Ігнат Арцёмавіч Місурагін

Ігнат Арцёмавіч Місурагін
Нараджэнне	5 лютага 1947(1947-02-05) (78 гадоў) Віцебск, Віцебская вобласць, БССР, СССР
Адукацыя	Kaliningrad Frontier Institute[d] Маскоўскі дзяржаўны будаўнічы ўніверсітэт Ваенная акадэмія Генеральнага штаба Узброеных Сіл Расійскай Федэрацыі
Месца працы	ВАРБ
Ваенная служба
Званне	Генерал-маёр
Узнагароды	Ганаровай граматай Савета Міжпарламенцкай Асамблеі дзяржаў-удзельніц СНД[d] ганаровая грамата Нацыянальнага сходу Рэспублікі Беларусь

Ігнат Арцёмавіч Місурагін (нар. 5 лютага 1947, Віцебск) — беларускі ваенны і палітык. Генерал-маёр. Кандыдат ваенных навук, дацэнт.

Біяграфія

Скончыў Калінінградскае вышэйшае ваенна-інжынернае каманднае вучылішча (тэхнік-механік), ордэна Леніна Чырванасцяжную Ваенную інжынерную акадэмію імя В. У. Куйбышава (афіцэр з вышэйшай ваеннай аператыўна-стратэгічнай адукацыяй), Акадэмію Генеральнага штаба Узброеных Сіл СССР імя К. Я. Варашылава (камандная ваенна-інжынерная).

Праходзіў ваенную службу ў якасці камандзіра ўзвода, роты, начальніка інжынернай службы брыгады, камандзіра батальёна, палка, начальніка інжынернай службы 39-й гвардзейскай мотастралковай дывізіі, намесніка начальніка інжынерных войскаў 14-й вардзейскай агульнавайсковай арміі. Быў начальнікам інжынернай службы, намеснікам камандуючага па выхаваўчай рабоце і кадрах 7-й танкавай арміі, начальнікам штаба — намеснікам начальніка ўпраўлення інжынерных войскаў, начальнікам упраўлення інжынерных войскаў Генеральнага штаба Узброеных Сіл Рэспублікі Беларусь. Удзельнік ліквідацыі вынікаў катастрофы на Чарнобыльскай АЭС. З 2000 года па 2008 год працаваў начальнікам Ваеннай акадэміі Рэспублікі Беларусь.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Сям’я

• Сын — Сяргей Ігнатавіч Місурагін, працаваў намеснікам старшыні канцэрна «Беллегпрам», кіраўніком аддзяленняў Пасольства Рэспублікі Беларусь у Расійскай Федэрацыі ў г. Санкт-Пецярбургу і г. Смаленску, цяпер працуе першым сакратаром Пасольства Рэспублікі Беларусь у Расійскай Федэрацыі.

Узнагароды

Узнагароджаны ордэнамі «За службу Радзіме» ІІ і ІІІ ступені, чатырнаццаццю медалямі СССР і Рэспублікі Беларусь, мае падзяку Прэзідэнта Рэспублікі Беларусь, ганаровую грамату Нацыянальнага сходу Рэспублікі Беларусь, ганаровую грамату Савета Міжпарламенцкай Асамблеі дзяржаў — удзельніц Садружнасці Незалежных Дзяржаў.