VAPE
| VAPE | |
|---|---|
 | |
| Краіна паходжання | |
| Вытворца | Panhard[d] і Рэно |
| Рухавік | дызельны рухавік |
| Усяго выраблена | 2 |
 Медыяфайлы на Вікісховішчы | |
Vehículo Anfibio Pesado de Exploración (VAPE, «Цяжкая вопытная машына-амфібія») — праект колавай разведвальнай машыны-амфібіі, распрацаванай французскімі кампаніямі Renault і Panhard для Аргенціны ў 1970-х гадах.
Гісторыя
[правіць | правіць зыходнік]У студзені 1979 г. дзяржаўная кампанія TAMSE[1] замовіла французскім фірмам Renault і Panhard стварэнне прататыпаў разведвальнай машыны для аргенцінскай арміі[2]. У рамках праекта былі распрацаваны браневікі VAE і VAPE
У той час Аргенціна не мела развітой дарожнай сеткі і патрабавала хуткай, лёгкай ваеннай тэхнікі. VAE/VAPE былі распрацаваны менавіта з улікам гэтага.
Кантракт прадугледжваў пабудову 1000 адзінак, якія меркавалася сабраць на заводзе TENSA ў Кордаве. У 1979 і 1980 гадах першыя прататыпы былі перададзены на выпрабаванні ў Інстытут навукова-тэхнічных даследаванняў абароны[3]. Хоць выпрабаванні прайшлі паспяхова, але дзеючы рэжым быў уцягнуты ў Брудную вайну, і праз фінансавыя цяжкасці праект прыпынілі.
Апісанне
[правіць | правіць зыходнік]VAPE мае аддзяленне кіравання спераду і баявое аддзяленне ў сярэдняй частцы машыны. Корпус герметычны, выкананы са сталёвай броні. Штатны экіпаж складаецца з трох чалавек: камандзіра, механіка-кіроўцы і наводчыка. Вежа размешчана за маторным адсекам, у цэнтры корпуса. Транспартны сродак абсталяваны сістэмамі абароны РХБ, кандыцыянерам і вогнетушыцелямі. Узброены 90-мм гарматай GIAT F4, размешчанай у аргенцінскай вежы SAMM-TAMSE-TENSA AR90, з боекамплектам 20 стрэлаў. Пачатковая хуткасць снарада — 1500 м/с. Акрамя таго, машына мае два 7,62-мм кулямёта з 1000 стрэлаў і дымавыя гранатамёты, размешчаныя па абодва бакі ад вежы[4].
Варыянты
[правіць | правіць зыходнік]- VAPE-1 (6×6) – варыянт ад Renault.
- VAPE-2 (6×6) – варыянт ад Panhard.
Крыніцы
[правіць | правіць зыходнік]- ↑ Tanque Argentino Mediano S.E. (TAMSE). Military. GlobalSecurity.org. Архівавана з першакрыніцы 26 кастрычніка 2020. Праверана 15 жніўня 2021.
- ↑ Fogliani, Ricardo (1997). Blindados argentinos, uruguayos y paraguayos [Argentine, Uruguayan and Paraguayan armored vehicles](ісп.). Buenos Aires: Ayer y Hoy. p. 69–71. ISBN 987-95832-7-2. OCLC 38157439.
- ↑ Fogliani, Ricardo (1997). Blindados argentinos, uruguayos y paraguayos [Argentine, Uruguayan and Paraguayan armored vehicles](ісп.). Buenos Aires: Ayer y Hoy. p. 69–71. ISBN 987-95832-7-2. OCLC 38157439.
- ↑ Vehiculos olvidados del ejercito argentino, VAPE (ісп.). Taringa! (27 мая 2012). Архівавана з першакрыніцы 5 мая 2021. Праверана 15 жніўня 2021.
Літаратура
[правіць | правіць зыходнік]- Piñeiro, Luis F. (August 2006). "VAE-VAPE". Ares World Defense Security(ісп.). No. 3. Buenos Aires. ISSN 1669-7332.
.svg){kind=small}
.svg){kind=small}
