Ламе (тканіна)

Ламе
Матэрыял	metallic thread[d]
Медыяфайлы на Вікісховішчы

Ламе́ — парча з шыццём металічнымі ніткамі па аснове, вырабленай звычайна з сінтэтычных або штучных валокнаў.

Паходжанне тэрміна незразумела, але, верагодна, можа весціся ад італ.: lama — «металічны ліст» або «пракат».

Звычайна ламе залатога або срэбнага колеру, часам колеру медзі. Існуюць розныя віды ламе, у залежнасці ад складу іншых нітак. Напрыклад, тонкае ламе, ламе з галаграмамі, жамчужнае ламе.

Ламе слізгае і рэпаецца, у сілу чаго выкарыстоўваецца для адзення, не разлічанага на частае нашэнне: вячэрніх нарадаў і сукенак, для тэатральных і танцавальных касцюмаў.

Электраправоднасць шыцця робіць ламе прыдатным для выкарыстання ў вырабе фехтавальных камізэлек, што дазваляе падлічваць дотыкі.

Ламе выкарыстоўвалася для вырабу эфода — віду адзення або рытуальнага ўбору.

Спасылкі

• Классификация тканей и текстильных материалов (руск.)