Буда-Кашалёва

Буда-Кашалёва
Герб	Сцяг
Краіна	Беларусь
Вобласць	Гомельская
Раён	Буда-Кашалёўскі
Каардынаты	52°43′ пн. ш. 30°34′ у. д.HGЯO
Заснаваны	1824
Першая згадка	1824
Горад з	1971
Плошча	7,0449 км²;
Вышыня цэнтра	147 м
Насельніцтва	▼8 581 чал. (1 студзеня 2024);
Часавы пояс	UTC+3
Тэлефонны код	+375 2336
Паштовы індэкс	247350
Аўтамабільны код	3
СААТА	3205501000
	Буда-Кашалёва на Вікісховішчы

Бу́да-Кашалё́ва^[3] (афіц. транс.: Buda-Kašaliova) — горад раённага падпарадкавання ў Гомельскай вобласці Беларусі, адміністрацыйны цэнтр Буда-Кашалёўскага раёна. За 48 км ад Гомеля, чыгуначная станцыя на лініі Мінск—Гомель. Насельніцтва 8 460 чал. (2017)^[4].

Гісторыя

Па пісьмовых крыніцах горад вядомы з 1824 г. як в. Буда, у складзе казённага маёнтка, у Кашалёўскай воласці Рагачоўскага павета Магілёўскай губерні. Дзейнічала карчма. У другой палове 19 ст. назва набыла сучаснае гучанне, але да нашага часу большасць жыхароў раёна карыстаюцца старой назвай — Буда. З пачаткам будаўніцтва Лібава-Роменскай чыгункі вёска хутка расла, па заканчэнні чыгункі ў лістападзе 1873 г. пачала дзейнічаць чыгуначная станцыя III класа, на якой штогод адгружалася каля 90 тысяч пудоў лясных грузаў. Мелася паштова-тэлеграфнае аддзяленне. З 1888 г. працавала невялікае прадпрыемства па вырабу драўляных дэталей для ткацкіх станкоў.

Па перапісу 1897 г. ў Буда-Кашалёва меліся 63 двары, 487 жыхароў, царкоўна-прыходская школа, хлебазапасны магазін, вятрак, лаўка, аддзяленне паштовай сувязі, лесапільны завод, карчма. У 1914 г. пабудавана новае памяшканне народнага вучылішча. На чыгуначнай станцыі ўзводзіліся складскія і іншыя гаспадарчыя збудаванні, насельніцтва пасёлка станцыі ў 1909 г. склала 74 чалавек. З 1911 г. пры школе працавала бібліятэка. У сакавіку-лістападзе 1918 г. Буда-Кашалёва акупіравана германскімі войскамі. Актыўную барацьбу супраць акупантаў вёў створаны мясцовымі актывістамі баявы атрад. Вызвалена 30.11.1918 г.

З 09.05.1923 г. да 17.07.1924 г. цэнтр Буда-Кашалёўскай воласці Гомельскай губерні. З 03.03.1924 г. ў складзе БССР. З 27.07.1924 г. цэнтр Буда-Кашалёўскага раёна Бабруйскай, з 27.10.1927 Гомельскай (да 26.07.1930 г.) акругі, з 20.02.1938 г. — Гомельскай вобласці. У 1925 г. было 194 двары. У 1930 г. арганізаваны калгас «Чырвоная Беларусь». З 1932 г. працавала МТС. У 1934 г. дзейнічалі шавецкая і кравецкая арцелі, маслазавод, МТС з рамонтнай майстэрняй, 4 ветракі і кузня.

З 27.09.1938 г. гарадскі пасёлак, 3400 жыхароў. У тым жа годзе ўзведзены двухпавярховы мураваны будынак сярэдняй школы. У пачатку Вялікай Айчыннай вайны быў створаны атрад народнага апалчэння (310 чалавек, камандзір Давалёў). У савецкі тыл была эвакуіравана тэхніка МТС. З жніўня 1941 г. да 27.11.1943 г. акупіравана нямецка-фашысцкімі захопнікамі. У снежні 1941 г. карнікі загубілі 485 чалавек (пахаваны ў магіле ахвяр фашызму за 1,5 км на поўнач ад горада). Вызвалена 4-й стралковай дывізіяй (палкоўнік Дз. Дз. Вараб’ёў) і 231-м танкавым палком (падпалкоўнік Ф. М. Кавалёў) 48-й арміі пры ўдзеле партызан. У баях за вызваленне Буда-Кашалёва загінуў 31 савецкі воін (пахаваны ў брацкіх магілах на паўночна-ўсходняй ускраіне і ў скверы па вул. Леніна). За час вайны загінулі 345 жыхароў.

З 31.12.1971 г. горад раённага падпарадкавання^[5].

Насельніцтва

XIX стагоддзе: 1897 — 487 чал.
XX стагоддзе: 1939 — 3,4 тыс. чал.; 1959 — 4,6 тыс. чал.; 1969 — 7,2 тыс. чал.
XXI стагоддзе: 2006 — 9,5 тыс. чал.; 2008 — 9,4 тыс. чал.; 2016 — 8 551 чал.^[6]; 2017 — 8 460 чал.^[4]

Эканоміка

Дзейнічаюць ільнозавод, масласыразавод, хлебазавод, пладова-агароднінны завод, камбінаты будаўнічых матэрыялаў і бытавога абслугоўвання, птушкафабрыка, раённыя аб’яднанні «Сельгастэхнікі» і «Міжкалгасбуда», «Сельгасхіміі».

Культура

Буда-Кашалёўская карцінная галерэя імя Яўсея Яўсеевіча Маісеенкі.

Адукацыя

Аграрна-тэхнічны каледж (былы лясны тэхнікум), 2 сярэднія, музычная і дзіцячая спартыўная школы, дзіцячы сад, 3 дзіцячыя сады-яслі.

Планіроўка

Архітэктурная планіроўка горада складаецца з сеткі злучаных паміж сабой прамалінейных вуліц. На поўдзень, поўнач і паўднёвы ўсход вуліцы маюць арыентацыю, блізкую да мерыдыянальнай. Чыгунка падзяляе горад на паўночна-заходнюю і паўднёва-ўсходнюю часткі. Грамадскі цэнтр складаюць цэнтральная плошча і вул. Леніна, дзе размешчаны адміністрацыйныя будынкі, гандлёвы цэнтр і 2-5-павярховыя жылыя і грамадскія будынкі. Астатняя забудова пераважна драўляная.

Славутасці

Свята-Мікалаеўская царква (1995).
Магiла ахвяр фашызму (1941) — Гісторыка-культурная каштоўнасць Беларусі, шыфр 313Д000124шыфр 313Д000124
Брацкая магіла (1941—1944), вул. Леніна, у скверы — Гісторыка-культурная каштоўнасць Беларусі, шыфр 313Д000125шыфр 313Д000125
Брацкая магіла (1941—1944), вул. Леніна, у скверы — Гісторыка-культурная каштоўнасць Беларусі, шыфр 313Д000126шыфр 313Д000126
Бюст П. Я. Галавачова (1951), вул. Леніна — Гісторыка-культурная каштоўнасць Беларусі, шыфр 313Ж000127шыфр 313Ж000127
Помнік В. П. Дразду (1968)

Свята-Мікалаеўская царква
Капліца
Курган Славы
Воданапорная вежа

Вядомыя асобы

Саламон Навумавіч Ардашнікаў (1908—1963) — генетык, радыёбіёлаг.
Валянцін Пятровіч Дрозд (1906—1943) — савецкі военачальнік, віцэ-адмірал.
Іван Іосіфавіч Церашкоў (1922—1999) — беларускі эканаміст. Доктар эканамічных навук (1979), прафесар (1992).

Гл. таксама

Зноскі

↑ ^а ^б О некоторых вопросах административно-территориального устройства Гомельской области
↑ Численность населения на 1 января 2024 г. и среднегодовая численность населения за 2023 год по Республике Беларусь в разрезе областей, районов, городов, поселков городского типа — Белстат, 2024.
<a href="https://wikidata.org/wiki/Track:Q125194897"></a><a href="https://wikidata.org/wiki/Track:Q6520738"></a>
↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ ^а ^б Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
↑ Указ Прэзідыума Вярхоўнага Савета БССР ад 31 снежня 1971 г. Аб пераўтварэнні гарадскога пасёлка Буда-Кашалёва Буда-Кашалёўскага раёна Гомельскай вобласці ў горад раённага падпарадкавання // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 1 (1339).
↑ Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.

Спасылкі

На Вікісховішчы ёсць медыяфайлы па тэме Буда-Кашалёва

Геаграфічныя звесткі па тэме Буда-Кашалёва на OpenStreetMap
Буда-Кашалёва на сайце Глобус Беларусі (руск.)

[_e11da48db2cfe163-1] а ^б О некоторых вопросах административно-территориального устройства Гомельской области

[_aa88f3c606a95088-2] Численность населения на 1 января 2024 г. и среднегодовая численность населения за 2023 год по Республике Беларусь в разрезе областей, районов, городов, поселков городского типа — Белстат, 2024.
<a href="https://wikidata.org/wiki/Track:Q125194897"></a><a href="https://wikidata.org/wiki/Track:Q6520738"></a>

[NNP-3] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

[2017-Estimate-4] а ^б Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.

[5] Указ Прэзідыума Вярхоўнага Савета БССР ад 31 снежня 1971 г. Аб пераўтварэнні гарадскога пасёлка Буда-Кашалёва Буда-Кашалёўскага раёна Гомельскай вобласці ў горад раённага падпарадкавання // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 1 (1339).

[2016-Estimate-6] Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.

[1]

[2]

[3]

[4]

[5]

[6]

Гомельская вобласць
Раёны	Акцябрскі Брагінскі Буда-Кашалёўскі Веткаўскі Гомельскі Добрушскі Ельскі Жлобінскі Жыткавіцкі Калінкавіцкі Кармянскі Лельчыцкі Лоеўскі Мазырскі Нараўлянскі Петрыкаўскі Рагачоўскі Рэчыцкі Светлагорскі Хойніцкі Чачэрскі	Герб Гомельскай вобласці
Гарады	Буда-Кашалёва Васілевічы Ветка Гомель¹ Добруш Ельск Жлобін Жыткавічы Калінкавічы Мазыр Нароўля Петрыкаў Рагачоў Рэчыца Светлагорск Тураў Хойнікі Чачэрск
Пгт	Азарычы Акцябрскі Бальшавік Брагін Зарэчча Камарын Капаткевічы Карма Лельчыцы Лоеў Парычы Сасновы Бор Стрэшын Уваравічы Церахоўка
¹горад абласнога падпарадкавання