Варта (бронеаўтамабіль)
| Варта | |
|---|---|
 | |
| Усяго выраблена | 200 |
| Даўжыня |
|
| Шырыня | 2 550 міліметр |
| Вышыня | 2 700 міліметр |
| Ride height | 400 міліметр |
 Медыяфайлы на Вікісховішчы | |
«Варта» — украінская колавая бронемашына з узмоцненай супрацьміннай абаронай на шасі МАЗ-5434[1].
Гісторыя
[правіць | правіць зыходнік]Распрацоўшчыкам бронемашыны з’яўляецца прыватная кампанія «Українська бронетехніка»[2].
Дэманстрацыйны ўзор быў упершыню прадстаўлены 7 снежня 2015 года ў Кіеве.
28 снежня 2017 года першая партыя бронемашын была перададзена Міністэрству абароны Украіны[3].
Апісанне
[правіць | правіць зыходнік]Бронемашына мае звычайную кампаноўку з пярэднім размяшчэннем рухавіка, аддзяленнем кіравання ў сярэдняй частцы, у кармавой частцы размешчана дэсантнае аддзяленне.
Корпус зварны, выраблены са сталёвых бранявых лістоў ARMOX 560 шведскай вытворчасці. Браніраванне забяспечвае абарону ад бранябойных куль 7,62 × 39 мм[4]. Дно браніравана, ніжняя частка мае V-падобную форму для павышэння супрацьміннай стойкасці, забяспечваючы абарону экіпажа ад выбуху зарада магутнасцю да шасці кілаграмаў у тратылавым эквіваленце[4].
Лабавое шкло куленепрабівальнае, складаецца з двух шклаблокаў. У бартах баявога аддзялення маецца чатыры дзверы (2 дзверы прызначаныя для кіроўцы і камандзіра машыны, яшчэ 2 вядуць у дэсантнае аддзяленне).
Першы дэманстрацыйны ўзор быў узброены 12,7-мм кулямётам НСВТ, усталяваным у адкрытай зверху вежы тыпу «карона», аднак канструкцыя бронекорпуса дазваляе ўсталёўваць на дах вежу або баявы модуль масай да 550 кг. У якасці перспектыўных варыянтаў узбраення прапанаваны вежа тыпу БПУ-1 з 14,5-мм кулямёт КПВТ і 7,62 мм спараным кулямётам ПКТ або баявы модуль з 7,62-мм або 12,7-мм кулямётам[4].
Каробка перадач 9-ступеністая механічная[5]. На першым дэманстрацыйным узоры быў усталяваны рухавік ЯМЗ магутнасцю 270 к. с., аднак на наступныя машыны разглядалася магчымасць устаноўкі рухавіка Cummins магутнасцю 300 к. с.[4]
Бронемашына абсталявана сістэмай цэнтралізаванай падпампоўкі колаў[5][4]. Шыны імпартныя, вытворчасці нямецкай кампаніі Continental AG[4].
Варыянты і мадыфікацыі
[правіць | правіць зыходнік]
- «Смерека» — 120-мм мінамёт на базе бронемашыны «Варта», у пераабсталяваным дэсантным адсеку ўсталяваны 120-мм мінамёт з боекамплектам 40 мін[6].
- «Варта-2» — дэманстрацыйны ўзор быў прадстаўлены 11 кастрычніка 2016 года на выставе ўзбраення «Зброя та безпека-2016»[7]. Маса павялічана да 17,5 тон[8].
- Санітарна-медыцынскі варыянт «Варта-2» — дэманстрацыйны варыянт быў прадстаўлены 10 кастрычніка 2017 года на выставе «Зброя та безпека-2017». Маса машыны 17 тон[5].
- «Камрат» — праект бронемашыны «Варта» на шасі грузавіка КрАЗ-5233, аб распрацоўцы якога было абвешчана ў лютым 2020 года.
Акрамя таго, у красавіку 2019 года быў прадстаўлены грузавік КрАЗ-6322 з браняванай кабінай ад бронемашыны «Варта»[9].
Крыніцы
[правіць | правіць зыходнік]- ↑ Сергій Воронков. Бронеавтомобіль «Варта» витримує підрив 6 кг заряду в тротиловому еквіваленті // газета «Народна армія» від 29 жовтня 2016
- ↑ «До минулого літа фірма „Українська бронетехніка“ називалась „Укрглавпак“ і спеціалізувалася на виробництві тари із пластмаси і оптовій торгівлі»
Аваков планує віддати півмільярда за броньовики помічнику Пашинського // «Нашi грошi» від 16 грудня 2015 - ↑ Минобороны и НГУ получили крупную партию бронеавтомобилей «Варта» Архівавана 2 студзеня 2018. // «AUTO-Consulting.UA» от 28 декабря 2017
- ↑ а б в г д е сообщение А. Б. Авакова в сети Facebook (7 декабря 2015)
- ↑ а б в Стартапи війни // газета «Прикордонник України» № 39 (5581) від 20 жовтня 2017, стор.4-5
- ↑ Сергій Воронков. Нова мобільна мінометна система розгортається за 12 секунд // «Народна армія» від 27 квітня 2017
- ↑ Чем будем давать по зубам. Репортаж с выставки «Зброя та Безпека 2016» Архівавана 6 кастрычніка 2018. // «AUTO-Consulting.UA» от 14 октября 2016
- ↑ Андрій Лисенко. Бойова машина класу MRAP — український варіант // "Народна армія" від 27 листопада 2017
- ↑ В Украине разработали новейший бронированный армейский грузовик Архівавана 12 красавіка 2019. // «AUTO-Consulting.UA» от 7 апреля 2019
.svg){kind=small}
.svg){kind=small}
