ФК Славія Мазыр

Славія Мазыр
Поўная назва	КСУП «Футбольны клуб „Славія-Мазыр”»
Заснаваны	1987
Горад	Мазыр, Беларусь
Стадыён	«Юнацтва» Умяшчальнасць: 5353
Дырэктар	Андрэй Васілец
Галоўны трэнер	Міхаіл Марціновіч
Чэмпіянат	Вышэйшая ліга
2020	9 месца
Сайт	Афіцыйны сайт
Асноўная форма Гасцявая форма

«Славія» — беларускі футбольны клуб з горада Мазыр, заснаваны ў 1987 годзе. Зараз выступае ў Вышэйшай лізе чэмпіянату Беларусі.

Гісторыя

Клуб быў створаны пад назвай «Палессе» ў 1987 годзе. З 1995 па 2005 год выступаў у Вышэйшай лізе Беларусі пад назвай МПКЦ (Мазырскі Прамыслова-Камерцыйны Цэнтр), а з 1998 года — «Славія». Спыніў існаванне пасля няўдалага для клуба сезона 2005 года, які скончыўся вылетам у Першую лігу.

Напачатку 2006 года, у выніку аб’яднання гомельскага ЗЛіНа і «Славіі» быў створаны новы клуб – «Мазыр-ЗЛІН». Пры аб’яднанні за аснову была ўзята каманда ЗЛіН, пры гэтым новы клуб ствараўся ў Мазыры на матэрыяльнай базе «Славіі», што спыніла існаванне. З пачатку 2007 года клуб выступаў пад назвай «Мазыр». Па заканчэнні сезона 2007 кіраўніцтвам горада было вырашана вярнуць камандзе назву «Славія-Мазыр». У 2011 годзе клуб заняў першае месца ў Першай лізе чэмпіянату Беларусі і заваяваў права выступаць у наступным сезоне ў Вышэйшай лізе.

У Вышэйшай лізе «Славія» не паказвала добрых вынікаў. У сезоне 2012 мазырскі клуб доўгі час ішоў у зоне вылету, але сумеў пазбегнуць яго, заняўшы 10 месца. У сезоне 2013 «Славія» хутка апынулася на апошнім радку і, нягледзячы на неблагую гульню ўлетку, не змагла яго пакінуць. У выніку каманда зноў вылецела ў Першую лігу.

У сезоне 2014 змяніўся амаль увесь склад каманды. Новы галоўны трэнер Юрый Пунтус зрабіў стаўку на шэраг ветэранаў і перспектыўных маладых ігракоў (многія перайшлі да Пунтуса з яго былога клуба — «Смалявічаў-СТІ»). У выніку «Славія» хутка стала аднім з лідараў лігі. У сярэдзіне сезона мазыране разам з мікашэвіцкім «Гранітам» значна адарваліся ад канкурэнтаў. Гарантаваўшы за некалькі тураў да фінішу вяртанне ў Вышэйшую лігу, «Славія» саступіла першае месца «Граніту».

У сезоне 2015 «Славія» захавала склад папярэдняга сезона, узмацніўшыся шэрагам маладых ігракоў з ніжэйшых ліг. Каманда добра пачала выступ у Вышэйшай лізе, апынуўшыся ў сярэдзіне табліцы. У многім гэта адбылося дзякуючы высокім бамбардзірскім паказчыкам нападніка мазыран Дзяніса Лапцева, які ў 13 матчах здолеў забіць 9 галоў. Улетку Лапцеў перайшоў у расійскі клуб «Тосна», а «Славія» стала выступаць горш, неўзабаве наблізіўшыся да зоны вылету. Толькі пасля перамогі ў перадапошнім туры над «Гомелем» (3:1) мазыране гарантавалі месца ў Вышэйшай лізе на наступны сезон. У выніку каманда скончыла чэмпіянат на 10-м радку табліцы.

Сезон 2016 «Славія» прайшла роўна, але на прэтэндавала на высокія месцы, зноў спыніўшыся ў выніку на 10-м радку. Найбольш яркімі момантамі каманды сталі хатняя перамога над чэмпіёнам краіны БАТЭ (2:1), а таксама звышвыніковыя матчы з «Мінскам» — абодва скончыліся перамогамі гаспадароў з лікам 6:2.

Сезон 2017 атрымаўся для мазырскага клуба няўдалым. З пачатку сезона каманда апынулася ўнізе табліцы, аднак мела пеавагу перад «Нафтанам» і «Іслаччу», якія пачалі чэмпіянат з ачковымі штрафамі. У другой палове сезона «Славія» атрымала ўсяго адну перамогу, у той час як «Іслач» стала набіраць ачкі і, перагнаўшы мазырскую каманду, пакінула яе на 15-м месцы. Перад апошнім турам галоўны трэнер Юрый Пунтус быў адхілены ад кіравання камандай, аднак пад кіраўніцтвам Міхаіла Марціновіча «Славія» саступіла ў апошнім туры «Тарпеда-БелАЗ» (0:2), засталася на перадапошнім радку і вылецела ў Першую лігу.

Перад сезонам 2018 Міхаіл Марціновіч быў зацверджаны галоўным трэнерам. Клуб здолеў захаваць асноўных ігракоў, у тым ліку легіянераў Ігара Кастрова і Максіма Слюсара, аднак пры гэтым больш шанцаў атрымала моладзь. Нягледячы на няўдалы старт, «Славія» хутка далучылася да шэрагу лідараў і ў барацьбе з «Энергетыкам-БДУ» і «Белшынай» выйшла пераможцам, за тур да фінішу забяспечыўшы сабе перша радок. «Славія» стала таксама першай камандай у Вышэйшай і Першай лігах Беларусі з іх заснавання ў 1992 годзе, якая за сезон не пацярпела ніводнага паражэння.

Сезон 2019 у Вышэйшай лізе каманда пачала добра, аднак у другой палове сезона вынікі сталі пагаршацца. Тым не менш, паспяховы фініш дазволіў «Славіі» заняць восьмы радок. Сезон 2020 каманда праводзіла пераважна ў ніжняй палове табліцы і ў выніку стала дзявятай.

Эмблемы

• Гісторыя эмблем «Славіі»
• 
  да 2013 года
• 
  з 2014 года

Папярэднія назвы

• 1987—1994: «Палессе»
• 1995—1997: МВКЦ
• 1998—2005: «Славія»
• 2006: «Мазыр-ЗЛіН»
• 2007: «Мазыр»
• з 2008: «Славія-Мазыр»

Дасягненні

• 01 Чэмпіён Беларусі (2): 1996, 2000
• 02 Срэбраны прызёр чэмпіянату Беларусі (2): 1995, 1999
• Уладальнік Кубка Беларусі (2): 1996 і 2000
• Пераможца Першай лігі чэмпіянату Беларусі (3): 1994/1995, 2011, 2018

Цяперашні склад

Станам на студзень 2021 года, згодна з афіцыйным сайтам клуба.

№ Паз. Імя Нар. 16 Бр Міхаіл Бараноўскі 1983 84 Бр Мікалай Раманюк 1984 Бр Яўген Іваненка 1995 5 Аб Дзмітрый Ігнаценка 1995 17 Аб Юрый Недашкоўскі 1986 21 Аб Кірыл Паўлючак 1984 29 Аб Сямён Шасцілоўскі 1994 31 Аб Ігар Тыманюк 1994 7 ПА Франсіс Нарх 1994 8 ПА Яўген Барсукоў 1990 9 ПА Аляксандр Катляроў 1993

№ Паз. Імя Нар. 11 ПА Дзмітрый Крывашэеў 1998 18 ПА Уладзіслаў Жук 1994 20 ПА Андрэй Чухлей 1987 33 ПА Марка Стаянавіч 1998 80 ПА Гіда Рата 1999 88 ПА Аляксандр Раеўскі 1988 23 Нап Іслам Тлупаў 1994 28 Нап Мікіта Мельнікаў 1997 70 Нап Дэніс Тэтэх 1997 77 Нап Максім Слюсар 1997

Рэзервовы склад

№ Паз. Імя Нар. 22 Бр Даніла Сокал 2001 Бр Дзмітрый Кунец 2000 Аб Мікалай Дулуб 2000 Аб Мікалай Кісялёў 1998 Аб Іван Лузан 1997 Аб Максім Патапаў 2003 Аб Данііл Пруднік 2004 Аб Ілья Рабешка 2002 Аб Станіслаў Рэвуцкі 1999 Аб Аляксей Тупік 2004 Аб Андрэй Чупін 2001 Аб Улас Шуляк 2001

№ Паз. Імя Нар. 27 ПА Уладзіслаў Полаз 2001 ПА Дзяніс Арахоўскі 2002 ПА Юрый Васіленка 2004 ПА Ву Шуан Тхань 2000 ПА Аляксандр Дыгун 2001 ПА Аляксандр Конеў 2004 ПА Дзмітрый Юрчанка 1998 Нап Дзмітрый Аўрамчук 2003 Нап Мікіта Жулега 2004 Нап Аляксандр Рафаловіч 2000 Нап Даніла Слесарчук 2001

Трэнерскі штаб

• Міхаіл Марціновіч (нар. 1979) — галоўны трэнер
• Юрый Саўчанка (нар. 1969) — старшы трэнер
• Раман Кірэнкін (нар. 1981) — трэнер
• Максім Сухавееў (нар. 1979) — трэнер па навукова-метадычнай працы
• Іван Крутаў (нар. 1985) — трэнер па навукова-метадычнай працы
• Артур Рамашоў (нар. 1987) — трэнер брамнікаў
• Дзмітрый Турчын (нар. 1988) — галоўны трэнер дубля
• Канстанцін Кавалевіч (нар. 1992) — трэнер дубля

Статыстыка выступленняў

Чэмпіянат і Кубак Беларусі

Сезон	Ліга	М	Г	В	Н	П	Галы	Ачкі	Кубак	Заўвагі
1992	Другая (Д2)	7	15	5	6	4	18–22	16	1/32 фіналу
1992/93	Другая (Д2)	2	30	22	5	3	54–14	49	1/32 фіналу
1993/94	Другая (Д2)	2	28	19	5	4	48–18	43	1/16 фіналу
1994/95	Другая (Д2)	1	30	24	3	3	106–17	51	Чвэрцьфінал	Выхад у Першую лігу
1995	Першая (Д1)	2	15	11	3	1	44–9	36	Пераможца
1996	Першая (Д1)	1	30	24	4	2	64–17	76	1/8 фіналу
1997	Першая (Д1)	6	30	12	7	11	39–30	43	Чвэрцьфінал
1998	Вышэйшая (Д1)	6	28	12	9	7	41–36	45	Фіналіст	Змена назваў ліг
1999	Вышэйшая (Д1)	2	30	20	5	5	74–25	65	Пераможца
2000	Вышэйшая (Д1)	1	30	23	5	2	78–25	74	Фіналіст
2001	Вышэйшая (Д1)	7	26	13	5	8	49–27	44	Чвэрцьфінал
2002	Вышэйшая (Д1)	11	26	6	6	14	38–61	24	1/8 фіналу
2003	Вышэйшая (Д1)	14	30	6	7	17	29–64	25	1/16 фіналу
2004	Вышэйшая (Д1)	12	30	9	4	17	32–51	31	1/8 фіналу
2005	Вышэйшая (Д1)	14	26	2	5	19	14–60	11	1/8 фіналу	Вылет у Першую лігу
2006	Першая (Д2)	4	26	11	10	5	44–24	43	1/16 фіналу
2007	Першая (Д2)	13	26	4	6	16	26–44	18	1/16 фіналу
2008	Першая (Д2)	13	26	6	5	15	33–62	23	1/16 фіналу
2009	Першая (Д2)	13	271	5	8	14	23–41	23	1/8 фіналу
2010	Першая (Д2)	9	30	10	7	13	33–44	37	1/16 фіналу
2011	Першая (Д2)	1	30	22	5	3	53–15	71	1/16 фіналу	Выхад у Вышэйшую лігу
2012	Вышэйшая (Д1)	10	30	7	6	17	22–58	27	1/8 фіналу
2013	Вышэйшая (Д1)	12	32	5	8	19	24–47	23	1/8 фіналу	Вылет у Першую лігу
2014	Першая (Д2)	2	30	18	6	6	55–38	60	1/16 фіналу	Выхад у Вышэйшую лігу
2015	Вышэйшая (Д1)	10	26	7	5	14	33–50	26	1/8 фіналу
2016	Вышэйшая (Д1)	10	30	9	8	13	33–49	35	1/8 фіналу
2017	Вышэйшая (Д1)	15	30	4	8	18	26–50	20	1/16 фіналу	Вылет у Першую лігу
2018	Першая (Д2)	1	28	21	7	0	69–13	70	1/8 фіналу	Выхад у Вышэйшую лігу
2019	Вышэйшая (Д1)	8	30	10	7	13	35–40	37	Паўфінал
2020	Вышэйшая (Д1)	9	30	10	9	11	41–49	39	1/8 фіналу

• ¹ Улічваючы дадатковы матч за права застацца ў Першай лізе супраць шклоўскага «Спартака» (перамога 2:1).

Міжнародныя кубкі

Сезон	Кубак	Раўнд	Клуб		Першыя матчы	Адказныя матчы	Вынік
1996—1997	Кубак Кубкаў	Папярэдні раўнд		Рэйк’явік	2:2 (Х)	0:1 (Г)	2:3
1997—1998	Ліга чэмпіёнаў	1 к/р		Канструктарул (Кішынёў)	1:1 (Г)	3:2 (Х)	4:3
		2 к/р		Алімпіякос (Пірэй)	0:5 (Г)	2:2 (Х)	2:7
1997—1998	Кубак УЕФА	1 раўнд		Дынама (Тбілісі)	1:1 (Х)	0:1 (Г)	1:2
2000—2001	Кубак УЕФА	1 к/р		Макабі (Хайфа)	1:1 (Х)	0:0 (Г)	1:1 (в.г. 0:1)
2001—2002	Ліга чэмпіёнаў	1 к/р		ВБ (Вагур)	0:0 (Г)	5:0 (Х)	5:0
		2 к/р		Інтэр (Браціслава)	0:1 (Х)	0:1 (Г)	0:2

Неафіцыйныя турніры

Сезон	Кубак	Раўнд	Клуб		Вынік
1997	Кубак чэмпіёнаў Садружнасці	Група D		Зборная клубаў Расіі	2:5
				Сконта	1:2
				Капетдаг	0:3
2001	Кубак чэмпіёнаў Садружнасці	Група А		Спартак (Масква)	1:3
				Варзоб	1:1
				Каўнас	4:3

Галоўныя трэнеры

• Анатоль Усенка
• Анатоль Юрэвіч (1993 — люты 1997)
• Аляксандр Бубноў (1997 — красавік 1998)
• Аляксандр Кузняцоў (1998 — 2000)
• Улада Петравіч (2000 — жнівень 2001)
• Павел Раднёнак (жнівень 2001 — май 2002)
• Аляксандр Пражнікаў (май 2002 — жнівень 2003)
• Уладзімір Курнеў (жнівень 2003 — студзень 2004)
• Андрэй Сасніцкі (студзень 2004 — жнівень 2005)
• Аляксандр Белан (в. а. у жніўні 2005)
• Іліе Карп (жнівень — снежань 2005)
• Ігар Фралоў (2006)
• ?
• Вячаслаў Шэўчык (2008)
• Сяргей Ясінскі (снежань 2008 — чэрвень 2009)
• Вячаслаў Шэўчык (чэрвень — жнівень 2009)
• Віталь Паўлаў (жнівень — снежань 2009)
• Юрый Малееў (2010 — студзень 2014)
• Юрый Пунтус (студзень 2014 — лістапад 2017)
• Міхаіл Марціновіч (са студзеня 2018)

Спасылкі

• Афіцыйны сайт