Пабрадзе

Горад Пабрадзе літ.: Pabradė Герб Краіна Літва Павет Вільнюскі Раён Швянчоніскі Каардынаты 54°59′00″ пн. ш. 25°46′00″ у. д. Першая згадка XV стагоддзе Ранейшыя назвы Падбродзе Вышыня цэнтра 124 м Насельніцтва ▼4 735 чал. (1 студзеня 2023) Часавы пояс UTC+2, летам UTC+3 Паштовыя індэксы LT-18017 Афіцыйны сайт svencionys.lt/lit/I_prad… Пабрадзе на карце Літвы

Медыяфайлы на Вікісховішчы

Пабра́дзе (літ.: Pabradė, беларуская назва — Падбро́дзе) — горад у Літве, знаходзіцца ў Швянчоніскім раёне Вільнюскага павета. Горад адносіцца да этнаграфічнага рэгіёна Аўкштайція. Пабрадзе знаходзіцца на рацэ Жэймяна, пры ўпадзенні ў яе ракі Дубінкі. Горад аддалены ад Швянчоніса на 38 км. Да 1939 года горад уваходзіў у склад Польшчы (Свянцянскі павет), з’яўляўся буйным чыгуначным вузлом на лініі Варшава — Даўгаўпілс.

Гісторыя

Першыя ўспаміны аб Падбродзе датуюцца канцом XV стагоддзя. У гэтыя часы гэта была невялікая вёска, у якой да 1928 года не было нават школы. У канцы XIX стагоддзя, разам з пракладкай Варшаўска-Пецярбургскай чыгункі, у паселішчы значна ўзрасла колькасць насельніцтва (да 312 хат). Большасць жыхароў была непісьменная, і тыя, хто меў дастаткова грошаў, ездзілі вучыцца ў Беларусь у Кемелішкі.

У 1905 годзе ў вёсцы Баярэле, каля Падбродзя (цяпер гэта частка горада), была пабудавана трохгадовая пачатковая школа. Усе тры класы вучыліся ў адным пакоі.

Касцёл Святога Ясафата

Касцёл Найсвяцейшай Дзевы Марыі Каралевы сем’яў

У 1919 годзе, праездам да роднага дома ў Зулаве, тут затрымаўся Юзаф Пілсудскі. Жыхары звярнуліся да маршала з просьбай надаць Падбродзю статуса горада і гэты статус быў атрыманы. У 1928 годзе пачалося будаўніцтва сямігадовай школы. Праз тры гады, у 1931 годзе будова была скончана і школа атрымала імя Пілсудскага. У 1939 годзе горад разам з Віленшчынай быў далучаны да БССР, але ў 1940 годзе адыйшоў да Літоўскай ССР.

Насельніцтва

У 1939 годзе было 2869 жыхароў, у 1959 годзе насельніцтва складала 4489 чалавек, у 1970 годзе — 5790. У 1976 годзе налічвалася 6700 жыхароў. У цяперашні час на тэрыторыі Пабрадскай гарадской сянюніі пражывае сем тысяч чалавек.

Дынаміка насельніцтва Пабрадзе
Год	1939	1959	1970	1979	1989	2001	2005	2008	2010
жыхароў	2 869	4 489	5 790	6 655	7 360	6 525	6 398	6 195	6 121

Спасылкі

• На Вікісховішчы ёсць медыяфайлы па тэме Пабрадзе