Англійская мова: Розніца паміж версіямі
[дагледжаная версія] | [дагледжаная версія] |
Няма тлумачэння праўкі |
|||
Радок 23: | Радок 23: | ||
|Код па SIL = ENG |
|Код па SIL = ENG |
||
}} |
}} |
||
[[File:EN English Language Symbol ISO 639-1 IETF Language Tag Icon.svg|thumb|upright|EN ([[ISO 639]]-1)]] |
|||
'''Англійская мова''' — [[германскія мовы|германская]] мова [[заходнегерманскія мовы|заходнегерманскай]] групы. |
'''Англійская мова''' — [[германскія мовы|германская]] мова [[заходнегерманскія мовы|заходнегерманскай]] групы. |
||
Версія ад 17:52, 5 снежня 2015
Англійская | |
---|---|
Саманазва | English |
Краіны | ЗША, Вялікабрытаніі, Канадзе, Аўстраліі і іншых краінах |
Рэгіёны | Галоўным чынам Заходняя Еўропа, Паўночная Амерыка, Аўстралія, Азія |
Афіцыйны статус | Вялікабрытаніі, ЗША, Канадзе, Аўстраліі і інш. |
Арганізацыя, якая рэгулюе | — |
Агульная колькасць носьбітаў | Для 340 мільёнаў з'яўляецца роднай. Для 600 мільёнаў — другой. |
Статус | у бяспецы[d][1] |
Класіфікацыя | |
Катэгорыя | Мовы Еўразіі |
|
|
Пісьменнасць | лацінскае пісьмо і English orthography[d] |
Моўныя коды | |
ДАСТ 7.75–97 | анг 045 |
ISO 639-1 | en |
ISO 639-2 | eng |
ISO 639-3 | eng |
WALS | eng |
Ethnologue | eng |
Linguasphere | 52-ABA |
ABS ASCL | 1201 і 12 |
IETF | en |
Glottolog | stan1293 |
Вікіпедыя на гэтай мове |
Англійская мова — германская мова заходнегерманскай групы.
Распаўсюджанне: Вялікабрытанія, ЗША, Аўстралія, Канада, Новая Зеландыя, шэраг іншых краін усіх частак свету. Колькасць носьбітаў у свеце: 309,4 млн.ч. і 508 млн.ч. з улікам англійскай як другой роднай мовы (1999); у т.л., 55 млн.ч. у Вялікабрытаніі (1984)[2].
Адна з афіцыйных і рабочых моў ААН. Статус афіцыйнай або нацыянальнай мовы: Вялікабрытанія, ЗША, Канада, Аўстралія, Новая Зеландыя, Ірландыя, Індыя, 15 краін Афрыкі (1990[3]).
Алфавіт
Алфавіт англійскай мовы заснаваны на лацінскім і складаецца з 26 літар, з іх 6 галосных і 20 зычных.
- Галосныя: A, E, I, O, U, Y
- Зычныя: B, C, D, F, G, H, J, K, L, M, N, P, Q, R, S, T, V, W, X, Z
Пісьменнасць
Пісьменнасць існуе з 7—8 ст., пачаткова, да хрысціянізацыі (пачатай з 6 ст.), на аснове старажытнагерманскай рунічнай графікі, потым на аснове лацінскай графікі. Першы помнік: рунічны надпіс на Фрэнксавым куфэрку (7 ст.). Старажытныя помнікі: «Беавульф» (эпічная паэма, каля 700; захавалася ў пазнейшых спісках), «Англа-саксонская хроніка» (9 ст.), пераклад «Сусветнай гісторыі» Арозія (9 ст., пераклад караля Альфрэда); пераклад «Царкоўнай гісторыі англаў» біскупа Беды Вельмішаноўнага (9 ст.).
Дыялекты
Сучасная англійская мова мае вялікую колькасць тэрытарыяльных дыялектаў: у Вялікабрытаніі — шатландскі, група паўночных, цэнтральных (усходне-цэнтральных і заходне-цэнтральных), паўднёвых і паўднёва-заходніх дыялектаў; у ЗША — групы дыялектаў усходне-англійская, сярэдне-атлантычная (цэнтральная), паўднёва-усходняя, сярэдне-заходняя. Дыялектныя адменнасці ў Вялікабрытаніі значна болей выразныя, чым у ЗША, дзе асновай літаратурнай нормы стаў цэнтральны дыялект.
Наяўныя амерыканскі, канадскі і аўстралійскі варыянты літаратурнай нормы адрозніваюцца ад літаратурнай англійскай мовы галоўным чынам вымаўленнем і лексікай.
Гісторыя
Выдзяляюцца перыяды развіцця: старажытнаанглійскі (7—11 ст.; англаксонская мова), сярэднеанглійскі (12—15 ст.; сярэднеанглійская мова), ранні новаанглійскі (16—17 ст.; ранняя новаанглійская мова), новаанглійскі (з 18 ст.).
- Старажытнаанглійскі перыяд
Англійская мова паходзіць ад паўночнаморскіх германскіх дыялектаў Паўночнага мора, якія былі прынесены на Брытанскія астравы германскімі пасяленцамі з розных частак цяперашніх Нідэрландаў, паўночна-заходняй Германіі і Даніі[4]. Да таго часу ў Рымскай Брытаніі карэннае насельніцтва, як мяркуецца, гаварыла на агульнабрэтонскай мове , кельцкай па паходжанню, пры суперстратным уплыве лацінскай мовы, які тлумачыцца 400-гадовым перыядам знаходжання ў складзе Рымскай дзяржавы[5]. Адным з гэтых прышлых германскіх плямён былі англы[6], якія, на думку Беды Вялебнага, поўнасцю перасяліліся ў Брытанію[7]. Назва «Англія» (англ.: England ад Engla land[8] «зямля англаў») і прыметнік «англійскі» (англ.: English, старажытнаанглійскае Englisc[9]) утвораны ад назвы гэтага племені, але саксы, юты і некаторыя іншыя германскія народы берагоў Фрысландыі, Ніжняй Саксоніі, Ютландыі і Паўднёвай Швецыі таксама перамясціліся на Брытанскія астравы ў гэтую эпоху[10][11].
Першапачаткова старажытнаанглійская мова была неаднароднай групай дыялектаў, што адлюстроўвала рознае паходжанне жыхароў тагачаснай Англіі[12]. У старажытнаанглійскі перыяд мовы (гаворкі) старажытнагерманскіх плямён англаў, саксаў і ютаў сфарміравалі 4 тэрытарыяльныя дыялекты: нартумбрыйскі, мерсійскі, уэсекскі, кентскі.
Заняпад паўночных і паўночна-ўсходніх зямель ад скандынаўскіх набегаў і палітычна-эканамічнае ўзмацненне Уэсекскага каралеўства (9—11 ст.) прывялі да таго, што уэсекскі (заходнесаксонскі) дыялект з часам пачаў пераважаць і стаў асновай для тагачаснай літаратурнай мовы, і іменна на гэтай гаворцы быў напісаны «Беавульф». Большасць помнікаў гэтага перыяду таксама захавалася ва ўэсекскай рэдакцыі. Мовы кельцкіх народаў захаваліся пераважна ў геаграфічных назвах.
У старажытнаанглійскай мове пазней адбыліся змены, звязаныя з дзвюма хвалямі нашэсцяў. Першай хваляй сталі носьбіты паўночнагерманскіх моў, калі Хальфдан Рагнарсан і Івар Бяскосты пачалі заваяванне і каланізацыю паўночнай часткі Брытанскіх астравоў у VIII і IX стагоддзях (гл. Данелаг). Другой хваляй было нашэсце ў краіну ў XI стагоддзі нарманаў, носьбітаў раманскай старанармандскай мовы . Старанармандская мова развілася ў англанармандскую , а затым у англа-французскую , увёўшы ва ўжытак пласт слоў, звязаных з судоваю справай і дзяржаўным кіраваннем. Гэтыя дзве падзеі прывялі не толькі да пашырэння лексікону скандынаўскімі і нармандскімі словамі, але і да спрашчэння граматыкі стараанглійскай мовы, зрабіўшы яе такім чынам незвычайна адкрытаю для запазычання новых слоў з іншых моў.
- Сярэднеанглійскі перыяд
Моўныя зрухі ў тагачаснай англійскай мове пасля наезду нарманаў прывялі да ўзнікнення таго, што сёння вядома як сярэднеанглійская мова. Твор Джэфры Чосера «Кентэрберыйскія апавяданні » з'яўляецца самым вядомым узорам мовы таго часу.
У сярэднеанглійскі перыяд, пасля нарманскага заваявання, англійская мова функцыянавала як народная, маючы 3 асноўныя дыялектныя зоны — паўночную, цэнтральную, паўднёвую. Гэты перыяд характарызаваўся значнымі змяненнямі фанетыкі і граматыкі.
- Новаанглійскі перыяд
У 16—17 ст. складваецца ранняя новаанглійская мова. Перыяд сучаснай англійскай мовы , да якога адносяцца творы Уільяма Шэкспіра[13] і Біблія караля Якава, звычайна адлічваюць прыблізна ад 1550. Пасля таго, як Злучанае Каралеўства стала каланіяльнай дзяржавай, англійская мова служыла «лінгва франка» для калоній Брытанскай імперыі. У паслякаланіяльны перыяд некаторыя з новаствораных нацый, у склад якіх уваходзілі носьбіты некалькіх розных аўтахтонных моў , выбралі англійскую мову ў якасці лінгва франка, каб пазбегнуць палітычных складанасцей, звязаных з узвышэннем аднае аўтахтоннае мовы над астатнімі. У выніку разрастання Брытанскай імперыі, англійская мова была прынята ў Паўночнай Амерыцы, Індыі, Аўстраліі і многіх іншых рэгіёнах. Працэс распаўсюджвання англійскай мовы ўзмацніўся з ростам ролі ЗША ў міжнародных адносінах у сярэдзіне 20-га ст. На пачатак 21-га стагоддзя, англійская мова з'яўляецца самай шырокаўжывальнай мовай за ўсю гісторыю[14].
Гл. таксама
- Даданы сказ часу і ўмовы англійскай мовы
- Тыпы пытанняў англійскай мовы
- Сінтаксіс англійскай мовы
- Ускосная мова англійскай мовы
- Сістэма форм выражэння часу ў англійскай мове
- Дзеясловы англійскай мовы
- Займеннікі англійскай мовы
- Неасабовыя формы дзеясловаў англійскай мовы
- Артыклі англійскай мовы
- Назоўнікі англійскай мовы
- Прыметнікі англійскай мовы
- Прыслоўі англійскай мовы
- Выклічнікі англійскай мовы
- Злучнікі англійскай мовы
- Прыназоўнікі англійскай мовы
- Памылковыя сябры перакладчыка
- Эбанікс
Зноскі
- ↑ UNESCO Atlas of the World's Languages in Danger
- ↑ Этналог, 15-ы вып.
- ↑ ЛЭС-90…
- ↑ Blench, R.; Spriggs, Matthew (1999). Archaeology and Language: Correlating Archaeological and Linguistic Hypotheses. Routledge. pp. 285–286. ISBN 978-0-415-11761-6.
- ↑ The Roman epoch in Britain lasted for 367 years, Information Britain
- ↑ Anglik English language resource. Anglik.net.
- ↑ Bede's Ecclesiastical History of England | Christian Classics Ethereal Library. Ccel.org.
- ↑ Bosworth, Joseph. Engla land . An Anglo-Saxon Dictionary (Online). Prague: Charles University.
- ↑ Bosworth, Joseph. Englisc . An Anglo-Saxon Dictionary (Online). Prague: Charles University.
- ↑ Collingwood, R. G.; et al. (1936). "The English Settlements. The Sources for the period: Angles, Saxons, and Jutes on the Continent". Roman Britain and English Settlements. Oxford, England: Clarendon. pp. 325 et sec. ISBN 0-8196-1160-3.
{{cite book}}
: Непасрэднае ўжыванне et al. у:|author2=
(даведка) - ↑ Linguistics Research Center Texas University. Utexas.edu.
- ↑ Graddol, David; Leith, Dick and Swann, Joan (1996) English: History, Diversity and Change, New York: Routledge, p. 101, ISBN 0415131189.
- ↑ Cercignani, Fausto (1981) Shakespeare's Works and Elizabethan Pronunciation, Oxford, Clarendon Press.
- ↑ McCrum, Robert; MacNeil, Robert; Cran, William (2011). The Story of English. London: Faber and Faber; BBC Books. pp. 9–10. ISBN 978-0-571-27508-3.
English at the end of the twentieth century is more widely scattered, more widely spoken and written, than any other language has ever been. It has become the language of the planet, the first truly global language.
Літаратура
- Швейцер А. Д., Ярцева В. Н. Английский язык // Лингвистический энциклопедический словарь. — М., 1990. С. 33, 34;
- Gordon, Raymond G., Jr. (ed.), 2005. Ethnologue: Languages of the World, Fifteenth edition. Dallas, Tex.: SIL International. Online version: http://www.ethnologue.com..
- Мовы і дыялекты паводле алфавіта
- Англійская мова
- Мовы Аўстраліі
- Мовы Батсваны
- Мовы Беліза
- Мовы Вялікабрытаніі
- Мовы Гамбіі
- Мовы Ганы
- Мовы ЗША
- Мовы Замбіі
- Мовы Зімбабвэ
- Мовы Індыі
- Мовы Ірландыі
- Мовы Камеруна
- Мовы Канады
- Мовы Кеніі
- Мовы Лесота
- Мовы Ліберыі
- Мовы Малайзіі
- Мовы Мальты
- Мовы Намібіі
- Мовы Нігерыі
- Мовы Новай Зеландыі
- Мовы Пакістана
- Мовы Паўднёва-Афрыканскай Рэспублікі
- Мовы Паўднёвага Судана
- Мовы Руанды
- Мовы Свазіленда
- Мовы Судана
- Мовы Сінгапура
- Мовы Танзаніі
- Мовы Уганды
- Мовы Фіджы
- Мовы Філіпінаў
- Мовы Ямайкі