Перайсці да зместу

Брэсцкі дзяржаўны тэхнічны ўніверсітэт

З Вікіпедыі, свабоднай энцыклапедыі
Брэсцкі дзяржаўны тэхнічны ўніверсітэт
Выява лагатыпа
Заснаваны 1 красавіка 1966 года
Рэктар Сяргей Антонавіч Каспяровіч
Студэнты 5 400
Краіна
Сайт bstu.by
Лагатып Вікісховішча Медыяфайлы на Вікісховішчы

Брэсцкі дзяржаўны тэхнічны ўніверсітэт (БрДТУ) — вышэйшая навучальная ўстанова Брэста. Комплекс будынкаў БрДТУ (1965—1980) размешчаны па адрасе вул. Маскоўская, 267 і ўваходзіць у ансамбль мікрараёна Усход.

Гісторыя

[правіць | правіць зыходнік]

Створаны 1 красавіка 1966 года. Ва ўніверсітэце падрыхтоўваюць працаўнікоў патэхнічных спецыяльнасцях: будаўнікі, архітэктары, інжынеры па інфармацыйных тэхналогіях, эканамiсты і інш.

2020—2021 гады

[правіць | правіць зыходнік]
Асноўны артыкул: Пратэсты ў Беларусі (2020—2021)

Рэктар Аляксандр Драган, які падтрымаў студэнтаў універсітэта падчас акцый пратэсту ў Беларусі, быў вызвалены ад займанай пасады 20 кастрычніка 2020 года[1]. Новым рэктарам быў прызначаны доктар тэхнічных навук, дацэнт Аляксандр Бахановіч[2].

28 кастрычніка 2020 года 9 студэнтаў будаўнічага факультэта і факультэта электронна-інфармацыйных сістэм былі адлічаны за т.зв. «парушэнне грамадскага парадку»[3]. Дакладная запіска пра адлічэнне студэнтаў была падпісана прарэктарам універсітэта Наталляй Ялавой[4]. Адна скарга на незаконнае адлічэнне дайшла да суда[5].

29 кастрычніка звольнілася юрысконсульт БрДТУ Вольга Аўдзяйчук, бо не хацела падпісваць загад аб адлічэнні студэнтаў, да якога ў жанчыны ўзніклі справядлівыя пытанні[6]. Начальніца юрыдычнага аддзела Таццяна Крывушчанка таксама сышла з пасады ў знак пратэсту супраць нелегітымнага загаду, як і некаторыя іншыя выкладчыкі ўніверсітэта[7].

Дзеянні кіраўніцтва ўніверсітэта былі асуджаныя на міжнародным узроўні[8][9]. 21 чэрвеня 2021 года рэктар Аляксандр Бахановіч, прызначаны на пасаду Аляксандрам Лукашэнкам, быў унесены ў спіс беларускіх чыноўнікаў, якім забаронены ўезд на тэрыторыю ЕС[10]. Паводле рашэння ЕС, Бахановіч «нясе адказнасць за рашэнне адміністрацыі ўніверсітэта адлічыць студэнтаў за ўдзел у мірных акцыях пратэсту», пастановы аб чым былі прыняты пасля закліку Лукашэнкі 27 кастрычніка 2020 года адлічаць студэнтаў універсітэтаў, якія ўдзельнічаюць у акцыях пратэсту і страйках, — рэпрэсіі супраць грамадзянскай супольнасці і падтрымку рэжыму Лукашэнкі[11].

Рэктары

[правіць | правіць зыходнік]

Склад

[правіць | правіць зыходнік]
  • Будаўнічы факультэт. З’яўляецца асноўным факультэтам універсітэта. Тут ажыцяўляецца падрыхтоўка прафесійных спецыялістаў для разнастайных галін будаўніцтва. Факультэт рыхтуецца да таго, каб у будучыні выдаваць сваім выпускнікам дыпломы, якія прызнаюцца ў краінах ЕС.
  • Факультэт электронна-інфармацыйных сістэм. Факультэт займаецца даследаваннямі і падрыхтоўкай высокакваліфікаваных кадраў для галін інфармацыйна-электроннага профілю заходняга рэгіёна Рэспублікі Беларусь.
  • Факультэт інжынерных сістэм і экалогіі. Факультэт арганізуе падрыхтоўку інжынераў для вырашэння праблем экалагічнага кірунку ў водагаспадарчым будаўніцтве, арганізацыі бяспечнай жыццядзейнасці людзей, укаранення эфектыўных тэхналогій для ачысткі прыродных і сцёкавых вод.
  • Эканамічны факультэт. Факультэт быў створаны 1 лютага 1995 года. Ён быў заснаваны на базе студэнтаў спецыяльнасці «Камерцыйная дзейнасць» набораў 1993 г. (2 групы, у якіх 25 чалавек вучыліся за кошт бюджэту, а 11 чалавек упершыню ў гісторыі тады яшчэ Брэсцкага політэхнічнага інстытута самі аплачвалі сваё навучанне) і 1994 года (6 груп), якія да гэтага ставіліся да будаўнічаму факультэту. У далейшым на факультэце былі адкрыты наступныя спецыяльнасці: Маркетынг; Сусветная эканоміка; Бухгалтарскі ўлік, аналіз і аўдыт; Фінансы і крэдыт; Эканоміка і кіраванне на прадпрыемстве; Арганізацыя вытворчасці. З 1995 года нязменным дэканам факультэта з’яўляецца к.т.н., дацэнт Радчук Анатоль Пятровіч.
  • Машынабудаўнічы факультэт. Факультэт займаецца даследаваннямі і падрыхтоўкай высокакваліфікаваных кадраў для галін машынабудаўнічага профілю.
  • Інжынерна-эканамічны факультэт завочнай адукацыі. Мэтай факультэтаз’яўляецца падрыхтоўка спецыялістаў з вышэйшай адукацыяй у скарочаныя тэрміны з ліку абітурыентаў, якія атрымалі сярэднюю спецыяльную адукацыю па спецыяльнасцях тэхнічнага і эканамічнага профілю для адпаведных галін народнай гаспадаркі Рэспублікі Беларусь, а таксама падрыхтоўка спецыялістаў з вышэйшай адукацыяй па завочнай форме навучання.
  • Аддзел давузаўскай падрыхтоўкі і маркетынгу. Мэтай АДПіМ з’яўляецца падрыхтоўка канкурэнтназдольных абітурыентаў, якія прафесійна арыентаваныя на спецыяльнасці Брэсцкага дзяржаўнага тэхнічнага ўніверсітэта.

Кафедры

[правіць | правіць зыходнік]

Навучанне на факультэце забяспечваюць наступныя кафедры:

  • Эканамічнай тэорыі;
  • Інфарматыкі і прыкладной матэматыкі;
  • Замежных моў эканамічных спецыяльнасцей;
  • Менеджменту;
  • Бухгалтарскага ўліку, аналізу і аўдыту;
  • Сусветнай эканомікі, маркетынгу, інвестыцый. Структурнае падраздзяленне было створана 1 сакавіка 1998 года. Кафедрай кіравалі: д.т.н., к.э.н., прафесар Эма Пятроўна Галавач (сакавік 1998 — люты 2004); к.т.н., дацэнт Прароўскі Андрэй Генадзевіч (з ліпеня 2004 г. па цяперашні час). На кафедры працуе 1 доктар і 8 кандыдатаў навук. Кафедра з’яўляецца выпускаючай для студэнтаў спецыяльнасцей «Сусветная эканоміка» і «Маркетынг».

Зноскі

  1. ↑ После акции солидарности в БрГТУ девять студентов попали в список на отчисление (руск.)(недаступная спасылка). TUT.BY (28 кастрычніка 2020). Архівавана з першакрыніцы 1 лістапада 2020. Праверана 28 кастрычніка 2020.
  2. ↑ Руководство (руск.)(недаступная спасылка). БрГТУ. Архівавана з першакрыніцы 23 лістапада 2020. Праверана 24 студзеня 2021.
  3. ↑ Па ўсёй краіне звальняюць страйкоўцаў і адлічваюць студэнтаў . Новы час (28 кастрычніка 2020). Праверана 28 кастрычніка 2020.
  4. ↑ Перова, Аня. Приказы на десятки человек и повестки в военкомат. Что сейчас происходит с отчислениями в вузах (руск.)(недаступная спасылка). TUT.BY (29 кастрычніка 2020). Архівавана з першакрыніцы 1 лістапада 2020. Праверана 1 лістапада 2020.
  5. ↑ Служба информации «БГ» (2020-12-18). "«Отчислили за четыре пропущенных часа?»". Брестская газета(руск.) (51 (940)): 3. {{cite journal}}: |access-date= патрабуе |url= (даведка)
  6. ↑ Юрысконсульт БрДТУ звольнілася, бо не хацела падпісваць загад аб адлічэнні студэнтаў . Наша Ніва (29 кастрычніка 2020). Праверана 2 лістапада 2020.
  7. ↑ Как студентов БрГТУ отчисляли после акции солидарности(руск.) // Брестская газета : газета. — 2020. — № 46 (935). — С. 6.
  8. ↑ As students protest, Belarusian universities aid regime crackdown (англ.). Times Higher Education  (укр.) (бел. (2 кастрычніка 2020). Праверана 17 снежня 2020.
  9. ↑ 2020-10-20 Minsk State Linguistic University, Belarusian State University of Culture and Arts, Brest State Technical University (англ.). Scholars at Risk  (англ.) (бел.. Праверана 17 снежня 2020.
  10. ↑ МГ/АА. Евросоюз утвердил новый пакет санкций против представителей Беларуси. Кто в списке? (руск.). Белсат (21 чэрвеня 2021). Архівавана з першакрыніцы 27 чэрвеня 2021. Праверана 27 чэрвеня 2021.
  11. ↑ COUNCIL IMPLEMENTING REGULATION (EU) 2021/997 — EUR-Lex, 21.06.2021
  12. ↑ Вучоныя Беларусі. Коршун, Леанард Іванавіч (кандыдат тэхнічных навук; механіка ; 1932—1995) // Нацыянальная бібліятэка Беларусі
Узята з "https://be.wikipedia.org/w/index.php?title=Брэсцкі_дзяржаўны_тэхнічны_ўніверсітэт&oldid=4781012"