Валерый Іосіфавіч Варанецкі

Валерый Іосіфавіч Варанецкі
Валерый Іосіфавіч Варанецкі
Дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў
	11 кастрычніка 2016 — 21 сакавіка 2024
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	14 кастрычніка 1963 (61 год); Мінск, БССР, СССР;
Адукацыя	БПІ (1985); Дыпламатычная акадэмія МЗС Расіі[d];
Месца працы	Мінскі дзяржаўны політэхнічны каледж;
	Медыяфайлы на Вікісховішчы

Валерый Іосіфавіч Варанецкі (нар. 14 кастрычніка 1963(1963-10-14), Мінск) — беларускі дыпламат і палітык, дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў.

Біяграфія

Нарадзіўся 14 кастрычніка 1963 года ў Мінску.

Скончыў з адзнакай Беларускі політэхнічны інстытут (1985), аспірантуру гэтага інстытута (1990) і Дыпламатычную акадэмію Міністэрства замежных спраў Расійскай Федэрацыі (1995) па спецыялізацыі «Міжнародныя эканамічныя адносіны». Кандыдат эканамічных навук.

У 1985—1987 гадах — выкладчык Мінскага політэхнічнага каледжа.

У 1987—1993 гадах працаваў на выбарных пасадах у рэспубліканскіх маладзёжных арганізацыях. Адказваў за ідэалогію ў Цэнтральным камітэце ЛКСМБ^[1].

У 1993—1995 гадах — слухач Дыпламатычнай акадэміі Міністэрства замежных спраў Расійскай Федэрацыі.

У 1995—1996 гадах — саветнік па пытаннях знешняй палітыкі Адміністрацыі Прэзідэнта Рэспублікі Беларусь.

У 1996—2000 гадах — саветнік Пасольства Рэспублікі Беларусь у Каралеўстве Бельгія, Прадстаўніцтва Рэспублікі Беларусь пры Еўрапейскіх супольнасцях.

У 2000—2002 гадах — начальнік упраўлення знешняй палітыкі Адміністрацыі Прэзідэнта Рэспублікі Беларусь.

У 2002—2006 гадах — Надзвычайны і Паўнамоцны Пасол Рэспублікі Беларусь у Славацкай Рэспубліцы.

У 2006—2011 гадах — намеснік Міністра замежных спраў Рэспублікі Беларусь.

Са жніўня 2011 года па 13 кастрычніка 2016 года — Надзвычайны і Паўнамоцны Пасол Рэспублікі Беларусь у Аўстрыйскай Рэспубліцы і ў Рэспубліцы Харватыя па сумяшчальніцтве / Пастаянны прадстаўнік Рэспублікі Беларусь пры міжнародных арганізацыях у Вене / Пастаянны прадстаўнік Рэспублікі Беларусь пры АБСЕ, вызвалены ад пасады ў сувязі з пераходам на выбарную пасаду^[2].

У 2016—2024 гадах — дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў. З’яўляўся старшынёй Пастаяннай Камісіі Палаты прадстаўнікоў па міжнародных справах. З 26 снежня 2016 года па 7 ліпеня 2020 года — намеснік старшыні Парламенцкага Сходу Саюза Беларусі і Расіі^[3].

У верасні 2020 года падчас пратэстаў супраць фальсіфікацыі выбараў у Беларусі 2020 года заявіў, што «людзі маюць права на мірны пратэст»^[4]

Асабістае жыццё

Жанаты, мае сына і дачку.

Зноскі

Спасылкі

Дасье на сайце Палаты прадстаўнікоў Нацыянальнага сходу Рэспублікі Беларусь (бел.)

[1] Федута: в дни путча в компартии БССР был паралич

[2] Шчоткіна вызвалена ад пасады міністра працы і сацыяльнай абароны

[3] Воронецкий Валерий Иосифович

[4] Депутат Валерий Воронецкий на встрече с избирателями: «Люди имеют право на мирный протест, это очевидно»(недаступная спасылка)

[1]

[2]

[3]

[4]

Надзвычайныя і Паўнамоцныя Паслы Беларусі ў Аўстрыйскай Рэспубліцы
Пачатак дыпадносін	5 лютага 1992
Паслы	Валянцін Фісенка (1994—2000) • Віктар Гайсёнак (2000—2005) • Аляксандр Сычоў (2005—2011) • Валерый Варанецкі (2011—2016) • Алена Купчына (2016—2020) • Андрэй Дапкюнас (з 2020)

Надзвычайныя і Паўнамоцныя Паслы Беларусі ў Славацкай Рэспубліцы
Пачатак дыпадносін Адкрыццё пасольства	14 студзеня 1993 2002
Паслы	Міхаіл Марыніч (1994) • Мікалай Вайцянкоў (1995—1997) • Уладзімір Бельскі (1997—2002) • Валерый Варанецкі (2002—2006) • Уладзімір Серпікаў (2010—2016) • Ігар Ляшчэня (2016—2020) • Андрэй Дапкюнас (з 2024)

Надзвычайныя і Паўнамоцныя Паслы Рэспублікі Беларусь у Рэспубліцы Харватыя
Пачатак дыпадносін Адкрыццё пасольства	25 верасня 1992 да 2019 года паслом па сумяшчальніцтве прызначаўся пасол у Аўстрыі, з 2019 — пасол у Венгрыі
Паслы	Валерый Варанецкі (2011—2016) • Алена Купчына (2016—2019) • Аляксандр Панамароў (2019—2022) • Уладзімір Улаховіч (з 2022)

Слоўнікі і энцыклапедыі	OpenSanctions
Нарматыўны кантроль	VIAF: 268148996258159752981