілёве, размешчаны ў будынку былых жандарскіх казарм (пабудаваны да 1861 года) па Першамайскай вуліцы, 73.

Гісторыя

Створаны ў 1976 годзе ў Магілёве з выпускнікоў культурна-асветніцкага вучылішча і ўдзельнікаў мастацкай самадзейнасці. Адкрыўся 23 мая 1977 года спектаклем «Тыграня Петрык».

У 2009 годзе будынак тэатра, які пабудаваў яго на свае сродкі і падараваў дзяржаве бабруйскі купец Мешчаракоў, адкрыўся пасля рэканструкцыі. З боку царквы Трох свяціцеляў была ўзведзена прыбудова, дзякуючы якой павялічылася зала для гледачоў, у падвальных памяшканнях размясціліся майстэрні, гардэроб, туалеты. Калі да рэканструкцыі тэатр выпускаў 3-4 спектаклі ў год, то на новай, механізаванай, сцэне ставіць не менш 6-ці, у тым ліку і вячэрнія для дарослых.

Галоўныя рэжысёры і мастацкія кіраўнікі

• М. Кулага (1976—1977)
• Ф. Шавякоў (1978—1981)
• Аляксей Ляляўскі (1982—1986)
• В. Аўраменка (1986)
• Алег Жугжда (1988—2000)
• Вячаслаў Корнеў (2003—2009)
• Ігар Казакоў (2009—2019)

Цікавыя факты

• Спектакль «Чароўны пэндзаль» Алесі Сабелы (рэжысёр Ігар Казакоў) перамог у намінацыі «Лепшы спектакль для дзяцей» на Другой Нацыянальнай тэатральнай прэміі (2012).
• Спектакль «Гамлет» Уільяма Шэкспіра (рэжысёр Ігар Казакоў) атрымаў гран-пры Гран-пры VIII Міжнароднага моладзевага тэатральнага форуму «М@rt.кантакт» (2013).

Літаратура

• Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — С. 463. — 560 с. — 10 000 экз. — ISBN 985-11-0155-9.

Спасылкі

• На Вікісховішчы ёсць медыяфайлы па тэме Магілёўскі абласны тэатр лялек

• Афіцыйны сайт тэатра
• Як мяняліся афішы Магілёўскага тэатра лялек на працягу 30 год