Аляксандр Мікалаевіч Высоцкі

Аляксандр Мікалаевіч Высоцкі
Нараджэнне	27 чэрвеня 1953(1953-06-27) (69 гадоў) Мінск, БССР, СССР
Адукацыя	Беларускі дзяржаўны эканамічны ўніверсітэт Мінская вышэйшая партыйная школа
Дзейнасць	эканаміст, інжынер
Месца працы	Мінскі аўтамабільны завод
Узнагароды	Ганаровая грамата Нацыянальнага сходу Рэспублікі Беларусь

Аляксандр Мікалаевіч Высоцкі (нар. 27 чэрвеня 1953, Мінск) — беларускі палітык.

Біяграфія

Скончыў Беларускі дзяржаўны інстытут народнай гаспадаркі імя В. У. Куйбышава (эканаміст), Мінскую вышэйшую партыйную школу (вышэйшая партыйна-палітычная адукацыя).

Служыў у радах Узброеных Сіл. Працоўную дзейнасць пачаў кінамеханікам у кінатэатры «Вымпел» горада Мінска. Працаваў слесарам, інжынерам-тэхнолагам, майстрам, сакратаром парткама аўтапрычэпнай вытворчасці, намеснікам дырэктара аўтапрычэпнай вытворчасці па матэрыяльна-тэхнічнаму забеспячэнню, намеснікам начальніка ўпраўлення кадраў рэспубліканскага ўнітарнага прадпрыемства «Мінскі аўтамабільны завод». Займаў пасаду старшыні пярвічнай прафсаюзнай арганізацыі рэспубліканскага ўнітарнага прадпрыемства «Мінскі аўтамабільны завод» Беларускага прафесійнага саюза работнікаў прамысловасці.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны Ганаровай граматай Нацыянальнага сходу Рэспублікі Беларусь.