Аперацыя «Індывідуальны кравец»

Аперацыя «Індывідуальны кравец»
Асноўны канфлікт: Вайна ў В’етнаме
Стральба карабля USS Hanson па пазіцыях Паўночнага В’етнама, 1972 год.
Дата	10 мая 1972
Месца	Хайфон
Вынік	перамога ЗША
Праціўнікі
ЗША Паўночны В’етнам
Сілы бакоў
3 крэйсеры і 2 эсмінцы невядома
Страты
няма невядома

Аперацыя «Індывідуальны кравец» (англ.: Custom Tailor) — аперацыя Ваенна-марскіх сіл ЗША супраць Паўночнага В’етнама. У аперацыі прымаў удзел самы вялікі флот крэйсераў і эсмінцаў ваенна-марскіх сіл ЗША ў гісторыі В’етнамскай вайны.

Аперацыя

У маі 1972 года ў заходняй частцы Ціхага акіяна была сабрана самая буйная група караблёў ЗША з часоў Другой сусветнай вайны. У ноч з 9 на 10 мая на паўвостраве Да Сон пачалася падрыхтоўка да аперацыі «Custom Tailor». Падчас аперацыі, нягледзячы на моцнае супраціўленне праціўніка, былі знішчанв ваенныя аб’екты ў радыусе чатырох міль ад Хайфона. У ходзе аперацыі прымала ўдзел 3 крэйсеры (USS Newport News, USS Providence, USS Oklahoma City) і 2 эсмінцы (USS Hanson, USS Buchanan).

У 1 гадзіну 30 хвілін 10 мая 1972 года пачалася аперацыя з прасоўвання USS Hanson, які неўзабаве ўвайшоў у гавань Хайфона, з мэтай падаўлення берагавой батарэі Паўночнага В’етнама. У гэты ж час астатнія караблі пачалі мінаваць уваход у гавань, каб пазбавіць сілы Паўночнага В’етнама магчымасці выкарыстоўваць порт Хайфона. Аперацыя скончылася поўным поспехам ваенна-марскіх сіл ЗША. Эсмінец USS Hanson за гэтую аперацыю атрымаў падзяку.