Іван Аркадзьевіч Гардзейчык

Іван Аркадзьевіч Гардзейчык
Нараджэнне	20 кастрычніка 1957(1957-10-20) (65 гадоў) Вясея, Слуцкі раён, Мінская вобласць, БССР, СССР
Адукацыя	Разанскае вышэйшае паветрана-дэсантнае каманднае вучылішча Ваенная акадэмія Генеральнага штаба Узброеных Сіл Расійскай Федэрацыі Ваенная акадэмія імя М. В. Фрунзэ
Дзейнасць	палітык, ваенны
Ваенная служба
Званне
Узнагароды

Іван Аркадзьевіч Гардзейчык (нар. 20 кастрычніка 1957, в. Вясея Слуцкага раёна Мінскай вобласці) — беларускі ваенны і палітык. Генерал-маёр. Старшыня Рэспубліканскага савета Беларускага грамадскага аб’яднання ветэранаў.

Біяграфія

Скончыў Разанскае вышэйшае паветрана-дэсантнае каманднае вучылішча імя Ленінскага камсамола, Ваенную акадэмію імя М. В. Фрунзэ, Ваенную акадэмію Генеральнага штаба Узброеных Сіл Расійскай Федэрацыі.

Праходзіў службу на асноўных камандных пасадах — камандзіра разведвальнага ўзвода, роты, намесніка камандзіра, камандзіра парашутна-дэсантнага батальёна, камандзіра парашутна-дэсантнага палка, камандзіра асобнай гвардзейскай мабільнай брыгады, намесніка камандуючага войскамі, начальніка штаба — першага намесніка камандуючага войскамі Заходняга аператыўнага камандавання, першага намесніка начальніка Ваеннай акадэміі Рэспублікі Беларусь. Звольнены з Узброеных сіл Рэспублікі Беларусь у запас у 2015 годзе.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 7-га склікання.

Узнагароды

Узнагароджаны ордэнам «Чырвонага Сцяга», двума ордэнамі «Чырвонай Зоркі», медалямі «За баявыя заслугі», «За бездакорную службу» I і II ступені, 39 ордэнамі і медалямі.