Валянціна Мікалаеўна Лукашонак

Валянціна Мікалаеўна Лукашонак
Нараджэнне	1 кастрычніка 1952(1952-10-01) (72 гады) Мінск, БССР, СССР
Член у	Беларускі саюз жанчын
Адукацыя	філалагічны факультэт БДУ
Месца працы	БДУ
Узнагароды	Ганаровая грамата Міністэрства адукацыі Рэспублікі Беларусь Ганаровая грамата Савета Міністраў Рэспублікі Беларусь ганаровая грамата Нацыянальнага сходу Рэспублікі Беларусь Ганаровая грамата Міністэрства аховы здароўя Рэспублікі Беларусь[d] Ганаровая грамата Міністэрства спорту і турызму Рэспублікі Беларусь[d] Ганаровая грамата Мінскага гарадскога выканаўчага камітэта[d] Ганаровая грамата Мінскага гарадскога савета дэпутатаў[d] За развіццё фізічнай культуры і спорту ў Рэспубліцы Беларусь[d]

Валянціна Мікалаеўна Лукашонак (нар. 1 кастрычніка 1952, Мінск) — беларускі палітык.

Біяграфія

Скончыла Беларускі дзяржаўны ўніверсітэт імя У. І. Леніна, філолаг.

Працоўную дзейнасць пачала лабарантам Беларускага дзяржаўнага ўніверсітэта. Працавала старшай піянерважатай, арганізатарам пазакласнай і пазашкольнай выхаваўчай работы, настаўніцай, намеснікам дырэктара сярэдняй школы № 132 горада Мінска. Была інспектарам аддзела народнай адукацыі Фрунзенскага раёна горада Мінска, дырэктарам сярэдняй школы № 179 горада Мінска. Займала пасаду намесніка кіраўніка адміністрацыі Фрунзенскага раёна горада Мінска.

Старшыня прэзідыума Фрунзенскай раённай арганізацыі Беларускага таварыства Чырвонага Крыжа, упаўнаважаны прадстаўніцтва Нацыянальнага алімпійскага камітэта Рэспублікі Беларусь у горадзе Мінску па пытаннях развіцця алімпійскага руху, член грамадскага аб’яднання «Беларускі саюз жанчын».

З’яўлялася дэпутатам Мінскага гарадскога Савета дэпутатаў дваццаць пятага склікання, удзельнікам чатырох Усебеларускіх народных сходаў. Выбіралася дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Мае Падзяку Прэзідэнта Рэспублікі Беларусь. Узнагароджана медалём «За працоўныя заслугі» (2012), Ганаровай граматай Нацыянальнага сходу Рэспублікі Беларусь, Ганаровай граматай Савета Міністраў Рэспублікі Беларусь, Ганаровай граматай Прэзідыума рэспубліканскага камітэта Беларускага прафсаюза работнікаў дзяржаўных і іншых устаноў, ганаровымі граматамі Міністэрства адукацыі Рэспублікі Беларусь, Міністэрства аховы здароўя Рэспублікі Беларусь, Міністэрства спорту і турызму Рэспублікі Беларусь, Мінскага гарадскога выканаўчага камітэта і Мінскага гарадскога Савета дэпутатаў, знакамі «Выдатнік адукацыі Рэспублікі Беларусь», «За развіццё фізічнай культуры ў Рэспубліцы Беларусь».