Беларускі нацыяналізм

Паэт Славамір Адамовіч, дзеяч беларускага нацыяналістычнага руху

Белару́скі нацыяналі́зм – ідэалогія, якая базуецца на прызнанні беларускай нацыі вышэйшай каштоўнасцю і яе першаснасці ў дзяржаваўтваральным працэсе. У сучасных умовах існуе пэўны спектр арганізацый, ідэалагічнай асновай якіх з'яўляецца беларускі нацыяналізм — ад умерана-кансерватыўных (Партыя БНФ, КХП-БНФ і інш.) да шавіністычных і ксенафобскіх. Значная частка беларускіх нацыяналістаў выступаюць за скасаванне саюзных адносін з Расіяй, дзяржаўнага статуса рускай мовы, умацаванне незалежнасці беларускай дзяржавы, прыняцце ў якасці дзяржаўных сімвалаў гістарычных бел-чырвона-белага сцяга і герба «Пагоня», развіццё беларускай нацыянальнай самасвядомасці.

У сродках масавай інфармацыі і ў вуснах грамадскіх дзеячаў, якія не адносяць сябе да прыхільнікаў беларускага нацыяналізму, гэтае паняцце часам набывае негатыўны сэнс, у яго ўкладваецца ідэя нацыянальнай перавагі, нацыянальнага антаганізму, русафобіі, нацыянальнай замкнёнасці.

Нацыяналізм меў папулярнасць на пачатку 1990-х гадоў на хвалі крызіса камуністычнай ідэалогіі і эканамічнага крызіса ў краіне.

Спасылкі

• Беларускі нацыяналізм. Даведнік