Перайсці да зместу

Інстытут агульнай і неарганічнай хіміі імя У. І. Вярнадскага НАН Украіны

З Вікіпедыі, свабоднай энцыклапедыі
Інстытут агульнай і неарганічнай хіміі імя У. І. Вярнадскага Нацыянальнай акадэміі навук Украіны
Міжнародная назва V. I. Vernadsky Institute of General and Inorganic Chemistry of the National Academy of Sciences of Ukraine
Дата заснавання 1931
Дырэктар Сяргей Аляксандравіч Салапан
Юрыдычны адрас  Украіна, 03142 Кіеў,
праспект Акадэміка Паладзіна, 32/34
Сайт ionc.com.ua

Інстытут агульнай і неарганічнай хіміі імя У. І. Вярнадскага НАН Украіны — навукова-даследчая ўстанова ў складзе Аддзялення хіміі Нацыянальнай акадэміі навук Украіны, займаецца навуковымі даследаваннямі ў галіне неарганічнай хіміі.

Гісторыя

[правіць | правіць зыходнік]

У 1918 г. першы прэзідэнт Украінскай акадэміі навук акадэмік У. І. Вярнадскі заснаваў у Кіеве Хімічную лабараторыю як навуковую ўстанову ў складзе Фізіка-матэматычнага аддзела Украінскай Акадэміі Навук. У 1929 г. на базе навукова-даследчай кафедры хіміі Кіеўскага політэхнічнага інстытута быў арганізаваны Навукова-даследчы інстытут хіміі Наркамата асветы. У 1931 годзе ён быў аб’яднаны з Хімічнай лабараторыяй і ўключаны ў склад Акадэміі навук як Інстытут хіміі АН УССР[1]. У гады Вялікай Айчыннай вайны і эвакуацыі ён быў аб’яднаны з Інстытутам арганічнай хіміі, а ў 1945 годзе, пасля вяртання ў Кіеў, падзелены на Інстытут арганічнай хіміі і Інстытут агульнай і неарганічнай хіміі АН УССР. У 1993 г. Інстытуту прысвоена імя У. І. Вярнадскага.

За гады свайго існавання інстытут стаў заснавальнікам некалькіх хімічных устаноў. У 1939 годзе на базе сектара арганічнай хіміі быў арганізаваны Інстытут арганічнай хіміі АН УССР. У 1968 годзе на базе сектараў хіміі вады і калоіднай хіміі быў створаны Інстытут калоіднай хіміі і хіміі вады АН УССР. У 1977 годзе на базе лабараторый і Адэскага доследнага завода быў створаны Фізіка-хімічны інстытут АН УССР. У 1991 быў створаны Інстытут сорбцыі і праблем эндаэкалогіі, а ў 1993 — Міжведамаснае аддзяленне электрахімічнай энергетыкі НАН Украіны.

Навуковыя школы

[правіць | правіць зыходнік]
  • фізічная хімія і электрахімія іонных расплаваў і неводных раствораў
  • калоідная хімія
  • аналітычная хімія
  • хімія комплексных злучэнняў
  • хімія і тэхналогія вады
  • хімія цвёрдага цела

Структура

[правіць | правіць зыходнік]
  • Аддзел электрахіміі і фотаэлектрахіміі неметалічных сістэм
  • Аддзел хіміі комплексных злучэнняў
  • Аддзел электрахіміі і тэхналогіі неарганічных матэрыялаў
  • Аддзел фізіка-неарганічнай хіміі
  • Аддзел гетэрафазнага сінтэзу неарганічных сістэм
  • Аддзел хіміі цвёрдага цела
  • Аддзел электрахімічнага матэрыялазнаўства і электракаталізу
  • Аддзел хімічнага і інфармацыйнага аналізу

Крыніцы

[правіць | правіць зыходнік]
  1. ↑ Постанова Президії НАН України № 305 від 13.10.2021 «Про відзначення 90-річчя від дня заснування Інституту загальної та неорганічної хімії ім. В. І. Вернадського НАН України»

Спасылкі

[правіць | правіць зыходнік]
Узята з "https://be.wikipedia.org/w/index.php?title=Інстытут_агульнай_і_неарганічнай_хіміі_імя_У._І._Вярнадскага_НАН_Украіны&oldid=4828100"