Інстытут праблем бязпекі атамных электрастанцый НАН Украіны

Інстытут праблем бязпекі атамных электрастанцый Нацыянальнай акадэміі навук Украіны
Міжнародная назва	Institute for Safety Problems of Nuclear Power Plants of the National Academy of Sciences of Ukraine
Дата заснавання	1992
Дырэктар	Анатоль Уладзіміравіч Насоўскі
Юрыдычны адрас	Украіна, 03028 Кіеў, Лысагорская вул., 12 / 07270 Чарнобыль, вул. Кірава, 36а
Сайт	ispnpp.kiev.ua

Інстытут праблем бязпекі атамных электрастанцый НАН Украіны — навукова-даследчая ўстанова ў складзе Аддзялення энергетыкі і энергетычных тэхналогій Нацыянальнай акадэміі навук Украіны, займаецца навуковымі даследаваннямі ў галіне бяспечнага выкарыстання ядзернай энергіі і ядзерных тэхналогій у мірных мэтах, фізікі ядзерных рэактараў і радыеэкалогіі.

Гісторыя

Гісторыя стварэння Інстытута праблем бяспекі атамных электрастанцый Нацыянальнай акадэміі навук Украіны бярэ пачатак ад аварыі, якая адбылася 26 красавіка 1986 г. на чацвёртым энергаблоку Чарнобыльскай атамнай электрастанцыі.

У першыя дні траўня 1986 г. у Чарнобылі была створана аператыўная група Інстытута атамнай энергіі імя І. В. Курчатава (ІАЭ), якая выконвала функцыі навуковага кіраўніцтва работ па ліквідацыі наступстваў аварыі. Асноўнымі навуковымі напрамкамі дзейнасці гэтай групы былі: даследаванне разбуранага блока, ацэнка ступені ядзернай і радыяцыйнай небяспекі, распрацоўка рэкамендацый па іх зніжэння; вызначэнне колькасці і складу радыеактыўнасці ў выкідзе падчас актыўнай стадыі аварыі, а таксама выпрацоўка (распрацоўка) рэкамендацый па дэзактывацыі збудаванняў і тэрыторый.

У сярэдзіне траўня 1986 г. урадавая камісія прыняла рашэнне аб доўгачасовай кансервацыі разбуранага энергаблока з мэтай прадухілення выкіду радыенуклідаў у навакольнае асяроддзе і памяншэння ўздзеяння пранікальнай радыяцыі на пляцоўцы Чарнобыльскай АЭС. Міністэрства сярэдняга машынабудавання СССР (Мінсярэдмаш) было зацверджана генеральным падрадчыкам па выкананні работ, звязаных з кансервацыяй чацвёртага энергаблока Чарнобыльскай АЭС, а навуковае кіраўніцтва працамі даручана ІАЭ імя І. В. Курчатава.

На працягу ўсяго перыяду праектавання і будаўніцтва аб’екта «Укрыццё» ІАЭ ажыццяўляў навуковае кіраўніцтва даследчымі працамі і забяспечваў праектантаў і будаўнікоў неабходнымі разлікамі і іншымі матэрыяламі.

Улічваючы неабходнасць навуковага суправаджэння эксплуатацыі аб’екта «Укрыццё», намеснік дырэктара ІАЭ акадэмік Валерый Аляксеевіч Лягасаў выступіў з ініцыятывай аб арганізацыі ў Чарнобылі комплекснай экспедыцыі Інстытута. Загадам Мінсярэдмашу СССР у канцы 1987 г. для забеспячэння навуковага і праектнага суправаджэння аб’екта «Укрыццё», правядзення і каардынацыі навукова-даследчых работ, якія выконваліся ў зоне Чарнобыльскай АЭС, была створана Комплексная экспедыцыя ІАЭ імя І. В. Курчатава.

Асноўнымі задачамі комплекснай экспедыцыі сталі: правядзенне навуковых даследаванняў па забеспячэнні бяспечнага стану аб’екта «Укрыццё» і падрыхтоўка рэкамендацый для ўдасканалення сістэм кантролю; вывучэнне радыяцыйнага стану ў кантраляванай зоне; арганізацыя і выкананне канструктарскіх і праектных работ; выкананне будаўніча-мантажных работ і забеспячэнне навуковых даследаванняў.

Пасля здабыцця Украінай незалежнасці кіраўніцтва Расійскага навуковага цэнтра (РНЦ) «Курчатаўскі інстытут» у асобе яго прэзідэнта акадэміка Яўгена Паўлавіча Веліхава сумесна з віцэ-прэзідэнтам АН Украіны акадэмікам Віктарам Рыгоравічам Бар’яхтарам вылучылі прапанову аб стварэнні ў Чарнобылі Міжгаліновага навукова-тэхнічнага цэнтра «Укрыццё» ў сістэме АН Украіны, які мог бы ўзяць на сябе функцыі комплекснай экспедыцыі Курчатаўскага інстытута. У адпаведнасці з пастановай Кабінета Міністраў Украіны № 55 ад 4 лютага 1992 г. быў створаны Міжгаліновы навукова-тэхнічны цэнтр (МНТЦ) «Укрыццё» Нацыянальнай акадэміі навук (НАН) Украіны, якому была перададзена ўся матэрыяльная, лабараторная і навуковая база комплекснай экспедыцыі.

З 1992 г. на МНТЦ «Укрыццё» былі ўскладзены функцыі навуковага кіраўніка і генеральнага праекціроўшчыка работ па пераўтварэнні аб’екта «Укрыццё» ў экалагічна бяспечную сістэму, а з 1993 г. — і функцыі навуковага кіраўніка работ па зняцці з эксплуатацыі энергаблокаў Чарнобыльскай АЭС.

У 2004 г. МНТЦ «Укрыццё» быў пераўтвораны ў Інстытут праблем бязпекі атамных электрастанцый НАН Украіны.

Структура

• Аддзяленне атамнай энергетыкі
  • Аддзел бязпекі ядзерных установак
  • Аддзел радыяцыйнай экалогіі
• Аддзяленне праектавання аб’ектаў з радыяцыйна-ядзернымі тэхналогіямі
  • Аддзел аналізу бяспекі радыяцыйна-небяспечных аб’ектаў
  • Аддзел зняцця з эксплуатацыі АЭС
  • Аддзел будаўнічых тэхналогій і канструкцый
• Аддзяленне ядзернай і радыяцыйнай бязпекі
  • Аддзел радыяцыйнага маніторынгу
  • Аддзел ядзернай бязпекі
  • Аддзел радыяцыйнага матэрыялазнаўства і радыяцыйнага прыладабудавання

Спасылкі

• Сайт інстытута