Тэхнічны ўніверсітэт «Фрайбергская горная акадэмія»

Тэхнічны ўніверсітэт «Фрайбергская горная акадэмія»
ням.: Technische Universität Bergakademie Freiberg
Арыгінальная назва	ням.: Technische Universität Bergakademie Freiberg
Міжнародная назва	англ.: Technical University of Bergakademie Freiberg
Заснаваны	1765
Студэнты	4 016
Размяшчэнне	Фрайберг
Сайт	tu-freiberg.de
Медыяфайлы на Вікісховішчы

Тэхнічны ўніверсітэт «Фрайбергская горная акадэмія» (ням.: Technische Universität Bergakademie Freiberg) — нямецкая дзяржаўная вышэйшая навучальная ўстанова са статусам універсітэта i з сядзібай у горадзе Фрайберг.

Агульная характарыстыка

Універсітэт — адзін з вядучых дзяржаўных тэхнічных універсітэтаў Германіі, у якім навучаецца каля 4 300 студэнтаў. У сусветным рэйтынгу ўніверсітэтаў 2021 года ўніверсітэт заняў па адукацыйным кірунку па здабычы карысных выкапняў 17-е месца ва ўсім свеце і 3-е месца ў Еўропе. Цэнтр сусветных рэйтынгаў універсітэтаў ставіў універсітэт у 2020 годзе на 64-е месца сярод нямецкіх універсітэтаў па выніках даследаванняў.

Заснаваны ў 1765 годзе ён з'яўляецца старэйшым універсітэтам горнай справы і металургіі ў свеце. Хімічныя элементы індый (1863 год) і германій (1886 год) былі адкрыты навукоўцамі гэтага ўніверсітэта. Аляксандр фон Гумбальт вывучаў горную справу ў Фрайбергскай горнай акадэміі з 1791 па 1792 год, як і паэт Наваліс з 1797 па 1799 год.

Структура

Сёння вучэльня з'яўляецца вузкаспецыялізаваным тэхнічным універсітэтам, які складаецца з шасці факультэтаў:

• Факультэт матэматыкі і інфарматыкі
• Хіміка-фізічны факультэт
• Факультэт навук аб Зямлі, геатэхнікі і горназдабыўной прамысловасці
• Факультэт машынабудавання, тэхналагічнага працэсу і энергетыкі
• Факультэт матэрыялазнаўства і тэхналогіі матэрыялаў
• Эканамічны факультэт

Спасылкі

• На Вікісховішчы ёсць медыяфайлы па тэме Тэхнічны ўніверсітэт «Фрайбергская горная акадэмія»
• Афіцыйная інтэрнэт-старонка ўстановы