Перайсці да зместу

Ігналіна

З Вікіпедыі, свабоднай энцыклапедыі
У паняцця ёсць і іншыя значэнні, гл. Ігналіна (значэнні).
Горад
Ігналіна
літ.: Ignalina
Герб Сцяг
Герб Сцяг
Краіна
Павет
Раён
Каардынаты
Заснаваны
1810
Плошча
  • 6,9 км²
Вышыня цэнтра
165 м і 167 м
Насельніцтва
  • ▲4 998 чал. (1 студзеня 2023)[1]
Часавы пояс
Афіцыйны сайт
Ігналіна на карце Літвы
Ігналіна (Літва)
Ігналіна

Ігналі́на (літ.: Ignalina) — горад у паўночна-ўсходняй Літве ва Уцянскім павеце. Адміністрацыйны цэнтр Ігналінскага раёна. Горад адносіцца да этнаграфічнага рэгіёну Аўкштота.

Гісторыя

[правіць | правіць зыходнік]

Ігналіна была заснавана ў 1810 годзе як фальварак Ігналін. Хуткае развіццё пачалося пасля пракладкі тут чыгункі Варшава — Санкт-Пецярбург у 1866 годзе. У канцы ХІХ стагоддзя фальварак быў вядомы прамысловасцю, Ігналіна ўваходзіла ў склад Свянцянскага павета Віленскай губерні.

У часы Першай сусветнай вайны ў 1915 годзе Ігналіна занялі войскі Германскай імперыі. 25 сакавіка 1918 года згодна з Трэцяй Устаўной граматай тэрыторыя абвешчана часткай Беларускай Народнай Рэспублікі[2]. У канцы 1918 года тэрыторыя занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У ходзе польска-савецкай і польска-літоўскай вайны ў 1920 годзе Ігналіна апынулася ў складзе Сярэдняй Літвы, у 1922 годзе — у складзе міжваеннай Польскай Рэспублікі.

У 1922—1939 гадах у складзе гміны Даўгелішкі Свянцянскага павета Віленскага ваяводства Польшчы. У 1930-х гадах у Ігналіне дзейнічаў падпольны раённы камітэт Камуністычнай партыі Заходняй Беларусі[3]. 17—18 верасня 1939 года тэрыторыя занята Чырвонай Арміяй[3], перададзена Літве паводле дагавора з СССР ад 10 кастрычніка 1939 года.

Ад назвы горада ўзяла назву пабудаваная ў часы СССР Ігналінская атамная электрастанцыя чарнобыльскага тыпу (RBMK-1500). Разам з электрастанцыяй быў пабудаваны горад Вісагінас, у якім жывуць працоўныя электрастанцыі.

Насельніцтва

[правіць | правіць зыходнік]
Год Колькасць
2001 6 584 [1]
2002 6 590 [1]
2003 6 574 [1]
2004 6 454 [1]
2005 6 410 [1]
2006 6 353 [1]
Год Колькасць
2007 6 311 [1]
2008 6 268 [1]
2009 6 165 [1]
2010 6 115 [1]
2011 6 002 [1]
2012 5 861 [1]
Год Колькасць
2013 5 772 [1]
2014 5 702 [1]
2015 5 638 [1]
2016 5 518 [1]
2017 5 261 [4]
2018 5 049 [1]
Год Колькасць
2019 4 933 [5]
2020 4 837 [5]
2021 5 106 [1]
2022 4 989 [5]
2023 4 998 [1]

Славутасці

[правіць | правіць зыходнік]

У наваколлі горада ў 1974 годзе быў утвораны Аўкштайцкі нацыянальны парк плошчай 21.100 га, у якім пад аховай знаходзяцца шматлікія азёры (каля 100) і старажытныя лясы.

Крыніцы

[правіць | правіць зыходнік]
  1. ↑ а б в г д е ё ж з і к л м н о п р с т у Resident population by city / town at the beginning of the year — State Data Agency of Lithuania, 2023. Праверана 12 лютага 2023.
  2. ↑ Вялікі гістарычны атлас Беларусі : у 4 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Мінск: Белкартаграфія. — Т. 4 / [рэд. В.Л. Насевіч]. — 270 с., іл. с. — ISBN 978-985-508-476-2. С. 19.
  3. ↑ а б Вялікі гістарычны атлас Беларусі : у 4 т. / Дзяржаўны камітэт па маёмасці Рэспублікі Беларусь, Рэспубліканскае унітарнае прадпрыемства «Белкартаграфія»; рэдкалегія: В. Л. Насевіч (галоўны рэдактар) [і інш.]. — Мінск: Белкартаграфія. — Т. 4 / [рэд. В.Л. Насевіч]. — 270 с., іл. с. — ISBN 978-985-508-476-2. С. 29.
  4. ↑ State Data Agency of Lithuania Праверана 18 лютага 2018.
  5. ↑ а б в Resident population by city / town at the beginning of the year — State Data Agency of Lithuania, 2023. Праверана 19 чэрвеня 2022.

Літаратура

[правіць | правіць зыходнік]

Спасылкі

[правіць | правіць зыходнік]
Узята з "https://be.wikipedia.org/w/index.php?title=Ігналіна&oldid=4885835"