Аб’яднаны інстытут энергетычных і ядзерных даследаванняў «Сосны»: Розніца паміж версіямі
[дагледжаная версія] | [недагледжаная версія] |
Artsiom91Bot (размовы | уклад) др аўтаматычны перанос катэгорыі |
дрНяма тлумачэння праўкі |
||
Радок 42: | Радок 42: | ||
|заўвагі = |
|заўвагі = |
||
}} |
}} |
||
'''Аб'яднаны інстытут энергетычных і ядзерных даследаванняў «Сосны»''' (АІЭЯД «Сосны») — дзяржаўная навуковая ўстанова, якая знаходзіцца ў мінскім мікрараёне [[Сосны]]. З'яўляецца пераемнікам Інстытута ядзернай энергетыкі АН БССР. |
'''Аб'яднаны інстытут энергетычных і ядзерных даследаванняў «Сосны»''' (АІЭЯД «Сосны») — дзяржаўная навуковая ўстанова, якая знаходзіцца ў мінскім мікрараёне [[Сосны (Мінск)|Сосны]]. З'яўляецца пераемнікам Інстытута ядзернай энергетыкі АН БССР. |
||
== Напрамкі даследаванняў == |
== Напрамкі даследаванняў == |
Версія ад 16:02, 27 жніўня 2018
Інстытут «Сосны» | |
---|---|
Аб'яднаны інстытут энергетычных і ядзерных даследаванняў «Сосны» | |
Абрэвіятура | АІЭЯД «Сосны» |
Краіна | |
Адміністрацыйны цэнтр | Мінск, вул. Красіна, д. 99 |
Юрыдычны статус | дзяржаўная ўстанова |
Мэта | даследаванні ў галіне ядзернай фізікі |
Тып арганізацыі | навуковая |
Кіраўнікі | |
В. а. кіраўніка | Андрэй Кузьмін[1] |
Вучоны сакратар | Арцём Радкевіч[1] |
Заснаванне | |
Дата заснавання | 22 чэрвеня 1965 |
Колькасць супрацоўнікаў | 396 (2012) |
sosny.bas-net.by |
Аб'яднаны інстытут энергетычных і ядзерных даследаванняў «Сосны» (АІЭЯД «Сосны») — дзяржаўная навуковая ўстанова, якая знаходзіцца ў мінскім мікрараёне Сосны. З'яўляецца пераемнікам Інстытута ядзернай энергетыкі АН БССР.
Напрамкі даследаванняў
- Энергетыка (у тым ліку ядзерная)
- Забеспячэнне бяспекі атамных электрастанцый, якія распрацоўваюцца і эксплуатуюцца
- Энергапланаванне
- Энергетычная бяспека
- Энергазберажэнне
- Выкарыстанне другасных энергарэсурсаў
- Тэхналогія і стратэгія выкарыстання аднаўляльных крыніц энергіі ў краіне, у тым ліку на забруджаных радыенуклідамі тэрыторыях.
- Тэхналогіі мінімізацыі тэхнагеннай рызыкі.
- Фізіка і хімія ўзаемадзеяння выпрамянення з рэчывам
- Фізічныя, хімічныя, біялагічныя метады даследавання і тэхналогіі атрымання новых рэчываў і матэрыялаў з выкарыстаннем радыяцыйнага ўздзеяння.
- Ядзерная фізіка і радыяцыйныя тэхналогіі.
Гісторыя
Інстытут быў створаны ў 1965 годзе як НДІ ядзернай энергетыкі АН БССР. Першым дырэктарам Інстытута быў акадэмік Андрэй Капітонавіч Красін, адзін са стваральнікаў першай у свеце АЭС у Обнінску. У 1962 годзе на навукова-даследчай пляцоўцы быў уведзены ў эксплуатацыю ядзерны рэактар ІРТ-2000. Аб'ект лічыўся стратэгічным, таму яго ахову забяспечваў КДБ. Недалёка ад інстытута размясціліся ваенныя часці Пагранічных войскаў. Ад 2001 да 2004 генеральным дырэктарам аб'яднанага інстытута быў Аляксандр Міхалевіч[2]. У 2002 годзе Інстытут праблем энергетыкі НАН Беларусі, Інстытут радыяцыйных фізіка-хімічных праблем, Інстытут радыеэкалагічных праблем і прадпрыемства «ИТЦ-Сосны» увайшлі ў склад Аб'яднанага інстытута энергетычных і ядзерных даследаванняў[3].
Распрацоўкі
«Памір»
Адным з галоўных праектаў была распрацоўка мабільнай АЭС на колавым шасі. Рэактарная ўстаноўка атрымала назву «Памір». Галоўным канструктарам праекта быў Васіль Несцярэнка[4]. Усяго было сабрана два камплекты мабільнай АЭС, адзін з якіх паспеў цалкам прайсці выпрабаванні.
Рэактарны і турбагенератарны блокі былі размешчаны на шасі двух цягачоў МАЗ-537. Пульт кіравання і памяшканні для персаналу былі размешчаны яшчэ на двух аўтамабілях. Усяго станцыю абслугоўвала 28 чалавек. Устаноўка была разлічана на перавозку чыгуначным, марскім і авіяцыйным транспартам — самым цяжкім кампанентам быў рэактарны аўтамабіль, які важыў 60 тон.
Пасля Чарнобыльскай аварыі распрацоўкі перапыніліся, а абодва камплекты «Паміра», якія існавалі на той момант, былі знішчаны. Адзіная дэталь, якая захавалася адгэтуль, — металічная канструкцыя актыўнай зоны рэактара, усталяваная на тэрыторыі інстытута ў выглядзе часткі манумента «Паміра».
У выніку Інстытут зараз мае некаторыя запасы ўзбагачанага ўрану, які выкарыстоўваецца ў навуковых мэтах.
Сучасныя распрацоўкі
На гэты момант сярод праектаў Інстытута варта адзначыць даследаванні па пераўтварэнні доўгажывучых радыеактыўных ядзер у стабільныя з дапамогай нейтронаў. Навукоўцы спрабуюць дабіцца таго, каб радыеактыўныя элементы, напрыклад, элементы адпрацаванага паліва атамных станцый, якія застаюцца небяспечнымі на працягу некалькіх соцень або тысяч гадоў, перапрацоўваць у элементы, якія распадаюцца на працягу гадзін або нават секунд.
Для гэтага ў Інстытуце быў збудаваны «падкрытычны» рэактар малой магутнасці. Гэта значыць, што ў ім маса радыёактыўнага матэрыялу менш крытычнай масы, пры якой ідзе актыўнае выдзяленне энергіі.
Пры гэтым рэактар загружаны ўранам-235 агульнай масай 70 кг.
Лабараторыя мае статус міжнароднай, і ў праекце прымаюць удзел навукоўцы з іншых краін.
Зноскі
- ↑ а б Контакты — ГНУ «ОИЭЯИ-Сосны» НАН Беларуси (руск.)
- ↑ Лаборатория Энергобезопасность. Сайт института энергетики (руск.)
- ↑ Хроника Минска: 60 лет после Победы. Вечерний Минск (руск.)
- ↑ НЕСЦЯРЭНКА Васіль Барысавіч Памяці вучонага — Нацыянальная акадэмія навук Беларусі
Спасылкі
- Афіцыйны сайт інстытута (руск.)
- Інстытут на сайце НАН Беларусі