Валерый Іосіфавіч Варанецкі

З пляцоўкі Вікіпедыя
Валерый Іосіфавіч Варанецкі
Valery Voronetsky.jpg
Дэпутат Палаты прадстаўнікоў Нацыянальнага сходу Рэспублікі Беларусь VI склікання
з 11 кастрычніка 2016
Прэзідэнт Аляксандр Лукашэнка
Кіраўнік урада Андрэй Кабякоў

Нараджэнне 14 кастрычніка 1963(1963-10-14) (59 гадоў)
Адукацыя
Дзейнасць палітык, дыпламат
Месца працы
Лагатып Вікісховішча Медыяфайлы на Вікісховішчы

Валерый Іосіфавіч Варанецкі (14 кастрычніка 1963, г. Мінск) — беларускі дыпламат і палітык, дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў.

Біяграфія[правіць | правіць зыходнік]

Нарадзіўся 14 кастрычніка 1963 года ў г. Мінску. Скончыў з адзнакай Беларускі нацыянальны тэхнічны ўніверсітэт (1985 г.), аспірантуру гэтага ўніверсітэта (1990 г.) і Дыпламатычную акадэмію Міністэрства замежных спраў Расійскай Федэрацыі (1995 г.) па спецыялізацыі «Міжнародныя эканамічныя адносіны». Кандыдат эканамічных навук.

У 1985—1987 гадах — выкладчык Мінскага політэхнічнага каледжа.

У 1987—1993 гадах — праца на выбарных пасадах у рэспубліканскіх маладзёжных арганізацыях.

У 1993—1995 гадах — слухач Дыпламатычнай акадэміі Міністэрства замежных спраў Расійскай Федэрацыі.

У 1995—1996 гадах — саветнік па пытаннях знешняй палітыкі Адміністрацыі Прэзідэнта Рэспублікі Беларусь.

У 1996—2000 гадах — саветнік Пасольства Рэспублікі Беларусь у Каралеўстве Бельгія, Прадстаўніцтва Рэспублікі Беларусь пры Еўрапейскіх супольнасцях.

У 2000—2002 гадах — начальнік упраўлення знешняй палітыкі Адміністрацыі Прэзідэнта Рэспублікі Беларусь.

У 2002—2006 гадах — Надзвычайны і Паўнамоцны Пасол Рэспублікі Беларусь у Славацкай Рэспубліцы.

У 2006—2011 гадах — намеснік Міністра замежных спраў Рэспублікі Беларусь.

Са жніўня 2011 года па 13 кастрычніка 2016 года — Надзвычайны і Паўнамоцны Пасол Рэспублікі Беларусь у Аўстрыйскай Рэспубліцы і ў Рэспубліцы Харватыя па сумяшчальніцтве / Пастаянны прадстаўнік Рэспублікі Беларусь пры міжнародных арганізацыях у Вене / Пастаянны прадстаўнік Рэспублікі Беларусь пры АБСЕ, вызвалены ад пасады ў сувязі з пераходам на выбарную пасаду[1].

З 2016 года — дэпутат Палаты прадстаўнікоў Нацыянальнага сходу Рэспублікі Беларусь VI склікання.

Асабістае жыццё[правіць | правіць зыходнік]

Жанаты, мае сына і дачку.

Зноскі

Спасылкі[правіць | правіць зыходнік]