Ельскі раён

Ельскі раён
Герб Сцяг
Краіна	Беларусь
Уваходзіць у	Гомельская вобласць
Адміністрацыйны цэнтр	Ельск
Дата ўтварэння	5 лютага 1931
Кіраўнік	Уладзімір Іванавіч Бурмістраў[d]
Афіцыйныя мовы	Родная мова: беларуская 82,08 %, руская 16,15 % Размаўляюць дома: беларуская 52,84 %, руская 44,48 %
Насельніцтва (2009)	17 839 чал. (15-е месца)
Шчыльнасць	13,06 чал./км² (13-е месца)
Нацыянальны склад	беларусы — 92,69 %, рускія — 3,63 %, украінцы — 2,86 %, іншыя — 0,82 %
Плошча	1 365,68 (18-е месца)
Афіцыйны сайт
Медыяфайлы на Вікісховішчы

Ельскі раён — раён у складзе Гомельскай вобласці. Размешчаны ў межах Мазырскага Палесся. На поўдні раёна праходзіць мяжа Рэспублікі Беларусь з Украінай, працягласць мяжы складае 85 км; на поўначы мяжуе з Мазырскім раёнам, працягласць мяжы складае 65 км; на захадзе — з Лельчыцкім, працягласць мяжы 36 км і на ўсходзе — з Нараўлянскім, працягласць мяжы 40 км.

Геаграфія

57,3 % плошчы раёна складаюць лясы, 42182 тысяч га — сельгасугоддзі, 22277 тысяч га — ралля, 18735 тысяч га — лугавыя (сенажаці і пашы). Каля 70 % лясоў складаюць хваёвыя пароды, астатнія — бяроза, алешына, дуб і іншыя лісцяныя пароды.

Тэрыторыя на паўднёва-заходнім напрамку складае 43 км, на паўночна-ўсходнім — 40 км. 75 % тэрыторыі раёна знаходзіцца над узроўнем мора на вышыні 130—140 м, найвышэйшы пункт знаходзіцца ва ўрочышчы Ямнае — 177,8 м, найніжэйшы — на мяжы з Нараўлянскім раёнам — 122 м.

Карысныя выкапні: нафта (невысокай якасці), вугаль, торф, пясок, мінеральныя воды.

Адносіцца да Жыткавіцка-Мазырскага агракліматычнага раёна. Сярэдняя тэмпература студзеня — 6,1 , ліпеня 18,6°С. Абсалютны мінімум — 38 °С, максімум 38°С. Ападкаў выпадае за год 590—610 мм. Сярэдняя гадавая хуткасць ветру 3,5 м/сек.

Рэкі належаць да Прыпяцкага гідралагічнага раёна. Найбольшыя: Славечна (37 км) з прытокамі Чэрцень (28 км), Батыўля (34км), Ясянец (23 км), Жалонь (36 км), Мытва (8,6 км).

Насельніцтва

• 1971 год — 27 900
• 1999 год — 21 500
• 2006 год — 18 700
• 2008 год — 18 400
• 2009 год — 17 839 (перапіс)

Вёскі

• Вёска Скароднае
• Вёска Старое Высокае

Літаратура

• Беларуская энцыклапедыя: У 18 т. Т.6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — Т. 6. — 576 с. — 10 000 экз. — ISBN 985-11-0106-0 (т. 6)