Суражская нізіна

З пляцоўкі Вікіпедыя
Jump to navigation Jump to search
Суражская нізіна (2001)
Суражская нізіна (1977)

Суражская нізіна — нізіна на крайнім усходзе Гарадоцкага і паўночным усходзе Віцебскага раёнаў Віцебскай вобласці Беларусі, часткова заходзіць на тэрыторыі Смаленскай вобласці Расіі.

Паверхня плоскахвалістая, ускладненая эолавымі ўзгоркамі, азёрнымі катлавінамі. Ваганні адносных вышыняў 2—3 м, у месцах развіцця дзюнавага рэльефу да 10 м.

Нізіну дрэнуе Дзвіна з прытокамі рака Каспля, рака УсвячаАўсянкай). Найбольшыя азёры — Вымна, Тыёста, Сесіта.

Пад лесам каля 30 % тэрыторыі. Карэнныя лясы іглічныя, на месцы высечак драбналістыя. На правабярэжжы Заходняй Дзвіны, ля мяжы са Смаленскай вобласцю, пераважаюць бярэзнікі і асіннікі, сустракаюцца ельнікі. На левабярэжжы Заходняй Дзвіны ўздоўж ракі растуць хвойнікі, уздоўж мяжы са Смаленскай вобласцю — асінавыя і бярозавыя лясы з дробнымі дзялянкамі ельнікаў з прымешкай ясеню, клёну, ліпы. Распаўсюджаныя балоты верхавога тыпу. Лугі мурожныя зёлкавыя, нізінныя рознатраўныя і дробнаасотавыя. Пад ворывам каля 20 % тэрыторыі.

Літаратура[правіць | правіць зыходнік]