Беларускі інстытут навукі і мастацтва ў Нью-Ёрку
| Беларускі інстытут навукі і мастацтва | |
|---|---|
 | |
| Абрэвіятура | БІНіМ |
| Адміністрацыйны цэнтр | Нью-Ёрк, ЗША |
| Юрыдычны статус | грамадскае аб’яднанне |
| Тып арганізацыі | выдавецтва |
| Дзейнічае ў рэгіёнах | ЗША, Канада, Германія |
| Кіраўнікі | |
| Старшыня | Юрка Кіпель |
| Заснаванне | |
| Дата заснавання | 16 снежня 1951 (74 гады таму) |
Беларускі інстытут навукі і мастацтва (БІНіМ) у Нью-Ёрку (альтэрн.: Беларускі інстытут навукі й мастацтва, англ.: Belarusian Institute of Arts and Sciences) — грамадская навукова-культурная арганізацыя беларускай эміграцыі ў ЗША.
Заснаваны 16 снежня 1951 года, зарэгістраваны 13 жніўня 1953 года як арганізацыя са штаб-кватэрай у Нью-Ёрку з правам дзейнасці на ўсёй тэрыторыі ЗША. Мае філіялы ў Германіі (Мюнхен, з 1955) і Канадзе (Таронта, з 1967).
Друкаваны орган — навуковы штогоднік «Запісы» (выдаецца з 1952). Станам на люты 2026 года выйшлі 44 выпускі «Запісаў». У 1954—1963 гадах выдаваў літаратурна-мастацкі часопіс «Конадні», у 1953—1969 — інфармацыйны часопіс «Абежнік».
Інстытут падтрымлівае сувязі з многімі бібліятэкамі свету, асабліва з Публічнай бібліятэкай у Нью-Ёрку. З канца 1980-х гадоў інстытут наладжвае кантакты з арганізацыямі Беларусі[1].
Інстытут узначальвалі[2]:
- Уладзімір Тамашчык (1951—1952);
- Янка Ліманоўскі (1952—1955);
- Вітаўт Тумаш (1955—1982);
- Вітаўт Кіпель (1982—2022);
- Юрка Кіпель (з 2023).
Сярод правадзейных членаў БІНіМа Леў Акіншэвіч.
У розныя гады колькасць членаў БІНіМ вагалася ад 100 да 200 чалавек. З 1990-х гадоў у БІНіМ працуюць і тутэйшыя навукоўцы з метраполіі[3].
Крыніцы
[правіць | правіць зыходнік]Літаратура
[правіць | правіць зыходнік]- Энцыклапедыя гісторыі Беларусі. Т. 1. — Мн., 1993. — С.433-434.
- Беларуская энцыклапедыя. Т. 2. — Мн., 1996. — С.444-445.
Спасылкі
[правіць | правіць зыходнік]- Альманах «Запісы БІНіМ» // Кнігі поштай
