Беларуска-непальскія адносіны

З пляцоўкі Вікіпедыя
Jump to navigation Jump to search

Беларуска-непальскія адносіны — дыпламатычныя адносіны паміж Рэспублікай Беларусь і Каралеўствам Непал, устаноўленыя 19 ліпеня 1993 года.

17 сакавіка 2014 г. Надзвычайны і Паўнамоцны Пасол Рэспублікі Беларусь у Рэспубліцы Індыя В. А. Прыма прызначаны Надзвычайным і Паўнамоцным Паслом Рэспублікі Беларусь у Федэратыўнай Дэмакратычнай Рэспубліцы Непал па сумяшчальніцтве з рэзідэнцыяй у г.Нью-Дэлі. У жніўні 2000 года Міністэрствам замежных спраў Рэспублікі Беларусь выдадзена экзекватура Ганаровага консула Каралеўства Непал у Рэспубліцы Беларусь падданаму Каралеўства Непал Упендра Махата.

24 лістапада 2009 г. Аджэя Радж Сумаргі Параджулі прызначаны Ганаровым консулам Рэспублікі Беларусь у г.Катманду. Для развіцця міжпарламенцкіх сувязяў у Нацыянальным сходзе Рэспублікі Беларусь шостага склікання сфарміравана рабочая група па супрацоўніцтве з Парламентам Непала.

Устаноўлены пабрацімскія адносіны паміж г. Мiнскам і сталіцай Непала г. Катманду. Пры садзейнічанні Пасольства і ва ўзаемадзеянні з МНС Беларусі была арганізавана пастаўка гуманітарнага грузу ў Непал для пацярпелых ад землятрусу вясной 2015 года.

Аб’ём беларуска-непальскага гандлю ў 2017 годзе склаў 2 960,6 тыс. долараў, сфармаваны пераважна за кошт імпарту з Непала. У мэтах развіцця гандлёва-эканамічнага супрацоўніцтва прапрацоўваецца серыя ўзаемных візітаў дзелавых колаў дзвюх краін, у тым ліку пад эгідай Беларускай гандлёва-прамысловай палаты, пры садзейнічанні Ганаровага консула Рэспублікі Беларусь у г. Катманду А. Р. Сумаргі Параджулі і Ганаровага консула Непала ў Рэспубліцы Беларусь У. Махата.

Дагаворна-прававая аснова для развіцця культурна-гуманітарнага супрацоўніцтва знаходзіцца ў стадыі фарміравання. Бакамі разглядаецца праект Пагаднення паміж Міністэрствам адукацыі Рэспублікі Беларусь і Міністэрствам адукацыі Федэратыўнай Дэмакратычнай Рэспублікі Непал аб супрацоўніцтве ў сферы адукацыі. Кантакты ў галіне навукі і культуры з Непалам на рэгулярнай аснове не ажыццяўляюцца.