Галіна Уладзіміраўна Палянская

Галіна Уладзіміраўна Палянская
Дата нараджэння	10 чэрвеня 1950(1950-06-10) (74 гады)
Месца нараджэння	Сталінград, Сталінградская вобласць, РСФСР, СССР
Грамадзянства	Беларусь
Альма-матар	архітэктурны факультэт БНТУ Славацкі тэхнічны ўніверсітэт у Браціславе
Месца працы	архітэктурны факультэт БНТУ Мінскпраект
Навуковая ступень	кандыдат архітэктуры
Навуковае званне	дацэнт
Член у	Беларуская партыя «Белая Русь» Беларускі саюз архітэктараў
Узнагароды	ганаровая грамата Нацыянальнага сходу Рэспублікі Беларусь Ганаровая грамата Мінскага гарадскога выканаўчага камітэта[d] Ганаровая грамата Мінаблвыканкама[d] Мінчук года[d]

Галіна Уладзіміраўна Палянская (нар. 10 чэрвеня 1950, г. Валгаград, РСФСР) — беларускі архітэктар. Кандыдат архітэктуры, дацэнт.

Біяграфія

Скончыла БПІ, аспірантуру Славацкай вышэйшай тэхнічнай школы. Працавала архітэктарам у праектным інстытуце «Мінскпраект»; асістэнтам, старэйшым выкладчыкам, дацэнтам кафедры «Горадабудаўніцтва», намеснікам дэкана, дэканам архітэктурнага факультэта БПІ (пасля БНТУ).

З 2004 года дэпутат Палаты прадстаўнікоў Нацыянальнага сходу Рэспублікі Беларусь. Старшыня пастаяннай камісіі па жыллёвай палітыцы, будаўніцтве, гандлі і прыватызацыі Палаты Прадстаўнікоў Нацыянальнага сходу Рэспублікі Беларусь. Кіраўнік дэлегацыі Нацыянальнага сходу Рэспублікі Беларусь у Міжпарламенцкай асамблеі праваслаўя, старшыня камісіі па адукацыі ў Міжпарламенцкай асамблеі праваслаўя, кіраўнік рабочай групы Нацыянальнага сходу Рэспублікі Беларусь па супрацоўніцтве са славацкім парламентам, член рабочай групы Нацыянальнага сходу Рэспублікі Беларусь па працы з нямецкім парламентам.

Грамадская дзейнасць

Член горадабудаўнічага савета Камітэта архітэктуры Мінгарвыканкама, намеснік старшыні Мінскай гарадской арганізацыі грамадскага аб'яднання «Белая Русь», член Савета Беларускага саюза архітэктараў.

Узнагароды

Узнагароджана медалём «За працоўныя заслугі» (6 снежня 2011), ордэнам прападобнай Ефрасінні Полацкай (20 кастрычніка 2020), медалём ордэна прападобнай Ефрасінні Полацкай Беларускай праваслаўнай царквы, Ганаровымі граматамі Нацыянальнага сходу Рэспублікі Беларусь, Мінгарвыканкама, Мінаблвыканкама. Ганаравана званнем «Мінчук года». Мае падзяку Прэзідэнта Рэспублікі Беларусь.

Літаратура

• Полянская Галина Владимировна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)