Беларуская суполка RAZAM
| Беларуская суполка RAZAM e.V. | |
|---|---|
| Краіна | |
| Адміністрацыйны цэнтр | |
| Адрас | Karl-Marx-Allee 1 10178 Berlin |
| Тып арганізацыі | група інтарэсаў |
| Афіцыйныя мовы | беларуская і нямецкая |
| Кіраўнікі | |
| 1 старшыня | Юлія Салаўёва[1] |
| 2 старшыня | Марыя Рудзь |
| Скарбнік | Яўген Федаровіч |
| Заснаванне | |
| Дата заснавання | 9 жніўня 2020 |
| Колькасць членаў | 270[2] |
| Член у | |
| razam.de (ням.) razam.de/be-by (бел.) |
|
Беларуская суполка RAZAM e.V. — некамерцыйнае аб’яднанне, з’яўляецца першым і найбуйнейшым агульнанацыянальным прадстаўніцтвам інтарэсаў беларусаў Германіі.
Мэты[правіць | правіць зыходнік]
Аб’яднанне было афіцыйна заснавана 9 жніўня 2020 года, у дзень прэзідэнцкіх выбараў у Беларусі, якія суправаджаліся фальсіфікацыямі.[3]
Афіцыйныя мэты RAZAM e.V:[3]
- Прадстаўляць інтарэсы беларускай дыяспары ў Германіі
- Падтрымліваць беларускую мову і культуру
- Вывесці Беларусь у поле зроку нямецкай і еўрапейскай грамадскасці
- Быць моцным лобі дэмакратычнай Беларусі
- Дапамагаць ахвярам рэпрэсій
Дзейнасці[правіць | правіць зыходнік]
Аб’яднанне дапамагае ахвярам міліцэйскага гвалту, бежанцам і іншым ахвярам палітычных рэпрэсій з Беларусі.[4] Сярод іншага, RAZAM e.V. збірае ахвяраванні, распаўсюджвае інфармацыю або кантактуе з урадамі краін Еўрасаюза.[5]
RAZAM e.V. падтрымлівае сем’і палітвязняў у Беларусі ахвяраваннямі.[6] На Каляды 2021 і 2022 гадоў аб’яднанне таксама арганізавала збор ахвяраванняў на калядныя падарункі для дзяцей палітвязняў.[7] Ахвяры паліцэйскага гвалту або катаванняў таксама атрымліваюць падтрымку ў тым, каб трапіць у Германію на лячэнне.[8]
У Германіі RAZAM e.V. суправаджае беларускіх уцекачоў у іх пошуках прававой дапамогі па хадайніцтвах аб прадастаўленні прытулку або дапамагае ахвяраваннямі на забеспячэнне сродкаў да існавання сем’ям, якія не маюць права працаваць і не маюць права на дзяржаўную падтрымку.[9]
Адна з ініцыятыў асацыяцыі была засяроджана на зборы ахвяраванняў для беларускіх уцекачоў ва Украіне ў супрацоўніцтве з мясцовай грамадскай арганізацыяй «Free Belarus Center».[10] Пасля расійскага ўварвання ва Украіну RAZAM e.V. другі раз дапамог беларускім эмігрантам уцячы з Украіны. У сакавіку 2022 г. ініцыятыва перайшла на падтрымку беларускіх уцекачоў ад вайны ў Польшчы.[11] Пасля пачатку вайны аб’яднанне дапамагала збіраць дапамогу Украіне. З гэтай мэтай RAZAM e.V. адкрыла ў Берліне склад для забеспячэння бежанцаў адзеннем і гарачым харчаваннем.[12] Яшчэ адна ініцыятыва RAZAM e.V. прысвечана падтрымцы груп размініравання ва Украіне.[13]
Суполка дапамагае арганізоўваць і каардынаваць акцыі супраць рэжыму Лукашэнкі ў Германіі, а таксама арганізоўваць канцэрты і мастацкія выставы.[14][15]
Узнагароды[правіць | правіць зыходнік]
23 мая 2023 г. беларуская суполка RAZAM была ўзнагароджана Грамадзянскай прэміяй СДПГ імя Густава Хайнэмана.[16][17]
Рэакцыя беларускіх уладаў[правіць | правіць зыходнік]
Летам 2023 года суд Чыгуначнага раёна Гомеля прызнаў старонкі суполкі і яе рэгіянальных груп у Instagram экстрэмісцкімі матэрыяламі[18].
Крыніцы[правіць | правіць зыходнік]
- ↑ Рада згуртаваньня RAZAM
- ↑ https://razam.de/about/mitgliedschaft/
- ↑ а б Што намі рухае
- ↑ В Германии лечат пострадавших во время протестов белорусов
- ↑ Opozycjonista o Łukaszence: «Coraz bardziej nieobliczalny»
- ↑ Solidarity from Berlin to Minsk
- ↑ Aktion «Weihnachtswunder»: Päckchen für Kinder in Belarus(недаступная спасылка). Архівавана з першакрыніцы 1 лютага 2023. Праверана 1 жніўня 2023.
- ↑ В Германии лечат пострадавших во время протестов белорусов
- ↑ One year on: Still fighting for Belarus
- ↑ Raus aus Belarus
- ↑ ДАПАМОГА ЎЦЕКАЧАМ З БЕЛАРУСІ Ў ПОЛЬШЧЫ
- ↑ Geflüchtete in Berlin: «Wir haben unterwegs so schreckliche Dinge gesehen»
- ↑ МІНАШУКАЛЬНІКІ І ПРЫБОРЫ РАЗМІНІРАВАННЯ ДЛЯ УКРАІНЫ
- ↑ Signale aus Deutschland gegen Lukaschenko
- ↑ Proteste gegen «Terrorist»: Über 100 Münchner gehen gegen Lukaschenko auf die Straße
- ↑ REGINE-HILDEBRANDT-PREIS — GUSTAV-HEINEMANN-BÜRGERPREIS — WILHELM-DRÖSCHER-PREIS: DIE PREISTRÄGER:INNEN 2023
- ↑ Уручэнне прэміі імя Густава Хайнемана 2023
- ↑ сегодня, СБ-Беларусь. Республиканский список экстремистских материалов (руск.). www.sb.by (19 верасня 2023). Праверана 24 верасня 2023.
Спасылкі[правіць | правіць зыходнік]
- Афіцыйны сайт
- Беларусы Нямеччыны: Спадзяёмся нашымі праектамі і сувязямі даць беларусам удома магчымасць не здавацца
