Апівень

З пляцоўкі Вікіпедыя
Jump to navigation Jump to search

Апівень - у беларускай міфалогіі нячысцік, які схіляе людзей да п'янства.

Апісанне[правіць | правіць зыходнік]

Прысутнічае на ўсіх застоллях і падбухоўвае непітушчых выпіць паболей. Калі ў яго гэта не атрымліваецца, ён падчыпае ў шклянку чалавеку нейкага зелля, і той ад аднаго глытка робіцца п'яны. Апівень любіць здзеквацца з п'яных, дражніць, скідваць на пол. Апівень нябачны, і пабачыць яго можна толькі ў добрым падпітку. Гэта невялічкі чорцік, парослы рэдкай цёмнай поўсцю. Галава ў яго быццам чалавечая, толькі са свіным рылам, а замест броваў - маленькія рожкі, як у маладога бычка. Хвосцік закручаны, нібы ў парсючка, на нагах - капыты. Ходзіць як чалавек альбо ракам. Гавораць, няма ў свеце п'яніцы, які б здолей перапіць апіўня - на таго не дзейнічае алкаголь. Пра чалавека, які шмат п'е і не п'янее, кажуць, што ён п'е як апівень. У нячысцік верылі ў Мядзельскім раёне, упершыню яго згадвае фалькларыст А.У. Лукша.

Гл. таксама[правіць | правіць зыходнік]

Спасылкі[правіць | правіць зыходнік]

Літаратура[правіць | правіць зыходнік]

  • Беларуская міфалогія: Энцыклапедычны слоўнік / С. Санько [і інш.]; склад. І. Клімковіч. – 2-ое выданне, дапоўненае. – Мінск: Беларусь, 2006. – 500 с.: іл.