Інстытут геалагічных навук НАН Украіны

Інстытут геалагічных навук Нацыянальнай акадэміі навук Украіны
Міжнародная назва	Institute of Geological Science of the National Academy of Sciences of Ukraine
Дата заснавання	1926
Дырэктар	Стэла Барысаўна Шахунова
Юрыдычны адрас	Украіна, 01054 Кіеў, вул. Алеся Ганчара, 55-б
Сайт	igs-nas.org.ua

Інстытут геалагічных навук НАН Украіны — навукова-даследчая ўстанова ў складзе Аддзялення навук аб Зямлі Нацыянальнай акадэміі навук Украіны, займаецца навуковымі даследаваннямі ў галіне геалогіі і карысных выкапняў.

Гісторыя

У 1926 годзе ў Кіеве быў заснаваны Украінскі навукова-даследчы геалагічны інстытут Народнага камісарыята асветы УССР. У 1927 г. у Кіеве быў створаны Нацыянальны геалагічны музей УССР. У 1930 г. Украінскі навукова-даследчы геалагічны інстытут быў перададзены Акадэміі навук УССР, а з 1934 г., пасля аб’яднання з музеем, установа атрымала назву Інстытут геалогіі АН УССР.

У 1930-1940-х гадах інстытут займаецца пытаннямі пашырэння мінеральна-сыравіннай базы і комплекснага вывучэння прыродных рэсурсаў Украіны.

Сваю сучасную назву інстытут мае з 1939 г.

У пасляваенныя гады Інстытут з’яўляецца міжведамасным каардынацыйным цэнтрам у галіне геалогіі, які спрыяе адраджэнню і развіццю дзяржаўнай геалагічнай службы ва Украіне.

Значную ролю адыграў інстытут у развіцці новых навуковых напрамкаў, арганізацыі геалагічных даследаванняў і падрыхтоўцы навуковых кадраў. На базе яго аддзелаў і лабараторый былі створаны самастойныя навуковыя ўстановы Акадэміі навук Украіны, а менавіта:

• Інстытут геалогіі і геахіміі гаручых выкапняў НАН Украіны
• Інстытут геафізікі імя С. І. Субоціна НАН Украіны
• Інстытут геахіміі, мінералогіі і рудаўтварэння імя М. П. Семяненкі НАН Украіны
• Цэнтр праблем марской геалогіі, геаэкалогіі і асадкавага рудаўтварэння НАН Украіны

Структура

• Аддзяленне стратыграфіі і палеанталогіі
  • Аддзел стратыграфіі і палеанталогіі палеазойскіх адкладаў
  • Аддзел стратыграфіі і палеанталогіі мезазойскіх адкладаў
  • Аддзел стратыграфіі і палеанталогіі кайназойскіх адкладаў
• Аддзяленне агульнай геалогіі
  • Аддзел геалогіі антрапагену
  • Аддзел геаэкалогіі і пошукавых даследаванняў
  • Аддзел геалогіі карысных выкапняў
  • Аддзел геалогіі і геаэкалогіі Антарктыкі
• Аддзяленне паліўна-энергетычнага комплексу
  • Аддзел геалогіі нафты і газу
  • Аддзел геалогіі вугальных радовішчаў
• Аддзяленне гідрагеалогіі і інжынернай геалогіі
  • Аддзел гідрагеалагічных праблем
  • Аддзел аховы падземных вод
  • Аддзел інжынернай геалогіі
  • Лабараторыя фізічных метадаў даследаванняў
• Аддзяленне літалогіі, геалогіі мораў і акіянаў
  • Аддзел сучаснага марскога седыментагенезу
  • Аддзел літалогіі
• Навуковы цэнтр аэракасмічных даследаванняў Зямлі

Спасылкі

• Сайт інстытута