Брэменскі ўніверсітэт

Брэменскі ўніверсітэт
ням.: Universität Bremen
Арыгінальная назва	ням.: Universität Bremen
Міжнародная назва	англ.: University of Bremen
Заснаваны	1971
Студэнты	17 984
Краіна	Германія
Размяшчэнне	Брэмен
Сайт	uni-bremen.de
Медыяфайлы на Вікісховішчы

Брэменскі ўніверсітэт (ням.: Universität Bremen) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Брэмен.

Агульная характарыстыка

Ва ўніверсітэце навучаецца каля 23 500 студэнтаў са 115 краін. Універсітэт вядомы перш за ўсё сваім высокім узроўнем адукацыі ў галіне прамысловай інжынерыі, фізікі, матэматыкі, мікрабіялогіі, еўрапейскага права і палітычных навук. У 2012 годзе ў так званым Шанхайскім рэйтынгу ён быў пастаўлены на 346 месца ў свеце (29 сярод нямецкіх вышэйшых навучальных устаноў).

Брэменскі ўніверсітэт з'яўляецца адным з самых маладых універсітэтаў Германіі. Ён быў заснаваны ў 1971 годзе з мэтай падрыхтоўкі педагагічных кадраў. Першапачаткова невялікі акадэмічны кампус, размешчаны на ўскраіне горада, у 1980-я гады паступова пашыраўся. Універсітэт пачаў супрацоўніцтва з Інстытутам марскіх і палярных даследаванняў Альфрэда Вегенера ў Брэмерхафене, а ў 1988 годзе быў пабудаваны тэхналагічны парк.

Факультэты

• Фізікі і электратэхнікі
• Біялогіі і хіміі
• Матэматыкі і інфарматыкі
• Тэхналогій машынабудаўнічай вытворчасці
• Навук аб Зямлі
• Права
• Бізнесу і эканомікі
• Сацыяльных навук
• Культуралогіі
• Моў і літаратуразнаўства
• Навук аб чалавеку і здароўі
• Педагагічных навук

Спасылкі

• На Вікісховішчы ёсць медыяфайлы па тэме Брэменскі ўніверсітэт
• Афіцыйная інтэрнэт-старонка ўстановы