Перайсці да зместу

Беларуская суполка RAZAM

З Вікіпедыі, свабоднай энцыклапедыі
Беларуская суполка RAZAM e.V.
Краіна
Адміністрацыйны цэнтр Берлін, Германія[1]
Адрас Karl-Marx-Allee 1 10178 Berlin
Тып арганізацыі некамерцыйная арганізацыя і група інтарэсаў
Афіцыйныя мовы беларуская і нямецкая
Кіраўнікі
1 старшыня Марыя Рудзь[2]
2 старшыня Бэрбель Хайдэ Уль[2]
Скарбніца Лена Борыс[2]
Заснаванне
Дата заснавання 9 жніўня 2020
Колькасць членаў 270[3]
Член у
razam.de (ням.)
razam.de/be-by (бел.)
Лагатып Вікісховішча Медыяфайлы на Вікісховішчы

Беларуская суполка RAZAM e.V. — некамерцыйнае аб’яднанне (зарэгістраванае таварыства ням.: eingetragener Verein).

Пазіцыянуе сябе як першае і найбуйнейшае агульнанацыянальнае прадстаўніцтва інтарэсаў людзей з Беларусі, што жывуць у Германіі, а таксама адкрытае для сяброў Беларусі.[4][5]

Назва

[правіць | правіць зыходнік]

Поўная назва арганізацыі па-нямецку — Belarusische Gemeinschaft «RAZAM» e.V. («Беларуская суполка „RAZAM“»).[6] Назва RAZAM адсылае да беларускага слова «разам».[4]

Гісторыя

[правіць | правіць зыходнік]

Аб’яднанне заснавана 9 жніўня 2020 года — у дзень прэзідэнцкіх выбараў у Беларусі 2020 года.[5] У афіцыйных матэрыялах RAZAM стварэнне арганізацыі тлумачыцца ўплывам падзей 2020 года і актывізацыяй беларускай супольнасці ў Германіі.[4]

На агульным сходзе 21 лютага 2023 года быў абраны новы склад рады (пашыранага праўлення), у тым ліку 1-й старшынёй — Юлія Салаўёва, 2-й старшынёй — Іна Румянцава; у склад таксама ўвайшлі іншыя сябры рады (асэсары).[7] 21 лютага 2025 года быў абраны новы склад праўлення на двухгадовы тэрмін на чале з Марыяй Рудзь; з меркаванняў бяспекі арганізацыя паведамляе, што не ўсе члены пашыранага праўлення называюцца публічна.[2]

Прававы статус і статутныя мэты

[правіць | правіць зыходнік]

Згодна са статутам, RAZAM мае сядзібу ў Берліне і дзейнічае на федэральным узроўні ў Германіі; арганізацыя дэкларуецца як палітычна, этнічна і канфесійна нейтральная.[6] Фінансавы год супадае з каляндарным годам.[6]

Статут вызначае арганізацыю як такую, што мае дабрачынныя і грамадска карысныя мэты; у ліку мэт — дапамога палітычна, расава або рэлігійна пераследаваным, уцекачам, вымушана перамешчаным асобам, людзям з інваліднасцю і ахвярам злачынстваў, падтрымка мастацтва і культуры, народнай і прафесійнай адукацыі, роўнасці жанчын і мужчын, развіццё талерантнасці і ўзаемаразумення, а таксама падтрымка грамадзянскай актыўнасці ў адпаведных сферах.[6]

Арганізацыя і структура

[правіць | правіць зыходнік]

Паштовы адрас аб’яднання пазначаны як Karl-Marx-Allee 1, 10178 Berlin; у гэтым жа раздзеле афіцыйнага сайта падаюцца звесткі пра рэгістрацыю ў рэестры таварыстваў (Amtsgericht Charlottenburg, VR38674 B).[1] Дзейны «прадстаўнічы» склад праўлення на сайце арганізацыі ўключае 1-ю старшыню Марыю Рудзь, 2-ю старшыню д-ра Бэрбель Хайдэ Уль і скарбніцу Лену Борыс.[1][2]

Арганізацыя мае рэгіянальныя групы; на афіцыйнай старонцы пералічваюцца, у прыватнасці, групы ў Берліне і Брандэнбургу, Саксоніі, Паўночным Рэйне—Вестфаліі, Брэмене, Гамбургу, Баварыі, Гесэне, Саарландзе і Ніжняй Саксоніі.[8] У матэрыялах арганізацыі ў 2022 адзначалася наяўнасць больш як 270 сяброў (членаў) у розных федэральных землях Германіі.[9]

Членства і фінансаванне

[правіць | правіць зыходнік]

RAZAM пазіцыянуе сяброўства як адкрытае для людзей, якія падзяляюць мэты арганізацыі; у публікацыях згадваецца колькасць сяброў «больш за 270» (канец 2021 года) і «больш за 250» (пачатак 2023 года).[10]

Паводле апісання на платформе vostel.de, RAZAM фінансуе дзейнасць пераважна праз праектныя гранты дзяржаўных і прыватных фондаў, а таксама праз індывідуальныя ахвяраванні; там жа падаюцца ацэнкі колькасці супрацоўнікаў і валанцёраў (адпаведна 8 і 15).[11]

Дзейнасць

[правіць | правіць зыходнік]

У статуце як формы рэалізацыі мэт называюцца публічныя мерапрыемствы (лекцыі, варкшопы, чытанні), супрацоўніцтва з ініцыятывамі з падобнымі мэтамі, інфармаванне пацярпелых пра правы, збор ахвяраванняў і падтрымка асоб у складаных жыццёвых сітуацыях (у тым ліку праз бясплатныя кансультацыі і матэрыяльную дапамогу), а таксама садзейнічанне сацыяльнай, культурнай і іншай інтэграцыі.[6]

Згодна з інфармацыяй праекта Haus der Statistik, RAZAM з 2021 года выкарыстоўвае там памяшканні і рэгулярна праводзіць канцэрты, выставы і чытанні з удзелам мастакоў і актывістаў з Беларусі.[12] У тым жа апісанні адзначаецца, што ў 2022 годзе ў межах «Salon Ukraine» на тэрыторыі Haus der Statistik арганізоўваліся дапамога і прастора для людзей, якія ўцяклі ад вайны ва Украіне, а таксама збор рэчаў для гуманітарных перавозак.[12]

У сакавіку 2026 года па ініцыятыве супольнасці RAZAM экспанаты беларускага музея ў нямецкім горадзе Ляймен, створанага ў 1982 годзе эмігрантам Юрыем Попкам, былі перавезены ў Віленскі беларускі музей імя Івана Луцкевіча[13][14].

Узнагароды

[правіць | правіць зыходнік]

23 мая 2023 года суполка RAZAM была ўзнагароджана Грамадзянскай прэміяй СДПГ імя Густава Хайнэмана.[15][16]

Рэакцыя беларускіх уладаў

[правіць | правіць зыходнік]

Летам 2023 года суд Чыгуначнага раёна Гомеля прызнаў старонкі суполкі і яе рэгіянальных груп у Instagram экстрэмісцкімі матэрыяламі; пра гэта паведамлялася ў «Рэспубліканскім спісе экстрэмісцкіх матэрыялаў».[17] У 2025 года Телеграм-канал і сайт суполкі былі дабаўлены да «Рэспубліканскага спіса экстрэмісцкіх матэрыялаў».[18]

Гл. таксама

[правіць | правіць зыходнік]

Крыніцы

[правіць | правіць зыходнік]
  1. 1 2 3 Impressum (ням.). RAZAM. Праверана 31 студзеня 2026.
  2. 1 2 3 4 5 Vorstand (ням.). RAZAM. Праверана 31 студзеня 2026.
  3. ↑ https://razam.de/about/mitgliedschaft/
  4. 1 2 3 RAZAM – Belarusische Gemeinschaft RAZAM e.V. (ням.). RAZAM. Праверана 31 студзеня 2026.
  5. 1 2 Belarus-Aktivisten aus Berlin-Pankow: „Eine Stimmung wie zum Ende der DDR“ (ням.). Der Tagesspiegel (9 снежня 2020). Праверана 31 студзеня 2026.
  6. 1 2 3 4 5 Статут асацыяцыі (Vereinssatzung @BY) . RAZAM (1 чэрвеня 2023). Праверана 31 студзеня 2026.
  7. ↑ Абрана новая пашыраная рада RAZAM e.V. . RAZAM (1 сакавіка 2023). Праверана 31 студзеня 2026.
  8. ↑ Рэгіянальныя групы . RAZAM (28 снежня 2022). Праверана 31 студзеня 2026.
  9. ↑ RAZAM Fact Sheet (ням.). RAZAM (ліпень 2022). Праверана 31 студзеня 2026.
  10. ↑ Стаць сябрам . RAZAM. Праверана 31 студзеня 2026.
  11. ↑ Belarusische Gemeinschaft RAZAM e.V. (ням.). vostel.de. Праверана 31 студзеня 2026.
  12. 1 2 RAZAM e.V. // Belarusische Gemeinschaft (ням.). Haus der Statistik. Праверана 31 студзеня 2026.
  13. ↑ Віленскі беларускі музей імя Луцкевіча папоўніўся калекцыяй Юрыя Попкі
  14. ↑ Выратаваная культурная спадчына: Беларускі музей з Ляймена цяпер у Вільні
  15. ↑ REGINE-HILDEBRANDT-PREIS — GUSTAV-HEINEMANN-BÜRGERPREIS — WILHELM-DRÖSCHER-PREIS: DIE PREISTRÄGER:INNEN 2023 (ням.). SPD (17 мая 2023). Праверана 31 студзеня 2026.
  16. ↑ Уручэнне прэміі імя Густава Хайнемана 2023 . RAZAM. Праверана 31 студзеня 2026.
  17. ↑ Республиканский список экстремистских материалов (руск.). sb.by (19 верасня 2023). Праверана 31 студзеня 2026.
  18. ↑ Республиканский список экстремистских материалов 2025 г. (руск.). sb.by (29 снежня 2025). Праверана 31 студзеня 2026.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Беларуская_суполка_RAZAM&oldid=5120921"